【國際禁毒日】走入社區，見證社區人士的支持｜自編自導自演串燒音樂短片🎵 ｜一首歌呈現吸毒者的迷失於、無力與改變

🌟6月26日國際禁毒日🌟
「一雙手🤲🏻只要握成拳頭能捱下去」
「抬頭吧🌅黑暗過會是晨曦❤️懷著樂觀總有轉機」
「你是你本身的傳奇💫前路裡振翅再高飛✨」
當你睇到呢d歌詞🎵🎹有無旋律喺你腦海中響起？佢地又有無曾經激勵過你？😉
送上青彩中心自編自導自演串燒歌音樂短片。作為吸毒者嘅主角迷失於無力感之中，但憑著勇氣及社區人士以歌激勵，慢慢改變，去除標籤，發現生命都可以充滿色彩。
無論你同吸毒者嘅距離有幾遠，我地都好想邀請你，喺今日國際禁毒日成為佢地改變嘅力量❤️邀請你進入以下連結，喺眾多歌詞裡面投出「最具鼓勵性歌詞」，以歌傳達美意🎁
👉🏻投票連結：forms.gle/t5yN...
😊投票後，我地會將勝出歌詞印製於紀念品上🎁送贈服務對象及社區人士，將鼓勵傳遞，提高社區接納意識💫
---------------
過去兩年禁毒日，我地曾訪問過社區人士，發現大家都能明白佢地嘅🙍🏻‍♀️🙍🏻‍♂️無助、掙扎，但卻又知道因爲佢地嘅行為，正在被社會排擠，甚至歧視。
戒毒，係一生嘅努力，並需要無比大嘅勇氣同毅力💫當中唔單只要戒除毒癮，更加要面對難以回首嘅創傷身心、破碎關係💔
從我地前線戒毒輔導經驗中見到，當一個人感受到被明白及支持嘅時候🤲🏻佢改變嘅能力就會倍增。甚或遭遇跌倒，都有勇氣企起身再黎過💪🏻
🌟「動聽人生」黃大仙區提升社區禁毒意識計劃，由黃大仙區撲滅罪行委員會主辦，路德會青彩中心合辦，禁毒基金贊助。定意連結社會，增加大眾對戒毒者嘅了解，並加予支援。
請密切留意我地嘅活動動向😆收到最新投票結果及紀念品！
#國際禁毒日 #626國際禁毒日 #青彩中心
#動聽人生 #社區支援 #以歌寄意 #鼓勵
---------------
編導、剪接、鋼琴｜ Jessica
攝影、吉他｜ 展
聲演 ｜Wendy @gaa1wai6
演員 ｜成