Рет қаралды 5
Mae cynefinoedd ffen ar dir isel yn CNPT yn cynnal cymunedau o blanhigion ac anifeiliaid amrywiol ac mae cysylltiad cyffredinol dda rhyngddynt a systemau gwlyptir eraill ar dir isel. Fodd bynnag, maen nhw mewn cyflwr gwael mewn mannau ac mae tystiolaeth o ewtroffigedd a llygredd yn ogystal â phroblemau o ran ymlediad prysgwydd olyniaethol a rhywogaethau anfrodorol ymledol, e.e Rhododendron yn Ffen Pant y Sais, a Helygen y Môr yn y cynefinoedd cors a ffen ger Iardiau Trefnu Cynffig. Mae rhai systemau gwlyptir ar yr ucheldir megis Gors Llwyn mewn cyflwr rhesymol ond mae colli cynefinoedd gwlyptir eraill ar yr ucheldir trwy esgeulustod, coedwigo, datblygu a gwelliannau amaethyddol wedi peryglu eu cysylltedd. Yn gyffredinol, mae’r cynefinoedd gwlyptir yn CNPT yn fach, yn ddarniog a heb eu cysylltu’n dda.
Oherwydd hyn i gyd, gwelir bod cadernid y gwlyptiroedd yn CNPT yn eu crynswth yn sylweddol is na da ac, o ganlyniad, aseswyd bod sefyllfa byd natur y cynefinoedd hyn yn wael.
www.naturenpt.cymru/cy/wetland