HG: Ýüpek gurçugynyň ideg işlerine niýetläp, býujet işgärlerinden pul ýygnalýar

Şu günki programmamyzda:
- Türkmenistandaky dermanhanalarda köp sanly kesellere garşy zerur bolan dermanlaryň ýetmezçiligi dowam edýär, süýji keselini we käbir onkologiýa kesellerini bejermekde ulanylýan möhüm dermanlar düýbünden tapdyrmaýar. Azatlyk Radiosynyň habarçylary derman serişdeleriniň ýetmezçiligi bilen bagly problemalaryň paýtagt Aşgabatda we ähli sebitlerde duýulýandygyny habar berýärler.
- Mary welaýatynyň edara-kärhanalarynda ýüpek gurçugynyň ideg işlerine, hem-de gowaçanyň otag işlerine niýetläp, býujet işgärlerinden pul ýygnalýar. Bu barada Azatlyk Radiosynyň habarçysy 30-njy aprelde sebitden maglumat berdi.
- Gürjüstanyň parlamenti, öten agşam daşary ýurt agentleri kanun taslamasyna garşy çykýan demomstrasiýaçylar bilen polisiýa güýçleriniň arasynda bolan çaknyşykdan soň, 1-nji maýda howpsuzlyk hüşgärligi ýagdaýynda galdy. Köp adam bu kanun taslamasynyň rus hökümetiniň ýurtda başgaça pikirleri basyp ýatyrmak üçin ulanýan kanuny bilen meňzeşdigini aýdýar.
Habarlaşmak üçin:
• Whatsapp: [phone] we [phone]
• Telegram: @Azathabar
#habarlar