昔日九龍城電玩之城變死場？男人回憶之地 龍珠商場 | 城市遊走 九龍城 紅磡【CC字幕】

** AWS年度線上峰會 （AWS Summit Hong Kong）將在6月7號舉行，活動匯聚香港及全球關注雲端技術的觀眾，一同參與當地行業領袖的主題演講，體驗各種雲端技術展示！
現設有團隊特別優惠，成功註冊10人或以上的團隊將獲得港幣1,000元FoodPanda優惠券，以及AWS學習工具包，2022年6月3號截止報名。
立即按以下連結免費登記：bit.ly/3ltfiNS
影片內容：龍珠商場位於九龍城太子道西368-374號，曾是不少男孩於90年代必到的電玩勝地，如今竟淪為死場？拍攝時遇到在商場內開設電腦維修店的阿KEN，20年來見盡龍珠商場的起跌。

[@HEBEFACE]

AWS年度線上峰會將在6月7號舉行，現設有團隊特別優惠，成功註冊10人或以上的團隊將獲得港幣1,000元FoodPanda優惠券，以及AWS學習工具包，2022年6月3號截止報名。 立即按以下連結免費登記：bit.ly/3ltfiNS

[@tokutoshi]

人生真係好奇妙，小弟70後，90年代中期已經離開香港，接近30年無去曾經我可以到後行都無問題嘅龍珠商場，早幾日無端端發夢夢到龍珠商場嘅景象，今日KZbin就推你呢個video我睇，睇到而家嘅龍珠商場真係不勝唏噓。 住喺荃灣，小學喺樂富，中學喺旺角，由細到大喜歡打機，所以見證著龍珠、好景、旺電、荃灣南豐荃豐呢啲賣game聖地佢哋最輝煌嘅年代，如果唔包括深水埗高登黃金的話呢幾個商場當中應該以龍珠商場最早發跡。 當年龍珠早於80年代初～中紅白機仲未好流行時已經有好幾間店舖賣緊Apple IIe嘅翻版game同埋賣田宮京商搖控車配件，直至紅白機同世嘉五代喺85年左右開始流行後好多店舖都開始賣紅白機老翻遊戲同埋copy紅白機磁碟遊戲，仲記得好似有一兩間專門賣日本cd嘅店舖，對於一個又玩紅白機又玩搖控車嘅我，龍珠成為我幾乎每個星期都去嘅地方。同樣因為有好多紅白機嘅RPG game都睇唔明搞到我對日文充滿好奇心，令日本文化對我嘅成長有著重大嘅影響，呢啲都係後話。 由聯合道慢慢行落九龍城，經過獅子石道必定會偷偷入去嗰度啲機舖打機，然後再行去龍珠商場流連一番，嗰陣啲開心回憶真係歷歷在目。 段片一開始喺龍珠外圍拍攝我真係完全唔認得，直至入到裡面所有嘅回憶突然番晒嚟，好感動、好開心同時都好唏噓。一轉眼已經超過30年，多謝你帶我重遊舊地，真心感謝🙏。

[@Stepheny15]

既然離開香港，就唔好懷念過去。努力在外國生活，面對將來吧！支持你。😉

[@taiwai004]

多謝你嘅分享！我係90後，冇幸見過最輝煌的80年代香港，睇到你的文字，好似我都身歷其境咁☺️

[@racheltse73]

可以倒後行,一定好熟！

[@diy3700]

文筆真的很好！

[@josephip5261]

就憑Ken哥鼓勵Hebe既說話, 我有電腦問題一定去龍珠搵你!

[@racheltse73]

龍珠的阿 Kent真好,又歡迎被影,又做 導遊,好有小鎮居民的感覺！

[@NikTKPang]

紅磡廣場地庫而家夾公仔果個位 80年代初果時係一間扒房 有live band 表演. 有喜慶時一家大小會去食晚餐. 我老豆講張偉健先生未入新秀時係呢到live過 但我當時仲係小學生 印像就只有鐵板落汁時既吱吱聲

[@DavidWong308]

張偉健在80年代初的確唱過唔少餐廳酒廊，可能佢多數跑呢區，我在土瓜灣的餐廳都睇過佢幾次！

[@EC-vn8jv]

除左 張偉健 蔡楓華 都有唱過 👍

[@Mrowenex89]

好多謝Hebe今集真係去拍紅磡廣場！ 雖然已經搬離咗紅磡30年，但依稀記得當時商場裝潢同而家幾乎完全無分別，一見到個格局就已經有唔少童年回憶出番晒嚟，商場入面流露出個種味道可以用古董去形容，雖然的確係已經好舊，但對比而家倒模一樣嘅大型商場，紅磡廣場不失為另一個平民化嘅選擇。

[@sawchai]

紅磡廣場咁多年都無乜點大裝, 唯一改咗應該係啲天花, 以前係長條一條疊一條嘅, 依家轉咗做條子天花.

[@mcdicky]

E~ Steven 咁可能我哋都係讀同一間小學??

[@Mrowenex89]

@@mcdicky 我小學係馬鞍山讀架喎🤣

[@mcdicky]

@@Mrowenex89 🤣🤣🤣🤣sorry sorry

[@xxcalcalxx]

I am here everyday playing street fighter 2 in the second floor game shop (silver dragon? the name) =P , almost everyday when I was P6 and F1 (1991/92)... thank you for bring back my back memories.

