Рет қаралды 585,051
СНХ: Құрметті Қазақстандықтар. Сіздерге бір-екі сөзім бар. Туған жерім Қостанай облысы,Арқалық. 2015 жылы мен Ресейдің жаңалығына сеніп Украинаға келдім. Фашистер бар ма деп тексерейін деп. Мен түсіндім. Осында жақсы адамдар тұрады. Қазақтарды жақсы көретін. Жаңалыққа сенуге болмайды. Фашистер жоқ мұнда. 34 секунд.
Бәріңізге ассалаумағаликум. Украин жерінде соғысып жүрген қазақ жігітінің айтқаны бұл. Ал Буча қырғынына қатысты Ресей тарапы не деп ақталды?
«Менікі кінәлі емес» деп беті бүлк етпеген Путинның адамдары тағы қандай сұмдықтарды жасырып қалды? Қанпезер қадыровшылар жасағы халықты қалай азаптап қырған? Қай ел Украинаға ең көп көмек берген, қай ел кері тартып отырған? Киев облысындағы қалалар ішінде халқы ең көп қырылған Буча емес екен. Ендеше ол қай қала болғаны? Ресей-Украина соғысындағы сіз әлі естімеген ең маңызды оқиғалар жетерлік. Мұны сізге білген дұрыс!
Буча қырғынын естіп, көріп жүректеріңіз қан жылаған болар. Сөйтсек бұл бер жағы ғана екен. Қаланың бір тұрғыны бір айдан аса уақыт ішінде не көргені туралы әңгімелеп берген. Блогер Ержан Әбдіраман аударып шығыпты. Дереккөз Белсат арнасы. Ал тыңдаңыз. Ресей әскері қалаға наурыздың 2-сі күні кірді. Біз бункерге тығылдық. Ол екі есікті болатын. Біріншісін оккупанттар бұзды. Екіншіні өзіміз аштық. Өйткені, бұзып кірсе бәрімізді өлтірер еді. Олардың көбі орыстар мен белорустар болды. Алғашқы күндері тиіспеді. Тамақ әкеп берді. Сосын бұлар кетіп, басқалар келді. 7 наурыз күні балалар мен әйелдерді, сосын еркектерді сыртқа шығарды. Бәрімізді тізерлетіп қойып тінтіді. Заттарымызды тонап алды. Құжаттарды тексерді. Бұрын Донбасты қорғауға қатысқан, осы соғыста әскерге жазылған немесе денесінде «нацист» екенін білдіретін татуировкасы бар адамдарды бірден өлтірді. Украинаның гербін тату етіп салғандарды да атып тастады. Шүйдеден немесе жүректен атты. Түрлеріне қарап олардың біразы буряттар деп ойладым. Бірнеше аптадан соң қадыровшылар келді. Олардың формасы басқаша - қара немесе қоңыр-жасыл түсті. Соңғы апта бұлар күні бойы көшелерді аралап көздеріне түскен тірі пендені атумен болды. Көршіміз зейнеткер қария еді. Үйінің алдында өзімен-өзі отырған жерінен атып кетті.Қадыровшылар шеттерінен қаныпезер болса, орыстар әртүрлі еді. Арасында өрімдей жастары көп. Кейібірі есікті тықылдатып, түнеп шығуға рұқсат сұрады. Кейбірі баса көктеп кіріп, үйдегілерді тепкілеп қуып шықты. Екі кісі су әкелу үшін машина оталдырып жатқанда қадыровшылар атып кетті. Жарық, су, жылу ештеңе болған жоқ. Кірпіштен ошақ жасап тамақ пісірдік. Тамақты бөлісіп жедік. Украин әскері келген соң Ирпенге көштік. Адамдардың осынша күннен соң нанды алғаш көргенде қалай жылағанын ұмыта алмаймын.
Мінеки соғыстың салған анығында Путиннің салған лаңы осындай. Негізі Киев облысындағы қалалар ішінде халқы ең көп қырылған Буча емес, Бородянск екен. Украинаның бас прокуратурасы осылай мәлімдеді. Бұл қалада - 12 мың тұрғыны бар көрінеді. Ал енді Украинадағы соғысқа қатысты кейбір сіз естімеген осындай жаңалықтарға тоқталайық. Ресейлік бір солдат бронежилетінің ішіндегі оқ өткізбейтін пластинаны алып тастап, орнына ұрланған ноутбук салып алыпты. Ол ақыры Ирпенде кеудесіне оқ тиіп өлді. АҚШ президенті Джо Байден «Путин - варвар» деді, бірақ Киев облысындағы қырғынды «геноцид» деп атаудан бас тартты. Ресей оккупанттарының қылмыстары әлемді түршіктіргеніне қарамастан, Германия Ресейге эмбарго жасай алмаймыз деп мәлімдеді. Эмбарго бұл шетел тауарларын кіргізуге я басқа бір елге тауар шығаруға тыйым салу деген сөз. Бір апта бұрын Economist журналына берген сұхбатында Зеленский «Бізге ең көп көмектесіп жатқан Ұлыбритания, ал ең кері тартып отырған ел Германия» деген болатын. Харьков тұрғындары ресейлік оккупанттарға уланған пирожок пісіріп берген. Екі ресейлік солдат өліп, 28-і реанимацияға түскен. Ақпаратты Украинаның қорғаныс министрі растады. Ресейдің Хакасия аймағында ОМОН-ның 11 қызметкері Украинаға бару туралы бұйрықты орындаудан бас тартыпты.
Иә, бір кездері Еуропаны фашизмнен құтқарған орыс әскері өздері фашист болды. Күні кеше Бучада жасалған қылмыс әлемнің жанын түршіктірді. Және оны жасаған Ресей империясының бұратана ұлттарының өкілдері,азиаттар екен. Ішінде қазақ ,ноғай, саха, бурят тағы басқалары бар. Қазір қандай әскери құрамалардың Бучада болғанын анық білеміз, енді оның құрамындағылардың толық тізімі де айқындалады дейді украиндер.
Анықталсын, айқындалсын әрине, қолмен істегенін мойындарымен көтереді де, кім болса да адамшылықтан кеткен жандарды аяуға болмайды. Жауыздар қай ұлттың да арасында бар, ал азиаттардың қолымен қылмыс жасату бұл да бір аяр саясаттың түрі, қазіргі ресей билігі оңбағандығының тағы бір көрінісі.
Ой түю керек, қылмыскерде ұлт болмайды, оның үстіне тұтас халықтың обалына қалып геноцид жасаушы путлер мен оның билігін, өз халқынан жауыздар жасағандары үшін қарғыс атсын. Биліктің өз әскерінен жауыз жасаулары үлкен қылмыс.