後台直撃！ 苦情樣望實刁蘭 陳展鵬咀胡定欣即笑

講到Happy，相信一定係陳展鵬同胡定欣。胡定欣再度冧莊拎視后，展鵬都一嚐做視帝滋味。
仲記得上年展鵬知自己冇得拎視帝，只係得「我最喜歡電視男角色」，即時面燶燶。 今年視帝呢個獎項雖然有郭晉安中途殺出嚟同佢爭，但係陳展鵬穩操勝劵，等到頸都長埋終於有啦!
不過，陳展鵬有獎喺手，當然想同胡定欣一齊share呢份喜悅。話晒依家講到陳展鵬向胡定欣求婚咁濟喎! 昨晚個個有獎拎嘅藝人，喺後台都企定定俾傳媒影相，分開影又有，企埋一齊影又有。到陳展鵬同胡定欣嘅時候，兩個先係企開俾傳媒影，但係陳展鵬全程心不在焉，係咁望向胡定欣嗰面!
展鵬不時咁俾訊號胡定欣，希望佢望過嚟。可惜，胡定欣就收唔到，企定定俾大家影相。終於有人開聲叫佢哋企埋一齊，陳展鵬即刻急急腳行埋去胡定欣身邊。當全場叫展鵬要錫落胡定欣度嘅時候，陳展鵬應該係打從心底笑出嚟，仲即時扮晒咀兩下。胡定欣見大家咁高興，都整個飛吻先，之後陳展鵬見女方有表示，就即場嚟一個轉身咀埋去！
壹週Plus : hk.next.nextmedia.com
即 like 壹週Plus fb : nextmagazinefansclub