[@mickshum7853]

多謝Hebe來紅磡廣場拍攝佢現在的境况， 我家住紅磡都已經二三十年，其實紅磡廣場不是死場，因為佢就近工業區，佢大多數人來的都是附近返工的人士，所以夜晚啲廣場 舖頭會很早收舖，到了7點後廣場應該會很靜，同埋大多數舖頭都食巿為主，所以晚上六時至7時後，或最多去到八點就會收晒舖，片内Hebe你見到果個國華遊戲機， 還在商場一樓上面，就是你入側門入口見到電梯上一樓，你身後的角落位果間就是國華遊戲機舖，還有你上電梯望到一樓右手面， 現在是芬蘭浴室，前身是國華戲院，後來有段時間是全日播咸片的，還有一樓後一段吉舖之前有開過759，但佢後轉型專買家品， 變相冇人幫襯，所以後來關門大吉！！ 支持你繼續發掘其他退色的舊商場，其實你 可以去一去黃埔那邊的機舖~美國寶同埋佢隔鄰的幾個舊式商場睇睇，佢地只係人流小，冇乜人行，但都有佢地的生存特式，希望在你往後的片見到佢地的出現，多謝你繼續關心這個香港的每個角落！！👍👍🙏🙏😗

[@HEBEFACE]

正如影片中提及 我也不認同別人說紅磡廣場是個死場，商店仍然很多，而且放飯時間餐廳仍然幾多人流！

[@kentai7067]

紅磡廣場真係有好多回憶。大概40年前, 我七八歲左右, 成日叫阿媽帶我去B/F 到間遊戲機中心打機。 經過中庭位置, 當時係酒廊。我記得表演嘉賓有李龍基。。。

[@fengzhang1086]

紅磡廣場 雖然裝修風格停留係上世紀 但係一直都好整潔 俾我的印象幾好~

[@arjohn123]

紅磡廣場 我記憶中記得嘅就只有金銀島玩具店 細個好間唔時爸爸媽媽會帶我去睇玩具 有D回憶返咗嚟 多謝HEBE！！！

[@oldhongkong565]

金銀島👍。應該仲有間餐廳，好似叫馬里澳。好似仲有間超市，以前夏天經過會上去買野飲。最頂層曾經有戲院，後來開始做唔住變左專做三級片，最後都係結業了。地板紅磚係80年代就已經係咁樣。80年代時個商場同現在都係咁少人。

[@MBCustomHK]

Thx Hebe! 第一次去龍珠廣場係講緊三十年前，嗰時仲係好細個現在對龍珠廣場嘅回憶係同爸爸關係最close回憶。因為疫情分隔異地已經有兩年冇見過爸爸。 希望Hebe可以多啲拍呢啲片，喺海外嘅香港人睇到都係百般滋味在心頭🫶

[@HEBEFACE]

希望疫情快啲過去，你同父親可以早日相見🙇🏻‍♂️

[@ricky_wwk]

紅磡廣場，滿是回憶，90年代中好記得搞過街霸比賽，極容易就win了部game boy

[@82911]

我係80後，記得當年我7,8歲去過紅磡廣場，個橘黃地板和牆身到依家依舊都無變過。👍

[@whwong99]

典型八十年代設計，多數採用較暗的顏色，有把手的地方，多係木製或者鋼加油漆； 九十年代初至中的商場，就多為黑、灰色，有把手的地方，多係光面/拉絲不鏽鋼； 九十年代中後期起的商場，就多以光猛為主，把手就可能係膠瓷面。

[@tinshingchan3843]

龍珠最旺係80年代，五花八門，遊戲機店都只係佔部份，到90年代機場未搬之前，翻版天下，包括遊戲、電影、咸碟等，人流仲勉強可以。依家正如受訪者所講，食肆、洗衣舖、商店都會租用上面啲鋪做倉。佢個地厙就由超市跳舞波樓等到今日嘅酒吧，地舖就涼茶(當年極旺)齋舖咖啡零食地產等，近十幾廿年死氣沉沉，今時今日做得最耐係頂樓改衫店，至於做得最耐(商場開做起)嘅遊戲機店幾年前都結咗業。

[@derrickcheung9115]

係，地庫惠康，有印象😎😎😎

[@nbachung]

師兄...2000年初..在龍珠買playstaion人流已經少好多...靠改機賣老翻生存...80年代尾龍珠商場..有個GAME舖老板好似王傑...你有冇印像

[@tinshingchan3843]

係咪石仔石老板？

[@nbachung]

@@tinshingchan3843 有個GAME舖老板好似王傑.唔記得1樓2樓..最記得一上樓梯左手面NO.1間..9成似王傑.🤣

[@civicsky1]

我最記得有間二手遙控車，我好似都賣過兩部。買就冇喇！

[@piyrag]

3樓間恆昌game shop係最歷史悠久，係唯一一間由八、九十年代做到而家。 同埋地庫在早期d其實係一間惠康黎 本人70後，當年勁熱愛打機，龍珠商場每星期例行必逛 多謝你由再介紹

[@hksdu0028]

地庫係惠康 (應該97前喇), 個個禮拜都同阿媽去買嘢食嘢飲 明明百佳大啲, 候王道嗰間惠康又近屋企啲 但係都要去龍珠睇game 跟住變咗跳老舞, 再之後係Bar Pacific (去咗外國 & 搬走咗)

[@lcpben0716]

90年左右已經見恆昌個姐姐喺3樓上樓梯直行間細舖賣game

[@lcpben0716]

@edmond choi 我都唔多幫襯佢買game（最多幫襯佢copy碟） 只係覺得佢已經成為龍珠回憶入面唯一仲健在嘅人

[@lylgary]

小學年代最愛嘅龍珠商場😍由最初買紅白機，灰機嘅遊戲機，遊戲帶，Gameboy，game gear⋯⋯至到再大個少少砌四驅車時代，買零件改裝部車買到破產咁滯，地平線車殼，萬八轉摩打，加啤零，海綿鈦用沙子磨薄，加閃燈⋯⋯最初喺樂民邨至到真善美村一帶屋邨山坡坑渠放車，到後尾有四驅車賽道可以計時鬥快⋯⋯呢啲回憶都係望返個商場就全部湧現翻出嚟🥹 至於紅磡廣場都可以講講嘅就係，嗰陣時商場地庫有間大機舖，一放學就走落去煲煙打機，跟住再過隔離新旺篤波！ 仲記得我第一隻Boy London手錶就係喺紅磡廣場二樓嘅舖頭買

[@derrickcheung9115]

講得出地平線就知行家🤣🤣🤣🤣

[@kaluncheung4763]

回憶

[@carmini9654]

龍珠都曾經有過模型舖 都已經係四驅兄弟時代

[@derrickcheung9115]

