Рет қаралды 717
Şəhid Vüsalın qardaşımızın xatirəsinə, anası Mahirə xanımın dilindən yazılmış bir şeir.
********************
Sən qürurumsan, vüqarımsan, cəlalımsan oğul.
Sən bu dünyadə mənim, cənnət misalımsan oğul.
Sən mənim zikrim, duam, fikrim, xəyalımsan oğul.
Həm mənim həsrət gülümsən, həm vüsalımsan oğul.
Ayrılıq dərdin əzizim, bağrımı al qan edər.
İntizarın anbaan göz yaşımı leysan edər.
Hansı bir gövhər sənin tək, varlığın qurban edər?
Sən qürurumsan, vüqarımsan, cəlalımsan oğul.
Sən bu dünyadə mənim, cənnət misalımsan oğul.
Sən həqiqət dəstanında qəhrəmanımsan mənim.
Varlığım, sonsuz həyatım, cimsü canımsan mənim.
Neylirəm sənsiz cəhanı, sən cəhanımsan mənim.
Sən qürurumsan, vüqarımsan, cəlalımsan oğul.
Sən bu dünyadə mənim cənnət misalımsan oğul.
Gəzdiyin yollarda axtardın şəhadət izlərin.
Qeyrətindən söz açar daim həyalı gözlərin.
Kimsəsiz qəlbimdə səndən iz qoyub xoş sözlərin.
Sən qürurumsan, vüqarımsan, cəlalımsan oğul.
Sən bu dünyadə mənim cənnət misalımsan oğul.
Tanrı bəxş etmiş sənə izzü şərafət rütbəsi.
Almısan aləmdə eşq iylə sədaqət rütbəsi.
Varlığından bir əlamətdir şəhadət rütbəsi.
Sən qürurumsan, vüqarımsan, cəlalımsan oğul.
Sən bu dünyadə mənim cənnət misalımsan oğul.
İç şəhadət şərbətin Adil, Əli Əkbər kimi.
Varmı bir dilsiz mələk ki, oxlana Əsğər kimi?
Qəlbi yanmış bir ana fəryad edir Hacər kimi,
Sən qürurumsan, vüqarımsan, cəlalımsan oğul.
Sən bu dünyadə mənim cənnət misalımsan oğul.
Müəllif : Adil Əkbər.