مع أم ضد أن يصبح ابنك أو ابنتك صانع/ة محتوى أو "بلوجر" على مواقع التواصل الاجتماعي| هي وبس

مع أم ضد أن يصبح ابنك أو ابنتك صانع/ة محتوى أو "بلوجر" على مواقع التواصل الاجتماعي
ضيوف الفقرة:
عادل حسنين
مريم أحمد
تابعونا على
website : www.cbcsofra.com/
Facebook : / heyawabas
KZbin : / heyawabas
Twitter : / cbcsofra
Instagram : / heyawabas
Google+: www.google.com/+heyawabas
#رضوي_الشربيني | #هي_وبس | #CBCSofra

[@noonsway]

هي محترمة و الراجل محترم و كل واحد بيستنى الثاني يخلص جملته .. انا مع رأي مريم صراحة ❤️

[@TheSimpleEnglish]

ما لازم تكوني معها ما حضرتك بتقدي محتوي تافه اكتر منها انا مال امي اشوف امك الفاضلة فرحانة برجوعك من الهند

[@mohamedmamdouh402]

شوفتى قلتلك مليون مره محتواكي تافه زيك ومرتزقه وstill continue برضو 😄👌

[@jennyoraby1686]

@@TheSimpleEnglish محدش قالك تروح تتفرج محتويات يوتيوب بتكون مختلفه تقدر. تتابع حد تاني لاكن إنك تقل ادبك علهيا مش من حقك

[@TheSimpleEnglish]

@@jennyoraby1686 ومحدش قالها تدافع عنها ولو شغلت دماغها ودافعت عنها تستحمل

[@samirasami788]

@@TheSimpleEnglish لو هى محتواها تافه حضرتك اتفرجت عليه ليه بتشوف نوعية الفيديوهات الى ذى دى ليه لان كل واحد حر فى المحتوى الى يقدمه و فى ناس بتحبه و بتدعموا و حضرتك ليك المحتويات الى تحب تشوفها كل واحد حر هى انسانه محترمه وتفهمت رأى الاثنين بس مع محتوى مريم عشان بتقدم فيديوهاتها بطريقه محترمه و واحد عايزه تطور من نفسها

[@Medstudent379]

بصراحه من احسن الحلقات الطرفين بيسمعوا بعض بتهذيب و حاجه حلوه بصراحه

[@shahdwaleed7701]

بصراحه مش شايفه غير ان مريم هي اللي بترد باحترام

[@mohbkassi4420]

@@shahdwaleed7701 الأستاذ محترم بس الأشخاص المحترمة مش بتعجب الأشكال التانية

[@mohbkassi4420]

@farida bts الألفاظ دى مش شتائم دى اوصاف للواقع اللى احنا فيه ومعتقدش ان لو كان قال لفظ خارج كانت المذيعة هتسكت للزم تمنعه وانما اخر لفظ قاله قال ان مصادر دخل السوشيال رخيصة ،هل عندك شك واحد فى الميه ؟انها مش فلوس رخيصة فعلا وسهلة مبيخدهاش مهندس او دكتور فهرجع اقولك تانى المحترم مش بيعجب الأشكال التانية

[@ashrakatelkhamisy551]

الراجل محترم جدًا جدًا

[@asmaahamdy5143]

البنت طريقتها ف الكلام مش معقولة عاقلة جدا ومهذبه جدا وذكية جدا ربنا يحفظها

[@user-gl7yg8um1e]

معلش بس عفوا من حضرتك .. كل دا اصطناع لان عندها متابعين فطبيعي علشان ماتخسرهمش هتعمل كدا واحتراما لنفسها وتربيتها بس عفوا كان ليها مقاطعة لحديث الدكتور وكتير جدا وان كان خفض صوتها أخفى وان كانت عاوزة تعلق على حاجة فكان معاها الدفتر بتاعها الي كانت بتكتب فيه كانت ممكن تكتب الي عاوزة تعلق عليه .. وألفت النظر لجلوسها يعني حطه رجل على رجل ، من امتا الصغيرين أو الطلاب بيعملوا كدا قدام الأساتذة دا احنا نقفل احترام للعلماء واساتذنا .. وألفت النظر بردو بنظراتها وابتسامها لمجرد أن حد يقول معاها ودول كانوا اتنين في خلال الحلقة كلها ، والي يقول دا نظرات عادية أقوله انت نفسك عارف انها مش عادية .. والدكتور بيتكلم عن الاجابي والسلبي ، هي ممسكة فقط بالاجابي .. وفي النهاية ، إن كان مكان ينشر الفساد اكتر من النفع فالافضل يغلق ، أو يتم عليه رقابه شديدة .. وشكرا ✨

[@Nada__964]

مريم واكله الجو بإطلالتها وثقتها بنفسها وهدوءها فالكلام ..بنت خالتنا مبتقولش حاجه غلط ابدا ♥️♥️♥️♥️♥️

[@titoutitou7036]

انا مع لما يكون المحتوى يفيد المشاهد في حياته و يساعده في جميع المجالات ولازم صانع المحتوى يكون مؤهل لتقديم المعلومة او النصيحة.

