Рет қаралды 44,350
HIMNAK LUNGPI (With Lyric)
Phuah & Sa: Matthew A. Pasawng
1. Hi vawlei can tawi velngeihnak chan ahhin,
Tih nungbik rai nih vawlei a cul dih cang;
Himnak ding hrim a umlo harnak ram hi vawlei ah,
Maw Bawipa nanglawng hi kan himnak a si.
Na pawngah thawngkhat an tluk i mi thawnghra an thi ko lai,
Na mit lawngin na hmuh lai I rai nih an tong lai lo;
Tih hlah law na thinphang hrim hla Bawipa nih an philh bal lo,
A mah cu kan himnak lungpi kan ralhruang thabik a si.
2. Mui lak i a tlung tawn mi rai kha tih hlah,
Chun ah a phan mi rawhralnak zawng tih hlah;
Chun ni le thlapa zawng nih harnak an pe hrim lailo,
A thladem tangah na nun a himter lai.
3. Vawlei cu hnin in tlang nih thial hmanhselaw,
Rili tilet cu tho in awn hna hmanhse;
Ka thin a phang lai lo ee vengtu tha Jesuh ka ngei,
Harnak chung zawngah bawmtu thabik a si.
4. Thihnak horkuang chung zawngah kal hmanh ning law,
Thil thalo lak ah zeihmah ka tih lai lo;
Na thiangthumh le na tanbo nih ka hna na ka ngamter i,
Himnak thabik cu Jesuh lungpi a si.
5. Thinlung kekkuai in na sin ah thla kan cam,
Zangfahnak na kut rak samh than law Bawipa;
Kan sualnak kan ngaithiam law kan ram hi damter ko cang,
Kan ram nih Bawipa nangmah lawng kan herh ee!