HG: Maryda orta mekdebi tamamlaýan oglanlar gyssagly ýagdaýda harby gulluga çagyrylýar

Bu günki programmamyzda:
- “Türkmenistan” awiakompaniýasynyň ýurduň içindäki uçuşlarynda howada uçarlaryň tekerleriniň açylman galmagy bilen bagly wakalaryň soňky aýlarda köp ýüze çykýandygyny, türkmen ýolagçylary aýdýarlar. Azatlyk Radiosynyň Balkan welaýatyndaky habarçysy bilen anonim şertde söhbetdeş bolan ýolagçylaryň ençemesi uçarlaryň tehniki taýdan üpjünçiliginiň pesdigini, düýpli abatlaýyş işlerine mätäçdigini hem gürrüň berdi.
- Mary welaýatynda şu ýyl 18 ýaşyny dolduryp, orta mekdebi tamamlaýan oglanlar gyssagly ýagdaýda çagyryş boýunça harby gulluga çekilýär. Bu barada Azatlyk Radiosynyň habarçysy, mekdeplerde geçirilen “Soňky jaň” uçurym dabaralarynyň yz ýany, 27-nji maýda sebitden maglumat berdi.
- Türkmenistanda mekdepleriň maddy üpjünçiligi, içindäki şertler we arassaçylyk ýagdaýlary gowşak we käte aýylganç. Bu aralykda yzygiderli häsiýetde okuwçylardan ýygnalýan pul köplenç mekdeplerdäki şertlere oňyn täsir ýetirmeýär. Azatlygyň Lebapdaky habarçysy şäher mekdeplerindäki şertler barada maglumat berýär.
- Rus prezidenti Wladimir Putiniň Özbegistana eden iki günlük sapary sosial ulgamlary ulanyjylaryň arasynda dürli pikirleri döretdi we olaryň käbiri bu saparyň Özbegistanyň at-abraýyna bolmandygyny öňe sürdi.
Habarlaşmak üçin:
• Whatsapp: [phone] we [phone]
• Telegram: @Azathabar

[@tonyabdullayev2422]

Eger arkadagyň uçarnyň tigirleri açylmasa arkadag transport ministirniň we pilotlarynyň gözleriniň yagini alyr 😂 we olary owadan dwpeden gözlerini açtyrar