[@sarahsami5966]

من احسن الحلقات مسمعناش حد.بيزعق للتانى والاراء بتتسمع بهدوء ما شاء الله 🌼

[@rehamramadan4161]

حقيقي الراجل متفتح جداً وعاقل تبارك الله معاك وجداا💜💜

[@ahmedhazeam1871]

فين المتفتح ده اصلا مش راضي يبصلها وبيقول دول تافهين ومتعصب وطريقته مستفزه

[@katiaboutarfa]

زي ما اتوقعت مريم عليها طريقة إقناع رهيبه 😎👏👏💜

[@shams..253]

اريد حسابها اريد اتابعها 😍وش اسمها على اليوتيوب

[@omardashy7379]

@@shams..253 Mariam Ahmed Aly

[@alaamahmoud7643]

فقره لذيذه جدا كل واحد بيتكلم والتاني يسمعه بهدوء وزوق وشياكه 💙🌺 الطرفين مختلفين اه بس محترمين جدا وحاجه شياكه جداً ❤️

[@mohebat.alrahman8301]

كلامه صح جدا الموضوع بقي بزياده اوي دلوقتي حتي ستات البيوت بقت حياتهم علني اوي ع اليوتيوب لو بتغسل سجاده بتصور وتقول للناس لو فرح قرايبها بتقول لو نزلت تعنل شوبينج برضو بتقول وتصور الموضوع بقي مرضي بزياده اوي

[@norhanmahmoud6130]

ياريت جزء تاني الحلقة جامدة بجد ♥️

[@hanaaahmed6858]

بجد بجد من احسن حلقات المناقشه واستفدت منها جدا ، وكان أحلي حاجه أن الطرفين مش من أعمار بعد لذلك ايدروا أنهم يوصلوا المعلومه بشكل يستفاد بيه شابوه بجد ❤️

[@mohamedshalaby8079]

بجد والله استاذ محترم عنيه ف الارض طول الحلقة ما شاءلله

[@user-ye4bi7ll3n]

طبعا مريم احمد كلامها صح جدا شابوه ليكي ❤️

[@hanamamdouh9953]

انا متفقة مع مريم لان في ناس فعلا بتقدم محتوي هادف ومنهم محتوي ديني وفادوني كتير وممكن يكونوا مش لاقين فرصة ف السوشيال ميديا بتسهل ده شوية ، ومتفقة مع استاذ الفلسفة ان فعلا فيه ناس معندهاش محتوي اصلا يقدموه وبيقدموا طرائف من حياتهم حاجة مفيهاش فايدة تماما ، فالبنت صح لنقطة والاستاذ صح لنقطة ، لان فيه ناس كتير عندها هواية وموهبة ممكن يقدموه بشكل مفيد ، لكن اسلوب مريم في الرد مش قد كدة كان ممكن تتكلم بطريقة احسن خصوصا انه راجل قد والدها💙.

[@rewanmahmoud6088]

الصراحة أنا عجبتني نقطة " لازم الواحد يدرس الشيء ال هيعرضو ويعرضو على ناس متخصصين يقولولو دا صح ولا غلط " لأن للأسف بنلاقي حاليا ناس ملهاش لازمة بتصنع محتوى عديم القيمة أو محتوى بيأثر ع الشخص بالسلب من غير م يحس هوا آه طبعا لازم الواحد يفحص المحتوى بعقلو قبل م ينصاغ لأي أمر من صانع المحتوى بس للأسف في ناس بتتأثر وتقتنع بسهولة !