@@carmini9654 係咪同時有1:24模型車賣？？印象有啲模糊🤣🤣🤣

[@carmini9654]

@Derrick Cheung 龍珠模型舖只出現過好短時間

[@wallacefung]

紅磡廣場多人嗰時，亦都係香港樂壇光輝年代， 嗰時入面有間CD舖，佢出面會放有宣傳掛畫，人型紙板等等， 佢地亦好樂意去賣呢啲物品，嗰時我好鍾意某個女歌手買過一兩張佢嘅掛畫返屋企掛。

[@user-rh1ri2ss7h]

@HEBEFACE 1:33 龍珠商場自拍部份條片左右鏡面掉轉咗 去年TVB智能愛人蔣志光飾演保安返工的地方就是紅磡廣場 紅磡廣場有不少舊物店可以尋寶

[@user-ny5hk2re7m]

2X年前紅磡廣場最底層有間CD舖，唔記得咩名了，但個陣做唱片批發會送貨去，好懷念

[@rotcha2.0]

70後, 細個住九龍城長大, 以前九龍城好旺, 獅子石道全條街左右兩邊都係排檔好多嘢賣又好多嘢食, 每日好多飛機經過, 屋企住唐樓四樓連天台都係自置所以自由出入, 上天台感覺架飛機好似伸手觸摸到一樣咁低! 又竟然好容易就過到隔離棟樓同其他小朋友玩。 細個對於龍珠商場印象深刻充滿快樂回憶, 未識去龍珠商場前已經在屋企附近租紅白機帶, 之後成日去龍珠商場, 嗰陣幾乎全部賣遊戲機, 商場好熱鬧, 不過小朋友冇乜錢所以睇完通常返屋企揾大人俾錢買, 記得當年抆阿叔去咗深水埗佢朋友間game舖買玩老翻嘅game doctor, 同唐細佬一人一部, 冇記錯的話埋單係六千幾! 當年好似係pc engine cd rom 啱啱出, 唔記得標價六千幾定係八千幾了, 嗰陣時又成日抆爺爺去福老村道玩具店買超合金和遊戲機, 仲記得老豆買咗部雅達利俾我, 細個嗰陣對金錢冇概念, 大咗先至知原來當年呢啲玩具咁貴咁奢侈! 不過以前家族都係開舖, 營商環境唔錯, 生意好好唔愁錢, 嗰陣喺香港肯做大把機會。 自從小學三年班就搬咗入沙田, 只係大時大節先出去九龍城探爺爺, 之後出嚟做嘢就愈來愈少返去, 細個時揍大我哋嘅爺爺/外婆都走咗廿幾年, 細個住嘅唐樓亦等緊收購, 自從啓德機場拆咗後, 睇住九龍城嘅變遷和衰落, 雖然我只係住到三年班, 但九龍城充滿咗我童年最快樂嘅回憶! 有時我出九龍城會突登上去龍珠商場回憶一下每一個我曾經經過嘅角落, 有好多感受好深刻!

[@skynhuman]

感謝Hebe四圍走，帶大家睇吓香港嘅舊商場。有時候去行舊商場見到啲百年如一日嘅game 舖同玩具店，搵到啲絕種game 同玩具，就好似有種行時光隧道返廿年前去尋寳嘅感覺。 加上十幾廿年前拍片器材唔普及，而且youtube 都未出世，好難有人拍到當年龍珠、好景、188 盛況嘅片段。 希望Hebe 可以keep住拍多啲今時今日香港嘅情況，一方面作為時代見證，亦係側面記錄香港興衰及經濟發展，感謝🙏🏻

[@user-zq9xo6mv5g]

下次黎元朗介紹同益商場呀!細個成日係呢個商場穿耳洞。2010年後已經冇行呢個商場好耐!因為好多舖已經變左南亞裔人開,以前得香港人咖咋!自從多左咁多南亞裔人出入已經唔敢入呢個商場。

[@dixonpang6592]

反而喜歡紅磡廣場的設計：行人路好闊，加上啡色磚唔刺眼，行得好舒服。講開佈局差不多而又係啡色的聯想到香港仔的利群商場。 試過有一個唔敢入嘅場：得勝商場。（欣榮花園附近），6年前左右第一次去，要搭𨋢上，上到行咗一間左右便要想離開。

[@HEBEFACE]

下次去望望德勝

[@dennis_iv]

@@HEBEFACE 德勝入唔到的,裡面由開張到依加都係死場.開張初期就有一兩間改衫舖,十零年前就通常係倉或者係疑似樓下食店既食物製作地方

[@benngai799]

我哋以前住打鼓嶺道天棚屋（9樓）雖然以前住得高，但係一家四口住得好開心，每次食完晚飯就落街打波因為樓下就係球場（藍球同足球場），而每個禮拜六日都會問啊媽攞20蚊同哥哥去龍珠買隻老翻game（ps2）返屋企玩好開心好幸福，有陣時要跟啊媽經東頭邨行去大成街市（黃大仙）買餸帮手拎嘢上樓，細細個由九龍城玩到土瓜灣（長城）紅磡廣場（波樓）黃埔（吉之島），識左好多同學同朋友仔，九龍城係一個好多潮州人同好多泰國嘢買以及d街坊超級有人情味嘅地方，哈哈😆

[@tvbuddy1375]

紅磡廣場其實幾多野睇, 有超市又有運動用品又有文具舖, 細舖頭賣既野都幾多元化, 個人覺得好行過主流商場~ 都市傳聞夜晚收場後比較熱鬧, 所以成日要請夜更保安. XXDDDD

[@user-sm1ff6cz2q]

超市有咩睇

[@jimmylukaku16621]

紅磡廣場地庫中間以前是酒樓，曾經都去過飲茶，但是做不長，很快轉手結業，頂層稻香以前是美食廣場，其餘知道的是有3聯書店，冒險樂園等等

[@solskfai360]

龍珠三樓恆昌果賣GAME兩公婆, 30年前以上已經響龍珠, 估唔到仲未退休; 20年前左右地庫係惠康。紅磡廣場唔算死場啦, 仲有好多舖頭, 附近都多人返工, D食市都好好生意! D商場舊舊地先正, 如果新高場咪全部一色一樣

[@enterkakaful]

支持你多拍些呢類型嘅片！啲回憶返晒嚟👍🏻👍🏻😁😁

[@joe264781]

多謝Hebe，好耐冇返過土瓜灣，紅磡廣場真係充滿回憶同感觸

[@-no_one.]

