Həyat yoldaşı onu tərk etdi, Yaşı nikaha düşməyən qızla evləndi

Həyat yoldaşı onu tərk etdi, Yaşı nikaha düşməyən qızla evləndi - faciəvi şəkildə dünyadan köçdü

Рет қаралды 11,463

Күн бұрын

Ağadadaş Qurban oğlu Qurbanov 1911-ci il martın 8-i Bakının Saray qəsəbəsində kasıb ailədə dünyaya gəlib. Valideynlərini erkən itirdiyi üçün bacısı ilə birgə babasının himayəsində yaşayıb. Ancaq bir neçə il sonra onları da itirdiyindən şikəst əmisinin yanında qalmalı olublar. O, 9 yaşından qonşulara su daşımaqla ailənin qayğılarını yüngülləşdirməyə çalışıb. Ağır həyat yaşasa da, hələ məktəb yaşlarından teatra, incəsənətə böyük maraq göstərən Ağadadaş Qurbanov istedadlı uşaqları başına yığıb dram dərnəyi yaratmağa çalışıb, rejissorluğu da özü edib.
17 yaşında ikən ilk tamaşasını Lətif Kərimlinin müəllifi olduğu ”Fırtına" əsərini ərsəyə gətirib. Tamaşa böyüklərin də marağını cəlb edib və əsərə baxmağa gəliblər. Beləliklə, Ağadadaşdakı aktyorluq istedadını görüb sonralar onu teatra cəlb ediblər. Onun səhnəyə qoyduğu tamaşalara baxmaq istəyənlərin sayı o qədər çox olub ki, oturmağa boş yer tapılırmış. Aktyor 1952-ci ildə Gənc Tamaşaçılar Teatrında, 1952-ci ildən ömrünün sonunadək isə Azərbaycan Dövlət Milli Dram Teatrında fəaliyyət göstərib.
Ağadadaş Qurbanov bir sıra filmlərdə də rol alıb. O, 1941-ci ildə Abbasqulu Ağa Bakıxanov rolu ilə "Səbuhi" filmində oynayıb. Həmçinin "Zəncirlənmiş adam" filmində Alvardo, "Bir qalanın sirri" filmində Usta, "Qızmar günəş altında" filmində professor, "Koroğlu" filmində Həsən xan, "Telefonçu qız" filmində Zakirin atası, "Bizim küçə" filmində isə Bəhram rolunu ifa edib
Ağadadaş Qurbanovun çox uğurlu kino qəhrəmanlarından biri Argentina yazıçısı Draqunun “İtə çevrilən adam” hekayəsi əsasında rejissor Kamil Rüstəmovun ekranlaşdırdığı “Zəncirlənmiş adam” filmindəki Alvardo obrazıdır. Aktyor bu filmdə hər cür məhrumiyyətlərə məruz qalmış bir insanın dəhşətli həyatının ağır anlarını canlandırıb.
O 17 iyun 1943-cü ildə 24 yaşında Azərbaycanın Əməkdar artisti adını alan nadir aktyorlardan biri olub. 27 fevral 1954-cü ildə isə Xalq artisti fəxri adına layiq görülüb.
Onun ilk evliliyi Xalq artisti Gülxar Həsənova ilə olub. Gülxar xanım özfəaliyyət klubunda çıxış edən zaman özündən 11 yaş böyük olan aktyor Ağadadaş Qurbanovla tanış olub. Bir müddət sonra aktyor ona evlənmək təklif edib. Lakin, aktrisanın yaşı nikaha düşmədiyi üçün onlar dini kəbin kəsdiriblər. Bu evlilikdən Hamlet Qurbanov dünyaya gəlib.
Gülxar Həsənova həmin gündən sonra həyat yoldaşı ilə birgə tamaşalarda çıxış etməyə başlayıb. Lakin Ağadadaşı sevən qadınlar gün-gündən artıb. Onlardan biri isə vaxtilə Gülxarla tibb institutunda oxuyan qadın olub. Ağadadaşın bütün tamaşalarına gül-ciçəklə gələn qadın Gülxara nifrət edirmiş. Bir gün isə o, belə qərara gəlir ki, Gülxar tamaşadan çıxanda daş atıb onun gözünü kor etsin. Lakin bu məsələni Ağadadaşa çatdırıblar. Ağadadaş Gülxarın ondan tez teatrdan çıxmasına icazə verməyib. Beləliklə aktrisa böyük bir hadisədən xilas olub.
Bir gün isə həmin qadın düz onların evinə qədər gəlib və onunla görüşüb Ağadadaşla bir-birlərini sevdiklərini deyib. Bu sözdən məyus olan Gülxar bir yaşı yenicə tamam olan oğlu Hamleti da götürüb evindən həmişəlik çıxıb. Həmin məqamda Ağadadaş Qurbanov evdə yatılı olub.
"Arşın mal alan" filmində Soltan bəy roluna çəkilən aktyor kinolentinin tamamlandığı ərəfədə Salyana qastrola gedib. On beş yaşlı qızı Gülşən Qurbanova da onunla bir yerdə olub. Onlar mehmanxananın eyvanına çıxanda qəfildən eyvan uçub və aktyor qızı ilə birgə eyvandan yıxılıb. Ağadadaş Qurbanov 25 iyun 1965-ci ildə faciəli şəkildə həlak olub, Gülşənin isə qolu sınıb. Xalq artisti Bakıda Fəxri xiyabanda dəfn olunub. Gülşən xəstəxanada olduğundan ondan atasının ölümünü bir müddətlik gizlədiblər. “Arşın mal alan” filminin finalındakı toy səhnəsində Ağadadaş Qurbanovu Ələkbər Hüseynzadə ifa edibAğadadaş Qurbanovla oğlu Hamlet eyni teatrda çalışsalar da, bir-birləri ilə küsülü olublar. Amma bu küsülülük ailə məsələlərinə görə yox, teatrdakı problemlərlə bağlı olub. O rəhmətə gedən ərəfədə Gülxar xanım oğlu Hamletlə birgə Moskvaya gedib. Hamlet rejissorluq ixtisasından imtahan verib. İkinci imtahanı verən zaman Gülxara Ağadadaş Qurbanovun ölüm xəbərini çatdırıblar. Xəbəri eşidən aktrisa ağlayıb, Hamlet anasının səsini eşidib gələndə, o, ərinin ölümünü ondan gizlədi . Ölənin başqa aktyor olduğunu deyib, özü isə ertəsi gün Bakıya qayıdıb. Lakin elə ertəsi gün rejissor Eldar Quliyev bu xəbəri Hamletə çatdırıb. Hamlet ona zəng vurub ağlaya-ağlaya deyib: “Ana, axı sən niyə belə elə elədin? İndi mən atamla həmişəlik küsülü qaldım. Heç olmasa son dəfə gəlib onun yola salardım”.
Ərindən ayrılsa da, ərinin qohumları həmişə Gülxarın yanında olublar. Ağadadaş Qurbanov rəhmətə gedəndə məzarlığa gedən aktrisanı görən baldızı gəldiyi üçün ona acıqlanıb. Gülxar dəfn mərasimindən getmək istəyəndə Leyla Bədirbəyli onu getməyə qoymayıb. Özü ilə birgə aktyorun ikinci həyat yoldaşının evindəki yas mərasiminə qədər aparıb. Ölümündən sonra aktyora sevgisi azalmayan aktrisa hər gün Ağadadaş üçün “Yasin” oxuyurmuş.