[@maryamhossam2539]

كل حاجة فيها الحلو و الوحش حتي العلم سلاح ذو حدين يعني علي حسب مين بيستفاد من ايه بجد السوشيال ميديا بجد عرفتنا حاجات كتييير جدااا و حرفيا بتفيدنا في كمية حاجات و لكن لو استخدمناها صح

[@yomnakhaled8889]

مريم بجد عندها لباقة وقبول وهدوء وشطارة ف الحوار مش طبيعية بجد❤❤❤❤❤❤❤❤

[@marehanmaher1995]

بحبها اوي ❤❤❤🥺

[@user-gl7yg8um1e]

ضد .. الفلوس الي بتروح للبلوجرز دول مفروض تروح للناس العلامة وأصحاب العلم ، لكن احنا دلوقتي أغلبية الناس تلجأ الفلوس الكتيرة وخلاص الا من رحم ربي

[@hamssahossam3455]

مريم كلامها عاقل جداً و موزون و عارفه و فاهمه كويس اوي هي بتقول ايه ، و واثقه من كل اللي قالته ، فا حقيقي برافو عليها. 👏🏻❤❤❤

[@mohamedmedhat7817]

ياريت تعملوا جزء تانى بجد الحلقه كانت مفيده جدا

[@shahdehab4626]

لعل القارئ يصلى على النبى عليه الصلاة والسلام فيزيدنى درجة و يزداد درجات..

[@hanamamdouh9953]

اللهم صلي وسلم وبارك على سيدنا محمد وعلى اله وصحبه أجمعين

[@abeerabdel_fta788]

انا داخله اشوف مريم احمد🥰

[@shahdehab4626]

خفيفة لطيفة 8 ثواني من وقتك 1 - سبحان الله 2- الحمدلله 3- لا إله إلا الله 4- الله اكبر 5- لا حول ولا قوة إلا بالله 6- ربي اغفر لي 7- سبحان الله وبحمده 8- سبحان الله العظيم 9- اللهم نجني من عذابك يوم تبعث عبادك 10- اللهم صل وسلم على نبينا محمد إذا اتممت القراءة فقط لايك حتى يشوفها غيرك ونتشارك الأجر بإذن الله...

[@maryamlighoulami5486]

الاستاذ رائع وكلاموو له نصيب كبييير من الصواب

[@menatallahmagdy3674]

انا فاشون بلوجر واهلي الحمد لله موفقين اخيرا❤️❤️

[@nada-cp2wl]

استاذ عادل عنده حق ف كل كلمه حقيقي فعلا مرض وللأسف كل حاجه بقت للعام

[@fatmaali7417]

عجبني جدا مقسمين الشاشه أثناء الحوار مش مركزين بس ع ال بيتكلم لان يفرق معايا اشوف ال بيتكلم وريأكشن ال بيستمع بالنسبه للبلوجر والمحتوي زيها زي ااي مهنه او هوايه ع حسب ممكن تكون مفيده وممكن حد يستخدمه استخدام سئ وانا ضد البلوجرز ال بتعرض حياتها الخاصه

[@hams362]

مع💜 معرفش مريم بس حبيت طريقتها جدا و كلامها متطقي جدا 💕 و هبدا اتفرج على ڤديوهاتها و اتابعتها💙

[@labtob8093]

الراجل عنده حق جداااا

[@anrere-gf8zl]

ماشاء الله استاذ عادل محترم جدا وعقلية ممتازة ربي يوفقك ويحفظك لأسرتك يارب

[@mariemmohamed1857]

انا مع المحتوي المفيد استفدت كتير من بنات يوتيوبر ف دراستي و مشاكلي و اكيد في ناس بتصنع محتوي و مش مفيد ف ليه نتابعهم😄 بلاش نبقي ضد اي حاجه وخلاص

[@sheroukhesham1071]

انا مع كلام الاستاذ الفاضل لان قطعا النماذج اللى بنشوفها دلوقت وبنقول مينفعش كل حاجة تكون على الملأ كل ما بيمر الوقت وبتطلع اجيال هيكون لاسف ده الطبيعى وحتى الشباب مش هيكون ليهم دافع اصلا يدرسوا وينجحوا ويبقوا حاجة مفيده اذا كان دكتور او مهندس طبيب او تاجر ايا كان المهنه لان ف الاخر التفاهة بتجيب فلوس اتعب ليه ف دراسه وشغل نماذج قليلة جدا اللى بتقدم فعلا حاجة مفيده وتضيف ومع الوقت هتتلاشى لسبب بسيط ان كتير من الناس اصلا مش بتتفرج على حاجة فيها افاده فمع الوقت بيغيروا المحتوى.