我和我先生第一次拍拖的地方就是龍珠商場去買PlayStation已經是1996的事情所以龍珠商場是充滿我的回憶。回想當時我是一名少女.

[@juneng7408]

因為當時舊機場仲未搬，所以成個九龍城好旺，包括龍珠商場

[@HEBEFACE]

1996年，一轉眼已經二十六年光景...

[@alanlauhk]

OMG, 我都係1996年同我第一個女友去嗰度買PS 😅

[@derrickcheung9115]

Sweet🤩🤩🤩

[@barrytam]

紅磡廣場84年已經成日去果到地庫機舖打機(90年代已經執左), 附近D舖頭真係開左3X年, 尤其地庫間音響同快餐店咁多年都好似無變過, 厲害

[@derrickcheung9115]

仲有去果間快餐店食晏😎😎😎

[@nbachung]

@@derrickcheung9115 紅磡廣場..國華戲院咸片

[@derrickcheung9115]

@@nbachung 回憶返晒黎🤣🤣🤣

[@mingchruk7650]

好記得小學果陣(98年左右)， 星期六日會自己一個或者同埋阿妹，黎紅磡廣場既冒險樂園玩夾糖、籃球機、保齡球機。到中學個陣就同同學放學到頂樓既網吧打機，呢個時侯個場都記得DUPDUP地喇，頂樓有個美食廣場已經關左有一段時間，個陣打完機肚餓就到隔黎小食店買包撈蒜蓉醬果隻冷面食，諗起都好無憂無慮呀~

[@vincentcheung3845]

上星期先行過曬你今期既介紹， 係有點懷舊，不過唏噓較多

[@chinaterryto8702]

很小年青人會拍這類片，從現在帶回昔日的世界，感覺很奇妙。非常感谢Hebeface！

[@lemonwong1873]

鬼叫香港多咗好多新式商場咩！！ 就係呢個原因攪到好多（舊式/交通不便）既商場真係（冇乜人流/冇人租）呀！

[@80ahhang]

紅磡廣場同馬來西亞的吉隆玻半山芭PUDU PLAZA很相似，特別是那些褐色的地磚，店鋪的種類格局，只是沒紅磡廣場那麼大。

[@fantana9481]

金河廣場啲巷鋪，無咩流行嘢賣就得返散貨場

[@dtsai1584]

好多謝 Hebe sharing with us the informative video!

[@whwong99]

可能紅磡廣場，始終有附近的商廈、住宅，令到佢成為一個民生商場。養得起唔少食肆、幾間電腦鋪、電話鋪。 至於Hebe提到的CD店，好多好多年前，就在郵票行斜對面。 而部份幾十年如一的鋪頭，相信鋪位係自置的，所以無租金成本壓力。 2/F曾經做過酒樓，亦做過"劏"鋪場，所以就裝修過。後來有人收購返D小業權，變返而家個樣。 紅磡廣場同龍珠商場一樣，都受"人口老化"影響啦！自然唔會係青年人的去處了。

[@yuetshanwoo7490]

紅磡廣場開幕時候(1982年)係旺咗幾年，沒落嘅理由亦好簡單，因為黃埔花園入伙，黃埔花園加上黃埔新邨周邊一帶吸走晒啲客。而紅磡廣場介乎紅磡和土瓜灣之間嘅馬頭圍，後面又係鶴園街工貿樓區，落班之後啲人都唔會留喺商場而係返屋企。就算地下嗰層都係旺丁唔旺財，反而商場向後巷啲舖因為近工廠區茶餐廳外賣店生意旺仲值錢。

[@derrickcheung9115]

係，最旺係食晏啲人放飯

[@hk6569]

依家黃埔都謝謝地

[@我是黎生]

紅磡廣場以前有戲院同機舖

[@whwong99]

@@我是黎生 間戲院專做咸片，叫國華，間機鋪都叫國華。八十年代尾，都仲有大大幅油畫外牆廣告。坐車時，都會見到D咸濕伯父昂頭望住呢D廣告外牆，眼都唔斬架，哈哈！

[@derrickcheung9115]

@@whwong99 有畫面😄😄😄😄

[@jovanlaw7050]

好多響九龍城同九龍塘返學嘅人都會流連九龍城，我以前好多男同學會響去龍珠商場打機㗎😃

[@cmtfk]

以前喺紅磡返工，而女朋友又喺住後面，所以放工又會行拍拖又會行。以前紅磡廣場都好旺，後面又咁多工廠大廈，一到午飯時間同返放工時侯都好多人。喺你一入門口轉上電梯嗰度有間生果鋪，我好似見佢仲喺度，嗰時lunch time後會同啲同事買杯鮮榨橙汁，13蚊杯好好飲㗎，不過都成20幾年前既事。喺巴士站既門口嗰度有間機舖，記得嗰時每次送完女朋友返屋企都會去嗰度打鋪機然後至搭車返屋企，真係啲回憶返晒嚟。佢哋個地板真係有料到㗎，以前都係咁立立令，好有特色。最後你啲片真係帶到比人有好多回憶好正，辛苦你，加油

[@Yunyang007]

紅磡廣場3樓角位以前有間叫國華遊戲機同一間"國華戲院"。間戲院專做三級片的，機舖同戲院門口超近，細個去打機時會覺得一點尷尬😅～～

[@user-bh9hi4bf1k]

係喎😂😂不過執咗好耐，變咗水療啦

[@garychang9246]

我是70後，九龍塘讀書，放學同D同學行嚟龍珠商場睇遊戲game 同搖控車，可以係呢度二三個鐘，仲有以前地下有間涼茶鋪，煎蘿蔔糕幾正吓，龍珠、好景，我少時記憶👍👍👍多謝🙏🏻

[@hkbwu]

