Рет қаралды 21,786
İnsanlar bir-biriləri üçün sınaq mənbəyidir
Ayəyə diqqət etdikdə, anlamına nəzər saldıqda görürük ki, insan biri-biriləri üçün əslində sınaqdırlar. Bu ayənin təfsiri nöqtələrinə keçməzdən öncə, bir onu vurğulamaq lazımdır ki, Aşura günü Kərbəla səhnəsində Həzrət İmam Hüseynin (ə) nigaranlığı var idi ki, birdən onun da sınağı Həzrət İbrahim (ə) kimi yarımçıq bitər. Belə ki, o Həzrət (ə) tam, kamil halda, sonadək bu imtahanı vermək istəyirdi...
Əgər məsum insan meydana çıxırsa, bu, bəşərin xilası üçündür. Həzrət Fatimeyi-Zəhranın (s.ə) meydana çıxması və öz vəzifəsini yerinə yetirməsi - əslində İlahi vilayəti, Həzrət Əlinin (ə) mübarək vilayətini müdafiə etmək, möminlərə, iman əhlinə bu istiqamətdə yol göstərmək üçün idi.
Günümüzdə də bu mövzu aktualdır. Allah Təala bizlərə İlahi nura, İlahi vilayətə tərəf yönəlməni nəsib etsin!
Müfəssirlər buyururlar ki, bu ayədən çıxara biləcəyimiz birinci dərs budur ki, Həzrət Peyğəmbər (s) insanlar içərisində sadə həyat yaşayırdı. Və insanlar üçün bu, sınaq idi. Əgər Peyğəmbərimiz (s) sarayda yaşasaydı, imkanlı olsaydı - təbii ki, camaat dünyada onun ətrafına daha rahat yığışardılar. Amma, Peyğəmbərimizin (s) sadə yaşaması və insanlar içərisində olması - digər insanlar üçün bir sınaq idi. Əslində dəyər də elə bundadır. Çünki, digər halda onların Peyğəmbərə (s) tərəf yönəlməsi mənəvi dəyər üzərində olmazdı. Peyğəmbərin (s) sadə yaşayıb insanlar içərisində adi bir insan kimi olmasının və məhz dəyərlərə görə insanların Peyğəmbərə (s) yanaşmasının böyük İlahi dəyəri var.
Ayədən çıxan ikinci təfsiri nöqtə budur ki, insanlar özləri, özləri üçün sınaqdırlar. İmkanlı insan fəqir insan üçün, zəkalı insan düşünmə qabiliyyətində zəif olan insan üçün - ümumilikdə bütüm insanlar bir-biriləri üçün sınadır.
İnsanın təkamülünün açarı - səbirdir
Üçüncü dərs budur ki, sınağın açarı - səbirdir. Əgər insan sınaq və imtahanları layiqincə vermək istəyirsə, gərək səbir etsin. Səbir - Allaha sığınaraq sabitqədəm olub, Allahın razılığını qazanmaq üçün Allaha bəndəlik yolunu davam etdirmək, bu yolda qarşılaşdığın bütün sınaqlara, müsibətlərə tab gətirməkdir. Səbir - məzlumluluq deyil, əksinə - dayanıqlılıq, hərəkət, yüksəliş, mənəvi təkamülün açarıdır.
Dördüncü təfsiri nöqtə budur ki, İlahi sınaqların fəlsəfəsi - insanların yetişməsidir. Yəni, biz imtahan, sınaqlar, müsibətlərlə ona görə üzləşirik ki, mənəvi təkamülümüz baş versin. Eyni zamanda imtahanlar istedadların üzə çıxması üçündür. Yəni, Allah bəşəriyyətin halından xəbərdardır. Amma bu imtahan və sınaqlardır ki, istedadları üzə çıxarda bilir. İradəvi olaraq bu istedadlarını üzə çıxardanların Allah qatında mükafatları var.
#Hacı Ramil#HaciSahin #TeqvatvHaci#SahinHesenli#Cümə#xütbəsi#
Digər nöqtə isə budur ki, Allahın hər şeydən xəbərdar olması, insanın səbrini gücləndirir. İmtahan, müsibət və sınaqlar ona görə insan üçün asan olur ki, Allah bunları görür. Bu özü insana böyük bir motivasiya verir ki, Allah xəbərdardır, bilir və görür.