[@dinas.muhammad9789]

مع أستاذ عادل ، لأن حاليا كتير عاوز يبقى بلوجر عشان الفلوس والهدايا، قليل اللي بيقدموا محتوى هادف فعلا، واللي بيقدم محتوى هادف لازم يكون عنده العلم ومسئولية نقل العلم ده

[@sabrinasimoud5314]

ماشاء الله عليكم كلكم انتي يارضوى ضاهرة اعلامية ❤️ قنبلة العصر 🌹 واصلي 😘

[@user-um6ry9vo3j]

بنت خالتنا منوره البرنامج

[@elmadenafree6086]

الضيف راجل محترم جدا أؤيد رأيه

[@mahenarstars3464]

بصي هو مش غلط بس يبقى مدون لحاجة معينة زي واحدة تقدم طريقة اكل تعليم لغة و كذلك

[@user-lt6sw8wh1j]

الاستاذ الفاضل كلشش حبيته ❤

[@InspireQuest100]

Marioma🥺😭♥️♥️♥️♥️we proud of u babe

[@mennaabdeisalam5286]

فخورة بيكي جدا يا مريم ♥️

[@95soma]

خدو فكرة عن قناتي

[@anwar8927]

البنت جدا كلامها مقنع وهو حجته ضعيفة امامها

[@user-cm9jb7yk9q]

صح

[@kimsalma8220]

انا مش شايفه ان فيها اي حاجه غلط لان اللي متربي ع الصح هيمشي عليه دايما في حلو وفي وحش انت اللي بتختار والسوشيال زي الحقيقه في حلو وفي وحش مينفعش نحكم انها حاجه وحشه بس عشان شفنا كذا حد مش حلو عليها والسوشيال مش مرض لان اللي بيعرف يدير وقته صح هيمشي عادي مش الكل كده

[@omniamohamed6641]

حقيقي ، وعشان كدة انا مع مريم جدا ♥️كل الدعم ل مريم

[@user-ls7xl9us9u]

بس حتي لو الشخص متربي صح مش شرط انو ميتاثرش بالحجات الكتير اوي اللي حواليه ايا كانت هيا صح ولا لا

[@naho2724]

@@user-ls7xl9us9u المتربي ليمكن يتأثر

[@user-ls7xl9us9u]

@@naho2724 لا صدقيني مهما كان متربي كويس لازم يتاثر متجبيش واحد وتحطيه في مجموعه من اصدقاء السوء مثلا وتقوليله خليك زي ما انت واوعاك تتغير مستحيل مهما كان كويس هيتاثر بطبعهم ولو بحاجه بسيطه

[@naho2724]

@@user-ls7xl9us9u دي حجج فارغة. المتربي صح هيعرف ازاي يتفادى الغلط.

[@nadanagi9355]

مريم برافو عليكي كلامك مقنع 😘😘😘😘😘

[@asmaaabdallah8769]

اعتراضي علي الحلقة اختلاف السن الكبير و طربقة توصيل الكلام لبعض فيها فروقات كبيرة

[@yasmeenatata]

فعلآ أول شئ لاحظته. المفروض يكون توافق بين الضيوف سواء في السن والتعليم

[@nisreenaboouf1899]

فعلا

[@amiraalkomosany714]

استفدت جداااا من المناقشه ♥ وحقيقي ممتعه ♥♥♥

[@medicalgraduationparties2781]

صلوا ع رسول الله ولي الاجر والثواب

[@reemosama8090]

كل الدعم لمريم القمر

[@95soma]

ربي يسعدك ويحفظك من كل شر يارب خدو فكرة عن قناتي

[@95soma]

خدو فكرة عن قناتي

[@nadasamer9747]

أنا مع استاذ عادل كلامه صح جدا

[@HelalStories]

براڤووو يا مريم قولتي كل اللي جوايا الاستاذ مش شايف غير المحتويات المش كويسه بس ومعمم الفكره ع الكل وانا شايف انه اقتنع بوجهه نظر مريم بس مبينش بشكل مباشر لكن ده وضح من خلال كلامه ف الاخر😅

[@user-gl7yg8um1e]

اذا كان هو مركز على المحتوي الي مش كويس حسب كلام حضرتك .. فهي مركزه على المحتوى الكويس بس .. ومش معنى طريقة الختام بتاعته يبقا اقتنع لي متقولش مش شايف انسان قدامه جاي ياخد ويعطي دا جي يعطي وبس

[@engyalaa217]

هو صح البلوجر كلهم مبيعرضوش حاجه ف منتهي الأهمية وبيطلعوا موضه اللبس الجديد والسليبر و البنطلون المشمر ومفيش حاجه مفيده ف حياتهم فعلا زي رأيه بنشفق عليهم

[@mennataha5399]

مع مريم 💙

[@Horoscopefairytale]