Пікірлер: 19

@leylimemmedova573 6 ай бұрын

Yaddan çıxmaz, unudulmaz sənətkarlar.....Həmişə qəlbimizdəsiniz... Saraydamı dəfn olunub rəhmətliklər???

@qurbanhuseynov6552 6 ай бұрын

Aģadadaş Qurbanov gözəl sənətkar olub

@qarabagazrbaycandr3185 6 ай бұрын

Baxmadan bəyəndim. Uğurlar

@SehlaRehimov 6 ай бұрын

Allah rahmet elesin mekanın cennet ruhun şad olsun deyerli senetkarimiz.İndide bu kinolara seve seve baxiram.heyif sizlerden sizden bir daha gelmeyecek.indi de aktyorlar var tebii ki aktyor demek olarsa.Nə gördük öyrəndik sizlerden ibret aldik.indikiler hamisi utanc verici aktyorlardi.yoldan keçən gelib aktyor olub.yetenek deye bir istedad yox.Men baxmiram indi çəkilən kinolara.

@Huseynli_media 6 ай бұрын

Xoş izləmələr

@Kanal37 6 ай бұрын

Bu verlişlərə baxanda adam kövrəlir, heyf o cür sənətkarlardan. İndi qalmışıq mənasız aktyorların çəkildiyi kinoların ümidinə. Başqaları inkişaf edəndə biz geri getmişik bu illər ərzində. Bu insanları yetişdirən Sovet idi, yoxsa Azərbaycan? Azərbaycan idisə indi niyə yoxdu onlar?

@SehlaRehimov 6 ай бұрын

Çox haklisiniz.doğrudur.mən baxmiram indi çəkilən kinolara.utanc vericidir.

@DlareElekberova-ji6gx 6 ай бұрын

Aiiah rehmet elesın💔💔👍

@Xabarman123 6 ай бұрын

Faiq Ağayev, Eyyub Yaqubov, Elariz Məmmədov haqqında da çəksəniz maraqlı olar.

@Bilginize 6 ай бұрын

Arif Mirzəquliyev də maraqlı personajdır. Sərvər obrazını canlandıranaktyor. Onun həyatı da maraqlıdır

@Xabarman123 6 ай бұрын

Onu bilmədim, amma hər halda maraqlı olar tanımaq

@elcinheyderov2063 6 ай бұрын

Sehne adamlari ,ne qederki taninan olsarda bexti bedbext adamlardır..

@qarabagazrbaycandr3185 6 ай бұрын

Allah heç kimə belə ölüm qismət etməsin. Ağır dərddir

@qarabagazrbaycandr3185 6 ай бұрын

İndi yazı1 ovladı özünü bağıslamır yəqin

@Xabarman123 6 ай бұрын

Faciəvi ölümdür

@AdileAdile-jq1bf 5 ай бұрын

Bawa dùwmedim qizmar gùnew altinda professor var.ki. aģadadaw qurbanov kalxoz sedri olub .mùrsel doktorun yeznesi.

@leylapireliyeva5588 6 ай бұрын

Ağadadaş Qurbanov Gənc tamaşaçılar teatrının yaradıcısı olub və ömrünün sonuna kimi də orada çalışıb.Veriliş hazırlayanda məsuliyyətli olun,yalançı vikipediyanı kopyalamayın,bir az zəhmət çəkib araşdırın,sənətkarın ruhunu incitməyin.Bir zəhmət İlham Rəhimlidən soruşun.