蘿蔔糕超正

[@kentkenneth249]

蘿蔔糕正呀，煎得好香

[@derrickcheung9115]

係呀，好食🤤🤤🤤

[@garychang9246]

👍👍👍

[@jonlo1342]

兩個商場都係我嘅回憶，多謝你

[@derrickcheung9115]

係，感謝Hebe兄

[@我是黎生]

我都係

[@PaulKeeWong]

龍珠商場真係懷念，我當年成日去抄碟，抄金手指改無敵。😆不過時代轉變，多謝你，令我回憶返番來，不過人需要向前走，將回憶停留在影片就夠啦。

[@user-uk1mz9cq8v]

細個copy紅白機磁碟開始蒲龍珠商場，一路去到ps1ps2買老反，睇睇下碟海關掃場比人拉閘困住係間舖裏面，之後去到寫紙仔買game比錢後轉頭去樓梯口攞，一路再變成全自助攞碟後去錢箱比錢，自己找錢，真係好多回憶，直到ps3開始少去了龍珠商場，重記得當年人多到差d迫都迫唔入，睇到依條片真係好多回憶….多謝你Hebe~~

[@MrLonelyR]

龍珠商場「遊戲兵家之地！由紅白磁碟機到PC engine真係懷念懷念❤️」紅磡廣場嘅內槓地板同場身裝修大部份都係維持係90年代嘅原裝所以可以肯定同你地講當年嘅施工同建材係真係keep得住！以前細個最鍾意有兩間玩具舖一間係金銀島另外一間係萬亞精品. Thanks to Hebe for shooting all these videos! Love it bro!💪

[@pejakenovic805]

我小學時第1套Lego 便是在金銀島買, warm feeling!

[@wilsonhungnz]

最懷念幾個同學係店內玩PC engine.

[@derrickcheung9115]

@@wilsonhungnz PC Engine🤩🤩🤩🤩

[@garychang9246]

@@wilsonhungnz 係呀！一元一局，最熱鬧係PC Engine出快打旋風👍

[@MrLonelyR]

真係時光飛逝！我諗都係大家一起廿幾30年前歲月回憶. 可惜商場依舊但商舖已經面目全非~真的要感謝Hebe真係好懷念當年嘅情景.

[@billylmtam]

紅磡廣場以前有間國華戲院，就係國華遊戲機個位，當然而家有第二d鋪頭頂左大部份面績 其實呢d商場既鋪都係賣既，業權分散好難攞錢做翻新特別係呢個時勢小業主都只係苟延殘喘，所以先會停留係90年代好似無變過咁，另外大部份變咗民生鋪做街坊生意就唔會話好似d大商場咁光鮮但係就只得d連鎖鋪

[@peorthlee2299]

之前補習好旺個期做左補習學校， 跟住幾年前變左做桑拿， 到疫情之後停業應該執左掛

[@kennethchang9793]

@@peorthlee2299 即將改做老人院

[@mkch3763]

1986年屋企人係紅磡廣場開左間租書店,當年初中放學就要由官塘坐車去睇舖.以前80年代真係好旺好多人,個度有一間運動用品舖由1985年開到而家,以前成日走去佢地舖玩,廿幾歲姐姐們好好人,好記得有兩個姐姐. 去年去過一次,見到其中一個已經满頭白髮,時間真係好快,希望佢地身體健康.

[@alicechow789]

多謝Hebe帶我哋集體回憶。 可能我係女生,以前喺九龍城返學竟然唔識龍珠商場。記得我第一條牛仔褲係喺獅子石道一間商場地舖買。 紅磡廣場之前好多潮流boutique,人流好多,比美現在嘅葵涌廣場, basement 中庭係一間好大嘅餐廳,同過以前嘅男朋友吃飯。

[@HEBEFACE]

多謝分享!!!!!

[@alanlauhk]

龍珠真係有啲回憶，我第一部用自己錢買嘅遊戲機就係喺度買 (Playstation 1)，當年老翻猖獗，買隻老翻碟係要迫埋鋪位睇，啲鋪就用個大紙箱裝住啲碟，你就尋寶咁喺度揾，仲要有時買完啲碟讀唔到，又要拎返嚟換。

[@nbachung]

yes...記得龍珠買Playstation 2...可以拎Playstation 1灰機賣比佢..慳番200蚊到..yes..買老翻碟睇你運氣..記得winning系列.GT賽車.老翻靠佢揾食..

[@alanlauhk]

@@nbachung 冇錯，當年係仲有game書嘅年代。我記得啲大熱game嘅老翻碟都會貴啲，嗰陣FF都好熱，唯獨新玩法嘅FFT就冇乜人識，我好似十蚊就執咗隻返嚟玩，咁樣已經超開心 🤣🤣

[@我是黎生]

三樓角落HEBE拍攝個間吉舖，聽聞以前幫人改PS1機時將原裝CD鐳射頭換過大陸頭。

[@nbachung]

@@我是黎生 WHY要換過大陸頭?

[@alanlauhk]

@@nbachung 當年讀cd嘅雷射頭算好矜貴，啲鋪會靜靜雞將ps嘅原裝靚頭換走，換個野雞大陸嘢比你。

[@jimmycheung2487]

九龍城需然是舊區，但居住環境幽閒恬靜，飲食、生活所需一應俱全。

[@wingwahcheuk3528]

【龍珠商場】及【紅磡廣場】都是80年代的廣場，它們都是我細個的記憶商塲。80年代龍珠商場主要喺張黑膠碟過落卡式帶，自己帶備吉帶，每首歌好似5元左右，會有海關捉，因為侵權盜版，當時最Hit係張國榮Monica，最多同學交帶翻錄(有如9O年代盜版CD一樣)用來學校音樂比賽background music，聽聞可以將歌手人聲減去8O%造到好似似日後karaoke的前身，跟住90年代尾就開始轉曬變咗改衫舖。 2000年之後，我都未去過，有點很懷念的感覺。而紅磡廣場國華遊戲機鋪好似係以前叫國華戲院，我在1983年某一晚跟哥哥在這裏睇過一套戲勁舞(Flash dance)。80年代這兩個商場都很旺的。很喜歡！這兩個商場出現早過羅湖商業城。龍珠商場出現時，龍珠卡通片還未出現。 同【龍】字有關排出現先後次序：第1龍珠商場；第2蟠龍半島；第3龍蟠苑；第4龍翔中心…等等。