كلمة حق: الحلقة دي تحزن والله يعني البنت خريجة إعلام وعاملة روايتين ومثقفة وجميلة ومفروض تبقي عندها برنامج في التلفزيون وجايبينها تسألوها انتي ازاي تدوري علي طاقة نور بديلة لموهبتك وثقافتك ؟؟؟؟!!!!! يعني نص مذيعات التلفزيون مش دارسين اصلا اعلام ولا شكل ولا منظر وواحده عميا في دي ام سي وعندها برنامج عالتلفزيون وبرنامج عالراديو وواحده عندها متلازمة داون وبتقدم برنامج عشان بنت حد مهم لان في الاف من ذوي الاحتياجات الخاصة مش لاقيين شغل اصلا فدي مجاملة محطوطة في مكان معتمد عالكلام وهي حتي مبتتكلمش هنقول رزقها ومعلش هي حره وابوها حر بيحب بنته وجايبلها واسطة بس رغم كل ده ونيجي عاللي عندها كل المؤهلات ونسألها انتي ازاي تقدمي محتوي ؟ انتي دارسة ده ؟ السؤال الصح تسألوه لنفسكوا ازاي كل اللي عالشاشة دول عالشاشة وولاد وقرايب مين ولا بمجهودهم ؟ وازاي دي مش عالشاشة !!!!

[@manarmohamed1866]

حصل والله جداا دلوقتي اصلا الي متوفره شغل زي الفل اصحاب المكانة وغير كده ملهوش لزمه 😐

[@user-sha8maam9ham3d]

اتفق مع الاستاذ

[@nourhanadel8093]

مع الراجل جدا لان زى ما بعض صانعي المحتوي بيقدمو حجات مفيده ففى برضو كتير جدا بيقدمو حجات مش كويسه ومش مهمه فانا مينفعش اشجعهم كلهم لان مينفعش اقول للاطفال اتفرجو على ده وده لا اكيد هيتفرجو على الحجات اللى مش كويسه برضو

[@user-lg7bz1re2o]

7:09 فصلتني نظرة رضوى 😂😂😂😂 9:10 ضحكة الانتصار بتاعت البنت جامدة 😂😂😂😂😂😂

[@user-lg7bz1re2o]

@محمد الموسوي انا عن نفسي مش شايفة كدة خالص بس ليك الحرية في رايك

[@mohbkassi4420]

الأستاذ هو اللى كسب فى الأخر والناس الى معاه كتير فبلاش هبل وتأليف

[@mohbkassi4420]

@@user-lg7bz1re2o عرفتى بقى مين الأهبل اديكى كاتبة فوق ضحكة الأنتصار بتاعت البنت معنى كده انك بتعتبريها انتصرت او كسبت وانا كتبت ان الأستاذ هو اللى كسب هو اللى معاه الأراء اكتر والناس المحترمة فمعنى كده انى مقلتش انها حرب انتى الى قلتى وأن لو كلمة كسب تعنى انه كان فى حرب فإنتى كتبتى انها انتصرت فشغلى عقلك دليل انك طفلة

[@user-lg7bz1re2o]

@@mohbkassi4420 صيح مع نفسك

[@user-mi4lz3hv4k]

@@mohbkassi4420 مفيش حد بيكسب ومفيش حد بيقول لحد يعمل اي اصلا هو مجرد نقاش ملوش لازمه وكلنا عارفين متعصب ليه ؟😂😂

[@youmnaamgad8014]

الحلقة دي لذيذة جداا و الاتنين حلويين اوي ومتفهمين

[@mennaaboelwafa7347]

انا مع استاذ عادل جدا و معترضه مع مريم بجد

[@shahdwaleed7701]

اكيد انا مع مريم❤❤ لان لو مكنش محتواها هادف او ليه حاجه مفيده مكنش هيبقي عندها فلورز كتيير لان اي حد كان مش عاجبو محتوي مريم او اي بلوجرز مكنش هيعمل فلو اصلا وغير كده هي محتواها هادف جدا وفي حجات كتيير مفيده واولهم ان هي بتنصح نصايح كتيير مفيده للبنات وفعلا البنات بيستفادو منها وثانيا في حجات كتيير بتشجع فيها البنات لو كان في حد مش هيستفيد مكنش هيعمل فولو ومكنش هيطلع موضوع البلوجرز ده تريند اصلا وكمان بجد محتوي مريم هادف جدا اي حد من الاجيال الجديده فاهم ان ده اللي طالع مش زي زمان لكن الاجيال القديمه مع احترامي متعودين علي حاجه معينه من زمان ونفسهم ترجع بس اكيد الزمن اتغير زمان مكنش ف حاجه اسمها سوشيال ميديا اصلا ومكنش في غير راديو مفيش تلفيزيون ولا تليفون لكن دلوقتي اتغير طبعا وكمان كل واحد وليه رأيو الشخصي وحر ف حياتو

