Химиялық элемент атомдарының қасиеттері мен кейбір сипаттамаларының периодты түрде өзгеруі

Химиялық элемент атомдарының қасиеттері мен кейбір сипаттамаларының периодты түрде өзгеруі.
Д.И.Менделеев 1869ж Периодтық заң: Жай заттардың қасиеттері, сондай-ақ элементтердің қосылыстарының қасиеттері олардың атомдық массаларының өзгеруіне периодты түрде тәуелді болады.
Химиялық элементтердің периодтық заңы (заманауи тұжырымдамасы)
Химиялық элементтер мен олардан түзілген жай және күрделі заттардың қасиеттері элементтердің атом ядро зарядтарына периодты түрде тәуелді болады.
ПЕРИОД - элементтердің атомдық массаларының өсу ретімен орналасқан көлденең қатарлары. Периодтар қатарлардан тұрады. Қатарлар тақ және жұп болып бөлінеді. Периодтағы қатар санына байланысты кіші (1-3) және үлкен (4-7) болады.
6-периодта лантаннан кейін реттік нөмірлері 58-71 болатын 14 элемент орналасқан. Олар ЛАНТАНОИДТАР деп аталады.
7-периодта реттік нөмірлері 90-103 болатын 14 элемент АКТИНОИДТАР тобын құрайды.
1 - периодта - 2 элемент
2, 3 - периодтарда - 8 элементтен
4, 5 - периодтарда - 18 элементтен
6, 7 - периодтарда - 32 элементтен
ТОП - қасиеттері ұқсас элементтер біріктірілген тік баған. Топ рим цифрларымен белгіленеді. Әр топ негізгі (А) және қосымша (В) топшасынан тұрады.
Негізгі топшаларда жоғарыдан төмен қарай элементтердің атомдық массаларының өсуімен металдық қасиеттері артып, бейметалдық қасиеттері кемиді.
Негізгі топшаларда элементтердің оттекті қосылыстардағы жоғары валенттіліктері топ нөміріне сәйкес келеді.
Қосымша топша элементтерінің валенттіліктері топ нөміріне сәйкес болуы да, болмауы да мүмкін. Мысалы: Сu2О(І) СuО(ІІ)