HG: Türkmenistanda emeli ‘azyk bolçulygy we arzançylygy’ uzaga çekmedi

Şu günki programmamyzda:
Türkmenistanda nagt pul ýetmezçiligi dowam edýär. Ýylyň başyndan bäri bankomatlarda ýeterlik puluň ýokdugy sebäpli pensiýa we kömek pullaryny nagtlaşdyrmakda kynçylyk çekýän raýatlar öz hasaplaryndaky puluň belli bir bölegini çykaryp bilen halatynda -da köne we ýyrtyk pul köplenç töleg üçin ýaramaýar. Bu aralykda türkmen manady daşary ýurtlarda elde satylýar.
Türkmenistanyň döwlet dükanlarynda we täjirçilik nokatlarynda Täze ýyl baýramynyň öňüsyrasynda döredilen emeli “azyk bolçulygy we arzançylygy” uzaga çekmedi. Ýanwar aýynyň üçünji hepdesiniň ahyrynda söwda tekjelerindäki “bol” harytlar ýitirim boldy we “arzan” harytlar gymmatlady. Bu barada Azatlyk Radiosynyň habarçylary 20-nji ýanwarda Mary welaýatyndan we Aşgabatdan maglumat berdiler.
ABŞ-nyň saýlanan prezidenti Donald Tramp ýene-de Ukraina bilen Russiýanyň arasyndaky urşy bes etdirjekdigi barada aýdanlaryny gaýtalady we şol bir wagtda “Talybandan” ABŞ-nyň 2021-nji ýylda Owganystanda galan milliardlarça dollarlyk harby enjamlaryny yzyna gaýtaryp bermegini talap etjekdigini aýtdy.
Habarlaşmak üçin:
• Whatsapp: [phone] we [phone]
• Telegram: @Azathabar
#habarlar

[@gulsahilb.9113]

Masgaraçylyk

[@amanich-y3l]

Привет