Рет қаралды 111,300
Халықтың азық-түлік алу үшін ақшасын үнемдеп жүргені кейбір лауазымды шенеуніктерді ойландырмайтын, толғандырмайтын сияқты. Мәселен, сауда министрі Бақыт Сұлтанов Алматы мен Талдықорғанға екі күндік іссапарына 10 миллион теңгеге жуық қаражат жұмсапты. Ақпанда алдымен Алматыға барған министр қала әкімі Ерболат Досаевпен бағаның тұрақтылығы және сауда-саттықтың дамуына қатысты жиын өткізіп, мәселені талқылаған. Артынша Алматы облысының әкімі Қанат Бозымбаевпен Талдықорғанда жолығады. Осы сапарға сіз бен біздің, яғни бюджеттің 9 миллион 600 мың теңгесі кетіпті. Ал, қаржы министрі Ерұлан Жамаубаев әуелде айтылған сома, «авиакеросинге кеткен ақша» шығар деп болжап отыр.
Сауда және интеграция министрі Бақыт Сұлтанов екі қалаға барып, екі әкіммен кездесу үшін 10 миллион теңгеге жуық қаржы жұмсаған. Ал Премьер-министрдің орынбасары Ерұлан Жамаубаев Сұлтановқа қолдау көрсеткісі келді ме әйтеуір, ақшаның көп бөлігі министр мінген ұшақтың отынына кеткеніне сенімді.
Ерұлан Жамаубаев, ҚР Премьер-министрінің орынбасары - Қаржы министрі:
- Көп дегенде жаңағы ұшақтың авиакеросиніне кететін қаражаттың сомасы деп ойлаймын мен.
Бақыт Сұлтановтың іссапарға жұмсаған 9 миллион 600 мың теңге нақты кімдердің, қанша маманның шығынына кеткені туралы ақпаратты министрлік бере алмады. Ал қаржы министрі Ерұлан Жамаубаев үкіметте министрлерге ақшаны үнемдеп ұстау керек деген кеңес жиі айтылады дейді.
ЕРҰЛАН ЖАМАУБАЕВ, ҚР премьер-министрінің орынбасары - Қаржы министрі:
- Үнемді пайдалану керек. Егер де бұған арнайы премьер-министрдің де тапсырмасы бар. Егер де шұғыл жағдайлар болмаса, егер де қандай да бір күйіп бара жатқан дүниелер болмаса рейстік ұшақтармен ұшу керек деген жөнінде.
Ал, өткен аптада референдумның маңыздылығын халыққа түсіндіреміз деп өңірлерге шыққан сенаторлар, іссапарға мұндай қаржы жұмсамаймыз дейді. Қарапайым халықпен бірге эконом санаттағы ұшаққа отыратындарын айтады.
НАРИМАН ТӨРЕҒАЛИЕВ, ҚР Парламенті сенатының депутаты:
- Біздің іссапарымызға мысалыға бардық келдік. Жол ақысы ғана төленеді. Әрине, біз бизнес класспен ешқашан ешқандай депутат ұшып көрген жоқ. Бизнес класспен ұшқың келе ме? Қалтаңнан ақша төле де, ұша бер.
Айта кетейін, үкіметтің қаулысы бойынша мемлекеттік органдар өздеріне қарасты министр, депутат және мемлекет қызметкерлерін іссапарға жіберуі ішкі тәртіппен жүзеге асырылады. Яғни, әр орган қызметкерін эконом немесе бизнес санаттағы ұшақпен жіберу, жібермеуді өздері шешеді.
Өмір Серікбекұлы, Дидар Елеуов
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#үнемдеу #бюджет #министрлер