ခရီးသွား ဘဝများ (Episode 8) | ပုဂံပြည်မှ ပန်းကလေးများနှင့် စကားပြောခြင်း

Рет қаралды 20,971

Күн бұрын

"ခရီးသွား ဘဝများ" ဆိုတဲ့ Series ကနေ ဒီတစ်ခါတော့ ပုဂံပြည်မှာ ကြုံဆုံကြရတဲ့ ကလေးငယ်တွေရဲ့ဘဝအကြောင်းကို တင်ဆက်ချင်ပါတယ်။
ပုဂံကို ခရီးသွားလည်ပတ်ရင် နာမည်ကြီးဘုရားတွေရောက်တဲ့အခါ ကိုယ့်အနားကို ဝိုင်းအုံလာပြီး ဘုရားသမိုင်းကြောင်းပြောပြရမလား ဆိုတဲ့ အသံလေးတွေနဲ့အတူ မုန့်ဘိုးရှာကြတဲ့ကလေးငယ်တွေကို သတိပြုမိကြပါလိမ့်မယ်။ အတော်စိတ်အနှောင့်အယှက်ဖြစ်စရာပါ။ ဂရုဏာလည်းသက်စရာ ဖြစ်ရပြန်ပါတယ်။ ဒါကြောင့် ကျွန်တော် သူတို့နဲ့ စကားပြောကြည့်ချင်စိတ်ဖြစ်ပေါ်လာတဲ့အတွက် ပုဂံ မနူဟာဘုရားဘက်ရောက်တုန်းမှာ သူတို့လေးတွေ ကျင်လည်လှုပ်ရှားနေရတဲ့ဘဝတွေကို တီးခေါက်စပ်စုကြည့်မိပါတယ်။ စတွေ့တုန်းက စိတ်ကသိကအောက်ဖြစ်ရတဲ့တိုင် စကားပြောနေရင်းနဲ့ ရင်ထဲမှာ သူတို့ကို ချစ်ခင်လာတယ်။ စိတ်ထဲမှာလည်း သူတို့တွေဘဝကို အားမလိုအားမရဖြစ်လာပြီး ပါးစပ်ကနေ မုန့်ဘိုးပေးပါ အလွယ်တောင်းရင်း သူတောင်းစားဘဝ ရောက်မှန်းမသိ ရောက်အောင်တွန်းပို့နေကြသလို ဖြစ်နေရတဲ့ အခြေအနေကြီးတစ်ခုလုံးကိုလည်း စိတ်ထဲနာလာမိတယ်။ ကျွန်တော်တို့ ဘာလုပ်သင့်သလဲ ဝိုင်းဝန်းစဉ်းစားကြဖို့ ဒီဗီဒီယိုလေးကို တင်ဆက်ပါတဘ်ဗျာ...
အားလုံးကျန်းမာဘေးကင်း စိတ်ရွှင်လန်းကြပါစေ
သီဟလုလင် (Thiha, the Traveller)