[@saeedkhaled7329]

يعني هو اي حاجه عملت فولو كتير يبقي محتوي مفيد ؟ كده بقي دينا وفيفي عبدو عندهم فولو بالعبيط واضعاف اضعاف يبقي محتواهم مفيد ؟

[@user-ff1ut6ft3r]

دي قناة بتعلم الأولاد بعض الصفات الحميدة والأخلاقيات عن طريق الحواديت وبها قصص الأنبياء للأطفال

[@Khadigarehab]

Bravo Marioumaa...enti gebty men el akher

[@ayaabdelwahababdelwahab4118]

الله مريوووومه 😅❤️❤️

[@95soma]

خدو فكره عن قناتي المتواضعه

[@carolnader8884]

تقريبا الراجل المعترض علي الموضوع كان بيتفرج علي احمد حسن وزينب😂😂😂😂

[@user-hl5vd8rs7i]

مريم ذوق اوي ولطيفه جدا

[@mennosaad6872]

مع طبعا بس يقدم حاجه تفيد المجتمع

[@mariemmohamed1857]

مريم بجد قمر ربنا يحفظك

[@shahdehab4626]

كلمتان خفيفتان على اللسان ثقيلتان في الميزان حبيبتان إلى الرحمن سبحان الله وبحمده سبحان الله العظيم..

[@95soma]

خدو فكره عن قناتي المتواضعه

[@nancyfathy23]

الرجل رجل راقي ومحترم ومحافظ علي التقاليد والعادات بتاعت المجتمع الاسلامي والعقيده الاسلاميه ربنا سبحانه وتعالي لا يبارك في علاقه تطلع علي السوشيال ميديا ولا اكل ولا مال المسأله اصبحت مؤذيه للاطفال اختي وهي صغيره كانت مكتئبه بسبب الحجات الكتير اللي هما بيشتروها بفلوس حرام من البرامج دي .....ومش كل الناس معاهم يعملوها دي حجات ضارة بالصحه النفسيه والسخصيه خصالا .

[@sallmak4271]

لاء ..كل بلوجر ليها اخطاء واسواء واكبر م ال قبلها ومريم انا كنت بحبها بس بعد حبه لقيتها بقت بتصور مع واحد ف عربيته والمفروض انها محطوطه ف زون انها بتعمل كل حاجه صح فانا هاخد منها ده ع انه بردو صح فعلا مفيش رقابه عليكو وكل حد فيكو الشهره بتوديه ل طرق تانيه بعد كده حقيقى وكلها اسوا من بعض وال طالعين حاليا ف موضه السفر لوحدهم واقنعو البنات ب كده وال طالعين بفكرة اسافر واسيب ابنى وبيتى اصل انا ليا حق ف وقت شخصى لا حضرتك مش مسؤوله وبتوصلى فكر سىء للدنيا ول باقى الستات

[@faridawalid7750]

البنات المفروض يسفروا لوحدهم قدام في سبب دراسة او عمل دا طبيعي.. في ناس معقدة شايفه ان دي حاجة عيب بنت تعملها و ناس قرف

[@sallmak4271]

ياريتهم يسافرو ل حاجه مفيدة

[@faridawalid7750]

@@sallmak4271 مبدأ السفر مش حرام يعني ف كل واحد حر

[@sososaied2481]

قناتها علي اليوتيوب اسمها ايه

[@hanahassan2003]

@@faridawalid7750 لا يحل للمرأة انها تسافر الا مع ذي محرم ، أتفق الفقهاء علي كدة...

