هذي وصية أب - فهد بن فصلا و بندر بن عوير (حصرياً) 2024

لطلب تصميم
0552241921
هذي وصية أب
كلمات معالي المستشار
سعود القحطاني
أداء
فهد بن فصلا
وبندر بن عوير
_________
هذي وصية أب تكتب وتنقال
من واحد خاض الحياة العنيده
وصية من قلب مخلص للأشبال
لخالد الغالي وساري عضيده
بمحمد أوصيكم على كل الأحوال
على الأخوما يحرص إلا الوليده
الأخ ما تلقى عوض له ولا أبدال
فقد الأخويا عيالي أكبر فقيده
وأوصيكم بجدتكم بكل الأشكال
أمي ليامن غبت صارت وحيده
صيروا يد وحدة ترى الفرقة إذلال
حيث الوحيد يعيش عيشة زهيده
إليا اختلفتم صار لإبليس مدخال
خلى الصدور من العداوة وقيده
تراحموا ما بينكم شيب وعيال
يا حظ من حط التراحم رصيده
ربو على الدين وعلى الستر الأنجال
ارجو ثواب الله وخافوا وعيده
أنتم نسبكم فوق بالمرقب العال
سعود أبوكم والأصل في عبيده
وانا طويل ذراع وحمولي ثقال
الراس شامخ والهقاوي بعيده
اتعبت رجليني على كل متوال
وحطيت لي بصمة وسيرة مجيده
المرقب العالي رقيته ولا زال
آثار خطواتي عليه الوحيده
احفظ وصاة أبوك يا معرب الخال
أوصيك بالتقوى وحفظ العقيده
في طاعة الله لا يجي عندك إهمال
اطلب رضا اللي كلبونا عبيده
وطاعة ولي الأمر ما تقبل جدال
جت في كتاب الله وسنة أكيـده
من خان إمامه يعتبر مفسد وضال
ويصير للعدوان وأبليس صيده
واحرص على الصدق وعلى بيض
الأفعال ازرع فعل طيب وتلقى حصيـده
من يتصف بالكذب ما هو برجال الويبني
من الكذب قصر ويشيده
واحذر تعامل بالثقة كل بطال
لا راح منك بشي ما تستعيده
وترى الفرج نهاية الصبر لو طال
عواقب الصبر الحقيقي مفيده
من لا صبر على المصاعب والأهوال
ما هو بلاقي له حياة رغيده
واحذر حقوق الناس بالنفس والمال
عليك في تقدير الأريا السديده
واحذر تصير لسامج الهرج نقال
هذي صفات أهل العقول البليده
ما كل ما تسمع من الناس ينقال
إن ما قصرت الشر بالك تزيده
ولا كل من يركب على الخيل خيال
ولا كل صيده للنشامى طريده
ترى الرجولة ما هي شماغ وعقال
ولا هي بشيلة تنكتب أو قصيده
حيث المراجل فعل ما هي بالأقوال
الهرج كل الناس تقدر تجيده
الرجل منطوق ومواقيف وخصال
والشاهد الله والخلايق شهيده
خلك طليق حجاج والبيت مدهال
خلك كريم شوفة الضيف عيده
وحذراك من صحبة رديين وأنذال
تحسب عليهم والفتى من قعيده
ولا تقبل العيله ولا تصير عيال
عواقب العيال دایم نگیده
والزم صلاح النية وحسن الأعمال
وخاو الرجال أهل العقول الرشيده
واقنع ترى الأيام راحل ونزال
محدن يحقق كل شيء يريده
وترى التغافل هو سبب راحة البال
تغافل وتصبح حياتك سعيده
والحر ما ينزل على كل منزال
ولا يهوي بكفه على كل صيده
والظلم يهدم أمه ويفني أجيال
ويضيع مجد أهل الفعول التليده
وترى الحيا هيبه وتقدير وإجلال
يفتح عليك أبواب خير عديده
والبخل عيب ونقص قيمة وغربال
راعيه ما يقنع بما تملك إيده
والدين بارقاب الرجال أثقل أغلال
ومن لا ثني المعروف ما فك قيده
دين الجمايل ما هي ديون الأموال المال تحصيه الرجال وتبيده
وخلك على الصحبة سبور ومهال ما كل يوم ويوم صحبة جديده
وفي غلطة الغالين خذ طبع الأطفال ساعة وينسون الزعل والمكيده
وحذراك يا خالد على الناس تختال من الكبر نفسك ما هي مستفيده
وخلك جمل لامن برك شال الأحمال لو الحمول ثقال وزن وجهيده
وخلك ذرى ربعك ولاخوانك ظلال سند لهم عند الظروف الشديده
ظلال يلقون الأهل فيه مقيال خواتك وربعك وكل البديـده
واحذر يميل الراس لو الدهر مال عن درب ربعك لا يجي فيك حيده
وترى حلاة البنت مستوره الحال من طاعة الله والنبي مستزيده
والستر ما هو في عباية ولا شال ولا هي نصايح تنكتب بالجريده
الستر حفظ الدين حل وترحال دايم علاقتها مع الله وطيده
تحفظ وجيه رجال وتربي رجال على المراجل والخصال الحميده
العمر يمضي والله أعلم بالأجال ما راح من عمر الفتى ما يعيده
ورغم اعتلال الحال أنا كلي أمال وأمني النفس يحياة مديده
بهرت لك من صافي الشعر فنجال واحفظ وصاني لا قريت القصيده

