Рет қаралды 63
Egilea - Autora: Josune Barroeta
Interpretatzaileak - Intérpretes: Joanes Zeberio, Siv Bermeosolo
Hasiko da gure hirian Frantziako Tourra,
bi mila eta hogeita hiru urteko uztailean.
Etapa hasi eta amaitu, dena gure artean;
izango gara lehenak kirolaren munduan.
Berotzen dabil Josetxo gure koadrilakoa,
presta dago helmugara heltzeko aurreko partian.
Kantiploran jarri diote Bilboko txanpain-ura
egarri barik joateko portuak igotzean.
Hartu dute bizikleta gure txikiteroak,
entrenatzen hasi dira Zazpi Kale aldian.
Kalez-kale egingo dute “txirrindu-poteoa”,
maillot horia izango da artezago doanentzat.
Txirrindularientzako badaukagu menua:
Arenalean gozaldu, gero luzapenak.
Giharrak berotu ondoren doaz Pagasarrira,
eta bertan jokatuko da maillot zuri-gorria.
Antolatu omen dute “gastronomía-tourra”,
pintxoak jaten hasteko goizetik arrastira.
Zatozte danok Bilbora eguna pasatzera!,
etapa amaitu ondoren danok pintxopotera!
Badator hor telebista, prentsa eta irratia,
munduan erakusteko Bilbo eta Bizkaia.
Aldatu beharko dituzte etapa guztiak,
Bilbo ezagutuz gero, ez dute nahiko joan.
Tourra dator Bilbora, Bilbotik Parisera,
hemen hasi eta Euskal Herritik doa Frantziara.
Etorri jaku Tourra, goazen danok Bilbora,
jarri itzazue maillotak, baita Athletikekoa!