[@asmaaabdallah8769]

حقيقي يا جماعة رغم اختلاف الآراء وده اصبح وضع المجتمع لكن الاستاذ عنده حق جدا لان الفئة اللي بنتكلم عنها الفئة اللي بتستخدم فيديوهاتها غلط رغم كل الاختلاف نقدر نوصل لنقطة وسط

[@hodachoulli7748]

أنا مع كلام أستاذنا الفاضل

[@wahidmonica2373]

حضراتكم جايبين ضيف مش بيقدر يحترم الشخص اللي قدامه و بيغلط في الكلام عمال يقول تافهة و بتقدم محتوي تافه و هي واخدة ايه اصلاً علشان تقدم محتوي، بيقلل من اللي قدامه بطريقة مستفزة و منفرة جداً و طريقته بالنسبالي غير مقبولة بالمرة

[@95soma]

خدو فكره عن قناتي المتواضعه

[@emilyphin4234]

فكرة الاستاذ واضحة. هو قصده انه اللي بدو يحط فيديوهات بالسوشال ميديا لازم يكون متخصص مش صاحب فكرة. يعني ما ينفعش مثلا رضوى الشربيني تطلع تعمل فيديو تقول فيه فتاوى دينية لانها باختصار مش دارسة هذا الشي. مش كونها اعلامية معناها ممكن تحكي شو ما بدها. هي فكرة الاستاذ بس ماعرفش بس يوصلها.

[@mernafouad_]

فين المناظرة؟ انا حاسة الكلام مش مترتب و أوجه المعارضة مش واضحة و فى تضارب بين وجهات نظر الطرفين!! مريم مع صناعة المحتوى و جت فى الاخر اتفقت مع الاستاذ أن مش اى محتوى يتقدم! و الاستاذ بدأ برفضه لمهنة صناعة المحتوى و بعد كده قال إن الرقابة مهمة و أن فى محتوى هادف ممكن ينزل! المناظرة كلها محتاجة تتحدد و الكلام يترتب

[@fred0o272]

بدور على تعليقك .. ناايس برافو عليكي ..معلومه كمان اغلبية المناظرات دي او دايما هتلاقي الطرف اللي على اليمين ( على شمال رضوى) بنسبه كبيررة جدا بيطلع غلط سواء بتوجهات من ادارة الحوار من رضوى بطريقه غير مباشرة او حتى لو الطرف اللي على اليمين صح في وجهه نظرو بس للاسف بيختارو ناس على قدها ومعندهاش اسلوب وسرعه بديهه واقناع على الكلام اللي ضدهم فيطلع في الاخر ان الطرف اللي على اليسار هوا اللي كسب وكمان الطرف اللي على اليمين عشان هوا مش مدرك لاي حاجه ويكون في اخر الفقرة تراجع شويه او بقى مع الطرف اللي على الشمال ومع رضوى بردو بس رضوى صايعه باسلوبها وطريقه كلامها وتوقيت اسألتها يا اما توقع اللي قدمها او تعلي الضيف

[@monaahmed4774]

@@fred0o272 بالظبط كدة فقرة موجهه من الآخر مفيش مصداقية بربع جنيه ...

[@fred0o272]

@@monaahmed4774 ااه جداا واللي يستفززني لو بالصدفه شوفت الفقرة انها بتجيب الناس اللي على شمالها ضااايعين خاالص وعاهاات وبتهزأهم بشياكة مع ان موضوع الفقرة في بعض الحالات بيكون المفروض لصالح الطرف اللي على شمال رضوى لكن بسبب اختيار ناس على قدها ومفيش ذكاء ولا سرعه بديهه عند الناس دي فيطلع في الاخر ان الطرف اللي على اليمين هوا صح وكتيرر من المغفلين من المشاهدين يتضحك عليهم ويقولو برافو يا رضوى هااايل هههههه

[@user-yt1wu3ec7y]

@@fred0o272 بالعكس الطرف الي ع اليمين مبيتراجعوش عن رايهم ولا حاجة بس الطرفين ساعات بيكون متفقين في نقط معينه بس مش فاهمين وجهه نظر بعض والاستاذ الي كان بيتكلم ع البلوجرز هو من اول الحلقه بيقول ان معظم البلوجرز بيعرضوا محتوي تافه وانه معترض ع المحتوي نفسه وفي آخر الحلقه قال لو فيه محتوي هادف ينزل يعني هو برضو ضد المحتويات التافهه او البلوجرز الي بتعرض حياتهم الخاصه

[@user-yt1wu3ec7y]

مالراجل من الاول بيقول انه معترض ع المحتويات نفسها التافهه والناس الي بتعرض حياتها الخاصه مش ان حد يكون بلوجر ويعمل محتوي هادف يعني هو مغيرش كلامه

[@ebrahimx2546]

شابووووو جداا يامريم بجد ❤❤❤

[@yaramohammed7236]

بنت خالتنا😂❤️❤️❤️

[@MS8764H]

اذكروا امي وموتى المسلمين بالدعاء

[@aishaabdelaal916]

