Рет қаралды 339
ئێوارەی پاییز
هۆنراوە : هێمن موکریانی
ئاواز و ئامادەکردن : دلێر ئیبراهیم - 1978
دابەشکردن: خالید سەرکار
تیپی مۆسیقای سلێمانی
ئای دیسان چوومە ژێر باڵێ ڕەشی شەوگاری تەنیایی
ئای دیسان دەبێ بچێژم ژەهراوی تاڵی جودایی
دەڕۆم، دەترسم، دەلەرزم لە پەلاماری مۆتەی شەو
داد لە دەست ئەو دڵەی بەخەم! وای لەدەست ئەو چاوەی بێخەو!
نازدارێکی چارشێو بەسەر بەتەنیشتمدا تێپەڕی
بە گوڕ(غار) هاتو توند قیژانی ڕوتەڵەیەک بە بەدفەڕی
کەمێ ڕاوەستا جا ڕابورد ئەو لاوەی جادەی ئەپێوا
دیاربوو خێسێکی دابوویە ئەو شۆخە لە بن چارشێوا
تا تاریکان پەیدا دەبێ چۆڵ و چۆڵتر دەبێ جادە
نە دێتە دەر کیژی لەبار نە ڕادەبورێ لاوی سادە
دوور قاقایەکم گوێ لێ بوو دەتگوت گولـلەم پێوە ئەنێ
چۆن بە ئێوارەی پایزیش هی (ئی) وا هەیە پێ بکەنێ
خەیاڵم بوو بوو بە وشە نەمزانی کەس بە دوامەوە
دەنگێکی لەرزۆک و نەرم بەسپایی جوابی دامەوە
بەڵێ هەن و یەگجار زۆرن بازرگانی فرمێسک وخوێن
بەڵێ هەنو پێ ئەکەنن بە سەر بە هەژ، بە مل بە کوێن
چاوم لە ئاسمان بڕیبوو دڵم هێندەی دیکە گریا
گەلێ بیرەوەری دوورم(کۆنم) لە پڕهاتنەوە بە بیرا
وتم کەوا بوو ئاشنا! بەشی ئێمە لە ناوچوونە (نێوچوونە)
وتی نا نا دوور بڕوانە(بنواڕە) دوور بنواڕە ئاسۆ روونە