Рет қаралды 6,940
#APATV #cəmşidnaxçıvanski #məzunlar #hərbilisey #15iyun #milliqurtuluşgünü #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Hamı bu məzunlardan danışır: HƏRBİ LİSEYDƏ 50-Cİ MƏZUN BURAXILIŞI
Cəmşid Naxçıvanski adına hərbi liseyin bu gün məzun buraxılışı günüdür. Ölkəmizdə zabitlərin hazırlanmasında müstəsna xidmətləri olan liseyin sayca 50-ci məzun buraxılışı 15 iyun - Milli Qurtuluş Gününə təsadüf edir.
50-ci məzun buraxılışı mərasimi ümummilli lider Heydər Əliyevin və Azərbaycanın müstəqilliyi, ərazi bütövlüyü uğrunda canlarından keçmiş şəhidlərin xatirəsinin bir dəqiqəlik sükutla yad edilməsi ilə başlayıb. Ardınca hərbi orkestrin müşayiəti ilə şəxsi heyət Azərbaycanın dövlət himnini ifa edib və liseyin Döyüş bayrağı təntənəli surətdə sıra meydanına gətirilib.
Buraxılış mərasimində çıxış edən Milli Müdafiə Universitetinin rektoru vəzifəsini icra edən, professor, general-leytenant Heydər Piriyev bildirdi ki, 1971-ci ildə əsası Heydər Əliyev tərəfindən qoyulan C.Naxçıvanski adına liseyin Silahlı Qüvvələr üçün zabit kadrlarının hazırlanmasında əvəzsiz rolu olub. O , Silahlı Qüvvələrin, eləcə də, Hərbi liseyin Ali Baş Komandan İlham Əliyevin diqqət və qayğısı ilə əhatə olunduğunu qeyd edib.
Çıxış edən digər natiqlər isə məzunlara uğurlar diləyib, onlara Vətənə layiqli zabit olmalarını arzulayıblar.
Kursantlar da öz növbəsində onlara göstərilən etimadı doğruldacaqlarına, dövlətə layiqli zabit olacaqlarına, Vətən, dövlət və xalq qarşısında vəzifələrini layiqincə yerinə yetirəcəklərinə, hərbçi şərəfini hər zaman uca tutacaqlarına söz veriblər.
Builki məzunlardan Xəyyam Məmmədov keçirilən lisey daxili qiymətləndirmədən, eləcə də tam orta təhsil səviyyəsi üzrə buraxılış imtahanlarından yüksək nəticə (284,6 bal) əldə etdiyi üçün tam orta təhsil haqqında fərqlənmə attestatının alınması üçün sənədləri Təhsil Nazirliyinə təqdim olunub: “Mən dərslərimə ciddi fikir verirdim və birinci yeri tutmaq üçün çox çalışırdım. Elə buna görə də DİM-in keçirdiyi buraxılış imtahanlarında 300 baldan, 285 bal toplayaraq kurs birincisi adına layiq görüldüm. Mənim fərqlənmə attestatı almağım üçün rəhbərliyim tərəfindən Təhsil Nazirliyinə də müraciət olunub. İndi mənim yeganə məqsədim və amalım Azərbaycan Ali Hərbi Universitetinin kursantı olmaq və dövlətə fəxrlə, qürurla xidmət etməkdir”.
Onların bu uğurlarına təkcə özləri deyil, valideynləri də şərik idilər. Övladları ilə qürur duyduqları isə gözlərindən bəlli idi.
Buraxılış mərasimində tədris və intizamda fərqlənən kursantlara, həmçinin digər məzunlara nişanlar təqdim olunub. Sonda təntənəli marş ilə hərbi liseyin döyüş bayrağı aparılıb və “Son zəng” çalınıb.
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: www.youtube.co...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv