Рет қаралды 17,753
Хятад улс энэ долоо хоногт эдийн засгийн цөмийн бөмбөгөө хаялаа.
Хэрэв та миний Хятадын эдийн засгийн талаарх бичлэгийг үзсэн бол шалтгааныг нь мэдэж байгаа байх.
1. Банкны салбар маш ихээр муудаж, чанаргүй зээлийн тоо ихэссэн.
2. Банкны ашгийн маржин буурсан.
3. Хэрэглэгчдийн итгэл үнэмшил байхгүй болж байна.
4. Шинэ үл хөдлөхийн үнэ ханш буурсан.
5. Сүүлийн хэдэн жилд Хятадын экспорт муудсан.
Өсөлтийн эсрэг зүйл бол дефляци. 2022 оноос хойш Хятадын эдийн засгийн өсөлт буурч, нийт гурван улирал дараалан хямралд орсон.
Ийм явдал 1998 болон 2008 онд болж байсан юм.
“Хятадын эдийн засаг руу хөрөнгө оруулалт хийх үү?”
“Автаматагийн багцад Хятадын хувьцаа багтах уу?” гэж хүмүүс их асуудаг.
ЦАГ НЬ БОЛООГҮЙ ЭЭ.
Учир нь Хятад улсын эдийн засагт улс төрийн оролцоо хэтэрхий том нөлөөтэй.
Жишээлбэл, 3 жилийн өмнө Хятад улсын эрх баригчид сургалтын төвийн үйл ажиллагааг хориглох шийдвэр гаргасан.
Үүнээс болж Хятадын өндөр үнэлгээтэй, технологи болон боловсролын компаниудын (TAL Education, New Oriental Education, Gaotu Techedu) хувьцаа огцом унасан.
Энэ мэтчилэн төрийн бодлогоор хувийн хэвшлийн компаниудыг боож, дураараа хориг тавьдаг улсаас хөрөнгө оруулагчид зайлсхийдэг.
Тиймдээ ч Хятадын хөрөнгийн зах зээл өсөлт үзүүлэхээ больсон.
Яагаад Хятад улс хөрөнгийн зах зээлээ дэмждэггүй юм вэ?
Учир нь Хятад улсын иргэдийн зөвхөн 10% нь л хөрөнгө оруулалт хийдэг, харин үлдсэн 90% нь үл хөдлөх эзэмшдэг.
Гэхдээ энэ байдал удахгүй өөрчлөгдөх болно. Тэр үед л Хятадын хувьцааг авч магадгүй юм.
Би сарын өмнө хийсэн бичлэг дээрээ Хятад улс хямралд орно гэж ярьсан.
Дээр дурдсан шалтгаануудаас улбаалж Хятад улсын эдийн засаг нэлээн хүнд байдалд орсон.
Харин энэ долоо хоногт Хятадын намын удирдлага болон төв банк асуудал дээр арга хэмжээ авч, эдийн засгаа аврах цөмийн бөмбөг хаялаа.
Тэд юу хийсэн бэ?
- Бодлогын хүүг бууруулсан Банкнуудын нөөцийн шаардлагыг бууруулсан Ерөнхийдөө банкны үйл ажиллагааг илүү чөлөөтэй болгосон гэсэн үг.
- Мөн хөрөнгийн зах зээлийн компаниудад бараг хүүгүй зээл өгч байна.
- Нэмээд барилгын салбараа дэмжиж эхэлж байна.
Энэхүү шийдвэрийг гарснаас хойш Шанхайн хувьцааны үнэлгээ 2760-аас 2860 хүртэл өссөн.
Мөн түүнчлэн зэсийн ханш өссөн нь манай улсад ашигтай.
Тэгвэл ирээдүйд Хятад улсад юу тохиолдох вэ?
Хятадын эдийн засаг хямралд орох ч гэлээ, нурна гэж байхгүй.
Учир нь эдийн засаг дахь долларын нөлөө улам багасаж, Хятад улс дотор хүмүүс хүссэн валютаараа худалдан авалт хийх боломжтой болж эхэлсэн.
2000 онд дэлхийн улс орнуудын хамгийн том худалдааны түнш нь Америк байсан бол 2020 онд Хятад улс болсон.
Энэ жилийн 6 сард Хятад улс 99 тэрбум долларын худалдааны тэнцлийн ашигтай гарсан.
Ганцхан сарын дотор.
Энэ бол үйлдвэрлэгчдээ дэмжих урт хугацааны бодлогын үр дүн.
Энэхүү бодлогын хүрээнд өрсөлдөөнийг улам нэмэгдүүлсэн. Хэрэв томоохон компаниуд инновацлаг байж чадахгүй бол жижиг компаниудад барьж идүүлэх болно.
Ингэснээр Хятад улсын бараа бүтээгдэхүүн улам чанартай болсон.
2013 оноос хойш тэдний худалдааны тэнцэл байнга өсөлт үзүүлсээр байна.
Энэ бүгдээс харахад Хятадын ирээдүй маш тодорхой.
Хэдийгээр хүн амын тоо буурч байгаа ч шинэлэг, бүтээлч байдлаараа тэд тэргүүлж байна.
Хятадын эдийн засаг өсөлттэй байх нь Монголчууд бидэнд сайн мэдээ.
-----
Та миний “БОРЛУУЛАЛТЫН НУУЦ” хөтөлбөрөөр дамжуулж, 2 жил ажиллаад л урт замынхаа ард гарч чадах ч юм билүү?
Дэлгэрэнгүй мэдээллийг доорх холбоосноос авна уу.
shorturl.at/jG65r