هي البنت مريم دي بتقول اي طريقتها ف الكلام م............ بجد الراجل انسان محترم وحط علي البنت مريم دي ف الاخر هي فرحت بأول مكالمتين كانو في صالحها وبعدين رأي الشارع وباقي المكالمات كانت في صالح الراجل وانا ضد جدا ومأقنعتنيش

[@nohaesam5727]

اللهم صل وسلم وبارك على سيدنا محمد وعلى آله وصحبه أجمعين

[@Lno.11]

مريم ذكيه و راقيه بالإقناع وفعلاً كلامها منطق و عقل 👌🏻👌🏻👌🏻👌🏻

[@walidbraey7796]

الأستاذ مثقف جدا لكن مش فاهم موضوع الحلقة

[@Lotastv]

صح 😅😅

[@yasmeenatata]

لأن في فرق بالسن بين الضيفين

[@sahh7886]

لا كلامه صح وفعلا الضيفة محتواها تافه ومش كوميدي اي حد محتواه تافه يطلع يقول انا بقدم محتوى خفيف وكوميدي!

[@bsmalaalngar432]

هوا شايف السنمااا ف التلفزيون نظيفه ١٠٠% اما السوشل ميديا مفهاش رقابه خالص الشعب ف النص ضااايع من النحيتين ربنا يكرمك يا مريم والله انتي محترمه وتتحبي الله اكبر عليكي

[@marci6304]

بجد مريم بحبها جدا وعندها قبول وهتبقا مزيعه شطره جدا مشاء الله

[@radwabakry-]

اللي طلع جيل اليوتيوبرز اللي بيعرض حياته الخاصه ده هو الإعلام و السينما اللي المفروض عليهم رقابه.. كل شويه نلاقي الاعلامي او الفنااان الفلاني و مشاكله مع اهل بيته او غيره و بيركب الترند فاليوتيوبرز اخدوهم قدوه و عملوا زيهم بس على اليوتيوب.. اللي بيعمل المشكله هو المحتوى مش المنصه اللي بيتقدم من خلالها المحتوى ايا كانت

[@mohbkassi4420]

الحلقة مش متركبة :جايبين شخصيتين محترمتين الأستاذ بيتكلم عن المحتوى الائق البعيد عن الخوصوصيات ،والبنت بتتكلم عن المحتوى الائق الكويس يبقى مينفعش نقول ضد ومع المفروض نبقى مع الأتنين ،

[@_FarahAhmed]

بنتنا قمر و واثقه بنفسها اللهم بارك

[@afnanelsayed2003]

يا ريت جزء تاني

[@she_rouk]

اكيد في كل حاجة الحلو و الوحش واكيد في محتوي بيكون مفيد زي كدة مثلا 😄

[@user-sl9pg4up2s]

ماهو الراجل قال من الاول انه معترض ع نوعيه المحتوى مش كون الشخص يبقى بلوجر اولا يبقى ايه لازمتها كل شويه تعيدوا وتزيدوا في نفس النقطه + انا شوفت فيديوهات لمريم ومعجبتنيش خالص ومحتوي غير هادف حتى لما بتقول انها بتقدم محتوى كوميدي انا لما بشوفه مبيضحكنيش خالص هو مفيش محتوى اصلا سوري مع كامل احترامي للطرفين بس ده رأئي😁

[@Tv-rj3xg]

برافو مريم هايله 💜❤️ داخله علشانك اصلا💜😍

[@dodyemad8856]

مريم محترمه ومقنعه جدا ❤️

[@kailarci3150]

علي، فكره ابن عمتي دكتور وبلوجر برضو هو اي اللي لااا مريم صح

[@maryamahmed773]

اسمه ايه

[@kailarci3150]

@@maryamahmed773 هو لسه في سنه 6 اسمه احمد بن م زكي

[@nouraothman6217]

انا بأيد كلام الاستاذ

[@ayaeraky2815]

بنت خالتي القمر الي منوره البرنامج 😍😚😚

[@noranmohamed1011]

صلوا عليه وسلموا تسليما

[@swzyebada1065]

عليه افضل الصلاة والسلام

[@Masreyinholanda]

مساء الخير احترامي لحضرتك لكن مش كل اليوتيوبر بيعرضوا حياتهم على العامه بيقدموا محتوى راقي ومفيد في حدود الرقي والخصوصية

[@elaphsayed6088]

حلقه كويسه جدا ولذيذه ومريم صح بصرااحه ومقنعه جدا ♥️♥️

[@Lilsa271]

فخوره بمريم اوييي

[@anadody2845]

مريم مقنعه جداا وطريقه كلامها محترمه بس الاستاذ بيستهزاء بيها وبكلامها