[@kungfuboy2400]

加油！拍得很好

[@DrMorrie5468]

龍珠真係冇點變樣 同4,5年前冇咩分別 仲記得嗰時放學搭小巴去紅廣網吧打機 課金要上樓上漫畫舖 嗰次等個fd課金我就攞起本漫畫睇 成本睇嗮老細收2蚊 不過連本漫畫個名都唔記得 搵唔翻嚟睇 以前玩tf2嘅回憶翻番嚟 紅廣啲電腦舖有好多奇離野睇 地庫茶記炸髀屋企去親必食 不過而家人都唔喺香港真係冇嗱 商場嚟講凈係記得福仁電煙 新高登二手 嗰時成日行新高登同黃金高登 係正嘅 全豐電腦野都幾好行

[@joejoeleelee123]

me too

[@mingkwan3028]

九十年代常到之處，三樓game舖老細媽媽仲在生果陣已經幫襯，成日買佢哋非法影印當時在新報寫遊戲文章的電玩太郞攻略，今天老細兩公婆都已過花甲之年。然後就係二樓大量租機打的game舖，同埋賣老翻遊戲

[@noonenoone4165]

佢哋嗰陣時唔係喺而家呢個舖位, 係轉咗彎比較細啲一間鋪頭, 老闆個女讀hku, 真係睇住佢大, 有啲明星都上嚟幫襯

[@joeyng7818]

大3

[@joeyng7818]

3

[@nbachung]

原來.三樓game舖老細媽媽過左身...10年冇去過龍珠商場

[@ivancheung516]

最開始是賣8088XT 或 apple ii 既 抄game... 我都抄左唔少..

[@zoechan7445]

紅磡廣場唔算係死場, 都仲好多人行㗎, 而家附近仲不斷重建緊, 所以都好多人行㗎, 商舖種類又多, 幾好行㗎, 間精品店好多年啦, 應該都超過20年(可能唔止添), 大約7,8年前我見過家燕姐係地牢一間賣衫嘅, 封場俾佢揀衫試衫添, 而且咁舊嘅場, 佢都整齊清潔啦,

[@kakitma10]

龍珠商場紅磡廣場對我嚟講係好有味道嘅商場充滿回憶，尤其係紅磡商場好細個爸爸已經帶我嚟到而家耐唔耐我都有去行吓的確嗰陣味同以前一模一樣回憶返晒嚟

[@davidok9008]

新蒲崗九龍城土瓜灣紅磡其實好多好野食，店鋪仲有舊香港既人情味，珍貴！

[@mjokwan]

好鐘意睇你d片o既時候聽到d咁chill o既背景音樂 呢集係SAXOPHONE感覺幾型

[@glosfutura3142]

Thx for recording it

[@fongkai7367]

龍珠商場,有租黑膠碟舖,1檔全部用哥哥唱片封套裝飾,1檔用 alan

[@6melomelo]

九龍城龍珠商場真係我童年回憶, 當時仲係紅白機, 世嘉五代同超任盛行之年, 多謝HEBE帶我故地重遊

[@derrickcheung9115]

我部世嘉五代仲喺度🤣🤣🤣

[@TheEddiezero100]

我係一個 4X 歲既大叔, 有十年冇再返過去, 仲記得當年 1X 時日日放學由九龍塘行去龍珠商場, 每次同 3 樓 D 老闆吹水吹足 1-2 個鐘先返屋企, 當時真係好多賣 GAME , 你拍片去到 3 樓時, 影到其中一間都吉晒, 真係好唏噓, 亦都好多回憶, 但自從出來做野冇咁多時間打機, 都已經冇再回去, 其實近幾年都有時想返吓去望下, 但有時又冇乜好大動力去, 多謝 HEBE 你幫忙拍片

[@cylouie8423]

Congratulations to the AWS sponsorship on your channel.

[@KLMan-zs2ts]

龍珠商場早期係有好多二手遙控車鋪，地庫曾經喺惠康超級市場

[@ac9669]

大概1995暑期見到鄭伊健。 響2樓game舖（應該係全場唯一一間只賣正版）問緊老細遊戲出咗未，答完我未番後我走，見到鄭伊健響我後面（冇打尖或離遠大哎老闆。靜靜等我問完，鄭先上前問嘢）好有禮貌咁問隻game出咗未。唔該前唔該後

[@TheDeathchan]

近樓梯果間?

[@ac9669]

@@TheDeathchan 係。樓梯右手邊。

[@TheDeathchan]

@@ac9669 我都有幫去買過

[@HaymonYuen]

我都係龍珠見過鄭伊健，老闆話佢經常係個度買嘢

[@ac9669]

近嗰陣無線同商台，放工去九龍城買，超方便

[@rickymak1977]

紅磡商場真係歷史悠久,80年代嗰陣頂樓係茶樓.落一層有間賣遊戲機同文具既店仔,地牢你話格仔鋪嘅地方就係餐廳,用曬茶色反光玻璃 龍珠商場就係翻版遊戲天堂.你話頂樓嗰間買game嘅就係playstation啱啱有代理嗰陣時開,我仲記得買咗FF7, Biohazard 2,time crisis 原裝game

[@lokyinchow8116]

回憶中嘅香港永遠都咁好

[@kosatelen]

我覺得紅磡廣場偏向功能性嘅商場,好似早幾年疫情前我仲返嗰頭,其實都幾常去,但唔會逗留太耐,因為都有目的去買嘢, 所以其實啲舖係真係有生意

[@user-bh9hi4bf1k]

電腦 文儀 文具同餐廳咪主要serve工廠區啲人客 其他啲賣衫 賣袋 電話鋪 整機 花店 林林審審都係for返當區居民 仲有美容化妝 補習 都幾多人㗎

[@K-___-]

充滿回憶既龍珠...