[@user-hb2iu4sf7r]

إبداع إبداع الأداء

[@user-cu5oy3dq3g]

اتمنى لكما التوفيق والنجاح الدائم ❤❤

[@ameena9469]

الله معاكم الجميع يارب العالمين

[@user-hb2iu4sf7r]

الله عليك ياشيخ سعود أبدعت يا مستشار ❤

[@ameena9469]

الله لا يفرق بينكم يارب العالمين هذي كمان تنحك. العرب والعالم العربي والإسلامي

[@user-bk1vo1fh6l]

عساكم من عوده شكر علي القصيده كل الاحترام يا سعود البدويه الحمدلله ربي العالمين الله مصلي علي سيدنا محمد انا رافع العقال لا انزلها ومحافظه علي العابيه واحافظ القران كامل كل الاحترام

[@user-ut3fw6lc4y]

ماهو سهل معالي المستشار صح لسانه شاعر خطير

[@Alqahtani139]

ابداع ❤❤❤❤

[@عليعلي-م4ث1ت]

لكزس أجمل من كل السيارات❤❤❤❤❤❤❤❤😊😊😊 2:24 2:26

[@عليعلي-م4ث1ت]

أبوك❤❤❤❤❤😊😊 1:15

[@ameena9469]

اطلعت قلبي خذلاان ياشريين قلبي طريقك ميسره يارب العالمين ص

[@mhsh8837]

💕🥁👏💕🥁👏💕🥁👏💕🥁👏

[@mutajarun_golo9_22]

ااالله عليك إبداااااع متميز 💚💚💚

[@ameena9469]

ربي يوفق الجميع كلكم عيوني الله معكم يا رب العرش الكريم

[@mesharialshammeri2501]

❤❤❤❤😮

[@saudi__166]

#ابداع

[@ameena9469]

والله ماعندي. غير. الصح الصح مابعرف هذا الكلام مابعرفه هذا الفصيد اصلن االرحمان ابو عبد مافيهمن هذا الكلام

[@osamafahad9215]

الحياة العنيده مايبيلها الا رجال مثل معاليك ولا مثلك كثير. كلمة اقولها انا عوينك بعد الله من غير ما تامر ولا تدري واقرب ما يربطنا اصلنا من عبيدة

[@user-wz1bk5je2f]

الله عليك ❤

[@mrmrr671]

😂😂😂😂😂 خاض الحياة العنيدة

[@fm-xn1kx]

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

[@user-alkabah]

👍🏻اجمل شيله وعلطول اسمعها

[@ameena9469]

يابعد عمري وحياتي كلها ربي طول عمرك

[@user-tr3ve5ew5m]

شكرا علي الوصية

[@user-ue2ho6en9h]

وللله اللي صح السانك

[@ameena9469]

تولعت فيك احمد يلعن حريشك ياابن ادم وحواء الله. يحفضك

[@Ahmadali12399]

🎉😂🎉😂🎉😂

[@MdAl-dc1dg]

ونعم ونعم ونعم هذي وصايا الرجال لأبنائها الله يصلح لك ذريتك ياسعود وأنت مشرف قحطان كلها وبمثلك نتنومس

[@user-ut3fw6lc4y]

ماهو سهل معالي المستشار صح لسانه شاعرً خطير

[@mrmrr671]

وانت مصدق

[@user-ut3fw6lc4y]

@@mrmrr671 اش المشكله يكون شاعر

[@mrmrr671]

@@user-ut3fw6lc4y يخسى في وجهة والله انه رخمة

[@ameena9469]

الحوهره الجوهره الهادئه اتمنى لكم السعاده والتوفيق للجميع ياربالعالمين البليبا

[@FAlmlooh]

وش معنى "ولا تقبل العيل ولا تصير عيّال"؟

[@rsm2738]

المتبختر في مشيه يعني اللي يشوف نفسه على غيره سواء بطريقة المشي او مقاييس ثانيه

[@user-qo9xp3yu6h]

يعني لا تخطي ولا ترضى احد يخطي عليك

[@user-fh2bv8eb6t]

واو واو واو واو واو واو واو واو واو واو واو واو واو واو واو واو واو واو واو واو واو واو صح بتدر عوير ؤ فهد فصلا

[@ameena9469]

حبيبتي امك يا عمري أنته مساك عطر جوري حبوبه كل شي حكيتوه. مابزعل عليكي ياعمري

[@511abodi]

توقيت نزول الشيله ظلمها

[@user-et6el6bt8r]

ليه

[@saud-506]

وترى الفرج نهاية الصبر لو طال عواقب الصبر الحقيقي مفيده من لا صبر على المصاعب والأهوال ما هو بلاقي له حياة رغيده واحذر حقوق الناس بالنفس والمال عليك في تقدير الأريا السديده واحذر تصير لسامج الهرج نقال هذي صفات أهل العقول البليده

[@saud-506]

3:53

[@user-ue8jp8ip1s]

شيلة خايسه

[@user-ut3fw6lc4y]

ماهو سهل معالي المستشار صح لسانه شاعر خطير

[@user-wz1bk5je2f]

الله عليك ❤