[@derrickcheung9115]

對😎😎

[@LamsonYIK]

正！鍾意睇呢啲！

[@user-kb3ei3jv8i]

滿滿既回憶, 細個成長最多逗留既地方之一

[@TheMiracleNG]

以前細過住九龍城 窮冇錢買遊戲機 但會買隻game 同save card,買影印本既攻略，去龍珠果度d game 鋪租機打 $5定-$10 打15分鐘，已經好開心 而家睇到執哂真係好唏噓 多謝你介紹令我回憶既地方

[@sonicw465]

我細個無錢買機，都係買本攻略本刨哂當玩左😌

[@kamChai]

紅磡廣場，82年黎唱片舖比錢人錄歌(卡式帶) ，因為冇錢買黑膠唱片。✌️

[@angelcheung2431]

好在有你分享👍♥️♥️♥️⭐⭐⭐👏👏💯💪

[@winghang5984]

以前PS年代真係好鐘意同阿爸黎龍珠，翻版遊戲沒落之後就無黎過，真係好懷念以前人山人海既情況，多謝HEBEFACE

[@HEBEFACE]

好難想像一個曾經逼到水泄不通嘅地方，如今靜到無哂人

[@cklam5593]

當年去國華戲院睇慘痛的戰爭紀錄片，睇完仲要寫報告！ 龍珠商場就係地下影印多！後來超任有翻版遊戲，就經常去買！十蚊一隻 game，行3.5吋 floppy disk! 超任熱潮過後就無去了！

[@derrickcheung9115]

係，龍珠同德信，當年cup floppy嘅回憶🤣🤣🤣🤣

[@yorkiesweetpea23]

Thank you for another video tour. I find these quite interesting! I'm a little curious about the prices of items. For example: there are small malls like this in the city where I live. But I personally find that some of these small shop owners, they are not... open minded enough. (Sorry, I 'm not good at shortening my descriptions 🤣). Its like: I walk into one of these shops, it might be possible I was the only one to walk in all day! But some owners still try to up the prices. If they were fair for the prices of the item at this market value, they would be selling things much easier. But instead, they want to sell a ten year old outdated item for same price as today's market value! 🤦🏻‍♀️ I am not the bargaining type, I don't bargain, so I just won't buy it. But honestly, if some of these sellers are willing to get rid of their items at a price where they're still making SOME $ , then they really should. Just because they're not getting 3 X's the profit, just get rid of it! At least make back up some losts!

[@aukenneth7641]

酒吧位置, 以前係惠康, 龍珠商場以前除左買GAME, 出面有一間涼茶鋪, 佢地煎蘿蔔糕好好食, 仲可以坐底食的. 除左老返GAME, 仲有老返COPY 80年代的錄音帶的. 以前lunch, 放學最多學生買GAME

[@roblieferd]

2000年初龍珠廣場係我朋友帶我黎買game,一路直到2013年之後開始少去買龍珠廣場買game,大約08年度見D鋪頭開始不斷執笠！見證到佢慢慢變成死場

[@antsl8444]

龍珠。 由紅白機（灰機碟機），Gameboy到超任（碟機、金手指）。後來PS1面世，出「包乞食」時間間都播喪屍（仲有隻眼）。行完走，唔係地庫超市買薯片汽水，咪行前啲老麥囉（又係落地庫）。 主持仲可以造訪吓土瓜灣間德信，都係老game場囉，去嘅理由仲有租書租漫畫、夾糖，同埋影印。掃完咪去隔離哥登堡食個港式西餐。 九龍城／土瓜灣／紅磡真真正正嘅死場其實都唔係呢幾間 長城才是實至名歸！

[@nbachung]

最近哥登堡加價好勁..牛扒飯..湯+飲品57蚊...鐵板牛柳炒意粉.湯+飲品.65蚊

[@nbachung]

土瓜灣間德信，一樓冇左game場好耐..地下似只有一間game舖

[@knightwp]

以前長城近D，dup game, 買龍珠漫畫土炮翻譯影印版。宜家行過好似入口都揾唔到。

[@edmanco]

紅磡廣場是李超人杰作, 80年代碰正中英談判, 全部打散業權出售, 早午有工業區人流支持, 區內人口老化, 没有停車場又冇區外客(尖東崛起), 入夜變鬼城, 當年3樓全層由一間酒樓購入, 所有股東均損手離場! 英雄塚

[@cheonglam8466]

以前去該商場的一間酒廊聽歌，張衛健亦是其中歌手

[@yiklunchoi8464]

無停車場真係玩死送貨班師傅，出面又禁區…

[@kennethchang9793]

@@yiklunchoi8464 紅磡廣場送貨上落可以在鶴園街 (惠康入口個邊)

[@gilmanmo21]

多謝HEBE帶我返去舊時地方。以前係九龍城讀書，龍珠商場真係成長地，以前基本上係改機同賣老翻ＧＡＭＥ地方，仲成日撞到鄭伊健

[@kclau2394]

辛苦晒

[@我是黎生]

- 龍珠商場三樓個間恆昌遊戲店仲係度，可惜唔比拍照，個間野九十年代我中學時係個度抄超任碟。 - 另外記得地下一樓門口有間涼茶舖以前開左好耐，煎啲蘿蔔糕好鬼香 - HEBE係三樓上樓影第一間角落舖頭80年代好出名，好多老翻電腦及遊戲機碟抄，冇記錯老闆叫KEN ONE，唔知係咪樓下同HEBE傾偈個一個阿KEN。 - 細個放學好中意黎呢度俾五蚊打三個字遊戲機，我玩過supergun底版的street fighter 2, neo geo的kof 94,95。

[@我是黎生]

@edmond choi 咁快廿年

[@johnt4162]

三樓個間真係好耐，我部Saturn既VCD咭都係個到買。

[@kkleung632]

吾係佢，佢而家應該出六了

[@royyip2007]

自己o係紅磡同尖東附近都返過工, 覺得紅磡廣場同你上條片行嘅半島中心個裝修有d好似, 都係嗰個年代嘅味道 邊q個話紅磡廣場死, 咁多間唔同類嘅舖頭都仲營業緊, 入面又有幾間餐廳

[@davmak52]

啲新餐廳都幾好食，出面間泰王海南都穩守區內第二

[@fai52681984]

我都係覺得無咩人買野架...唔同以前D氣氛.. 個時我係住家維村..

[@dfu3053]

有啲人覺得人流稀少就叫做死場，但現實係人流多，租費兼多人 Window Shopping， 做生意角度最緊要開到單交到租。 紅磡廣場好多都係早年自資物業，所以有唔少老店生存到，另外多數人有購物目標先至會去， 行嘅人自然唔多，但街坊生意點都有得做。 就算行黃埔，除咗 MC去嘅超市百貨外，主要都係靠食肆、連鎖店撐住個場，反而冇紅磡廣場咁多元化。

[@rochem2011]

紅磡廣場以前80年代好似叫新星商場，裏面好多遊戲機鋪，玩具店。對細路來講真係好多回憶

[@dominicfong6341]

Back in 1982-84, 龍珠商場 was my neighborhood go to place for computer games on Apple II, all I needed was a 5-1/4 floppy disc, and the storekeeper will rip & copy anything I wanted using sophisticated cloning software. Can't remember the price though. Thank you for bringing back my childhood memories dear HEBEFACE.

[@lkl852]

紅磡廣場絕對唔係死場

[@HEBEFACE]

影片中提及左，我不認同網民說紅磡廣場是死場

[@jacky1989hammer]

呢兩個場都係我既童年回憶

[@derrickcheung9115]

兄弟，一樣😎😎😎

[@jacky1989hammer]

@@derrickcheung9115 龍珠係2~14歲，紅場就小學到我出黎做野都仲會行下

[@derrickcheung9115]

@@jacky1989hammer 紅場而家都會行，去下後面Adidas outlet後，順便上去睇二手CD😎😎😎

[@dante0092002]

係外國返黎隔離緊睇呢啲片一流,自己行唔到,你代我行,人都無咁抑鬱

[@user-yi1xs5re8o]

睇你咁多集紅磡廣場真係唯一清泉個地板同磚好有味道KEEP得好好令我諗起舊式M記地板睇得出仲未想放棄@@

[@matcheung3270]

其實當年龍珠商場，就好似全盛時期好景咁（係好似冇四仔），細個唔會去好景，因為當年老豆老母話好雜，而且因為步行到去龍珠。加上基本果個場上包攬曬細個所有既 電子遊戲，就算唔買都會去果度行，去睇game。而且當年新game 好 2 手好速度都好快。但冇啦，近年去搵古董就會去果度，得番三樓果兩公婆，行同買野都冇野既，但一個唔覺意就會俾地串囉。

[@nbachung]

80年代尾90年代龍珠商場最全盛時期..老翻碟..任天堂機GAME. GAMEDOCTOR..GAME BOY這里買..3樓恆X GAME鋪老闆娘好寸...YES.印像冇四仔...PALYSTAION老翻碟都唔少..寫張字仔買.等一陣收貨

[@nbachung]

80年代尾龍珠商場..有個GAME舖老板好似王傑...你有冇印像

[@andrewliu3542]

@@nbachung 上一樓左手面第一間舖、宜家間中喺九龍城啲茶餐廳見到佢

[@nbachung]

@@andrewliu3542 YES.似對面舖都係佢..冇去龍珠商場10年有多..而加老左..GAME舖老板係咪重好似王傑架🤣

[@piyrag]

我都記得果老闆娘，又惡又串。好少去佢舖頭買game🤣

[@kttang73]

龍珠二樓恆昌幫襯幾十年，紅白機年代已經幫襯，喺ps2年代開始冇去！😂最初佢間舖得幾十尺㗎咋！去嗰度原因係可以將唔玩嘅game 賣畀佢再買過隻全新game ！我住慈雲山好少舖頭會賣正版😂

[@makami]

佢最初間舖真係好細 真係好記得

[@kwanlokluk3688]

多謝Hebe呢次條片！我喺九龍城長大，細個一有時間或者放學就會去龍珠商場蒲個幾鐘。8、90年代龍珠除咗電玩，仲有其他年輕人玩意㗎，例如租漫畫、租錄影帶(老翻，貨源台灣)、唱碟舖(賣點係佢會幫人錄自選歌錄音帶同埋訂購日系黑膠碟，例如動畫soundtrack)。 如果小弟講漏咗，麻煩其他九龍城朋友補返。相對嚟講紅磡廣場又唔算咁靜，最少之前李佳芯都喺嗰度拍過劇呀。

[@cgmtcgmt]

多謝Hebe

[@mis0025033]

紅磡廣場光猛左多返啲活力咁喎...以前嘅印象好黑好暗咁...仲係呢啲地磚牆磚..🤣🤣🤣以前有間機舖喺入面...

[@derrickcheung9115]

機舖喺1樓，還在😎😎😎

[@kayeunglee]

紅磡廣場真係好靚。實木扶手，啡色地磚，鏡面天花，有啲7-80年代海運大廈感覺。地庫有間炸雞髀好好食。我覺得紅磡廣場唔算太死，好乾淨，物業管理做得幾好。 龍珠商場咁近地鐵口，多啲人氣小店肯進場應該救得到嘅。

[@anotherbemani4701]

而家Tvb劇鐘意攞紅磡廣場取景（智能愛人），感覺多番D人氣

[@user-bh9hi4bf1k]

寶城係出名，不過今時今日做生炸雞髀出色過佢嘅都大把

[@zankired5653]

70後九龍城讀書九龍城住, 龍珠租黑膠唱片, 涼茶舖食茶葉蛋飲火麻仁, 大個做嘢就喺度買翻版世家… 我都喺呢一檔整過電腦,多謝哥哥!!

[@lcpben0716]

小學已經去龍珠, 當時3樓個靚姐姐開間細舖買賣game boy 2手, 之後做到變3樓最大間game舖。中學係牛津道，日日放學都去, 打機, ccopy 超任game, 買攻略..... 行過1000次絕對唔誇張