هل دراجة

[@abdaziz426]

شرح وافي وكافي تسلم ما قصرت وياليت تنزلنا فديو شرح عم 450 MT

[@al_areefi]

هلا طالعمرك باذن الله بس القى شخص معه انا والله امون على الشباب في الوكالة بس مؤمن بشي وهو الدراجة الي ماتمشي عليها اقل شي 2000 كيلو وفي كل الضروف داخل المدينة وفي البر وعلى الخطوط وفي ضروف جوية متغيره ماتقدر تحكم عليها ابداً والاخير اذا اخذت من الوكيل ممكن رأيك يبنى على المجاملة وهذا الشي مابغاه الناس تتحمل مبلغ ماهو بسيط ابداً لذالك لازم يطلع على كل شي

[@bikeasir]

صراحة انك أبدعت وتستاهل احلى لايك عيب المنتج ما له وكيل الا بالرياض

[@al_areefi]

الشركة كلها نقدر نصنفها بانها تعدت مرحلة الواعدة والان صارت شركة لها معاييرها وكل سنة لها تفرق عن الاخرى حتى على نفس المنتج بمعنى انه دراجة 800 موديل 2022 وموديل 2024 الي معي نفس الشكل بس في المشاكل فرق شاسع بعد ما فتح المصنع قسم فحص تغيير كل شي الشعالي فاتح الان في الرياض وجدة وبسئلهم باذن الله عن خططهم وببلغك

[@adelalrshedi1746]

ماشاءالله تبارك الرحمن الله يبارك لك

[@al_areefi]

الحمد الله تم حل 99% من مشكلة الحرارة بنزل اسبب المشكلة اساساً وبنزلها بلغتين العربية والانجليزية لعل الله سبحانه وتعالى ييسر لمن يعاني من المشكلة في المناطق الحرارة (الشرق الاوسط - اجزاء من اوروبا - اسيا) حليتها بزيت المكينة الحالي وبغيره بنوع ثاني وبنزل موضوع مفيد وغني بالحل 1% المتبقي لانه بزيت المكينة الحالي بغيره بنوع ثاني اذا غيرته الحرارة ذي ماراح تعرفها ابداً ابداً وانشاء الله بشارك الحل للشباب عند الوكيل عشان ينتبهون للمشكلة البسيطة جداً.

[@abumichael3567]

47:28 😂😂😂😂😂😂

[@al_areefi]

هلا طالعمرك دوم باذن الله هذا الكلام كذلك ينطبق على السيارات يجرب الجمس السييرا او الباترول او الاندكروزر التيربو نفود ودرجة الحرارة 47 يوقول السيارة ترفع حرارة انزل وامش على رجليك في النفود 5 امتار ثم تخبط السيارة او الدراجة مبنية على الاحتراق والحرارة لذلك لازم تصير متفاعل مع السيارة في الحرارة العالية تخفف الدوس وتحاول انك اذا بتطلع في النوفد تطلع اخر العصر.

[@MohammedMohammed-hd9lt]

السلام عليكم ورحمه الله وبركاته..أولا الشكر لله ..ثم لك على التوضيح والايجاز والشرح والنصايح..أعرف كذا واحد متردد عشان ياخذ من CF MOTO ولكن بعد هذا الشرح والايجاز...أنا متأكد إنهم راح يغيرون فكرتهم عن المنتج الصيني..وللامانه ماشفت للحين أحد يشرح للدباب بالعربي ...شكرا مره ثانيه..استمر يابطل

[@al_areefi]

هلا وغلا طالعمرك ومرورك والله شرف عظيم لنا، واعتذر جداً على الاطالة في المقطع واعرف والله انها بتظر في المشاهدات بس مابغيت افوت اجر الناس الي تستفسر، كثير ناس توقفني وتسألني عنه والله هدفي الاول اني انفع الناس خصوصا اني هاوي ميكانيكا وكهرباء وفي تقييم للمنتج والله ثم والله اني قلت المميزات والعيوب بدون اي تعصب ولاني اعرف ان التجربة الي جربتها لمدة سنة بتخلي حكمي دقيق جداً جداً.

[@سلطانالسديري-ت9ع]

غير ادفنشر البي ام واهتمام الوكاله بالزبون لاتدور حتى ولو اخذ مستعمل ةفضل بكثير من الصيني

[@al_areefi]

صحيح البي ام دبليو هي الشركة المؤسس والمخترع والمبتكر لدراجة الادفنشر r80 gs اول دراجة ادفنشر صنعت ، والبي ام دبليو الصدق دراجاتها صارت افضل من السيارات كصناعة، كل دراجه لها حزمة مميزات وكذلك عيوب مميزات البي ام دبليو لو بذكرها كمميزات مايكفيها الكومنت ، العيوب الي اشوفها فيها سعر القطع والاهم من هذا هو طريقة الصيانة اقل شي بتفكه لازم تبداء من التانكي وانت نازل كلتش 1200 تغييره هو فك الدراجة كاملة صح تحسن 1250 بس يبقى عندهم مشكلة القطع ماتقطف مثل اليباني طبعاً الصيني في الوقت الحالي الي هو الصيني النظيف مستوحى بشراكة مثل 800 والكي تي ام وكذلك 450 والياماها، وكذلك 1250 التورينق من سي اف موتو هو شراكة مع البي ام دبليو وبطرازها 1250 ار تي بالتحديد مكاين دباب البي ام دبليو 310 جي اس من شركة سي اف موتو على فكرة.

[@سلطانالسديري-ت9ع]

الشعالي كان لي تجربه مو طيبه معهم قبل يفتحون بالرياض وكاله دبي غير متعاونيين ولا يعطون اي اهتمام

[@al_areefi]

الوكلاء سواء سيارات او دراجات تعاملهم معك قبل انتقال ملكية الدباب غير بعد للاسف لذالك محاكيك صياناته سيارات دراجات اسويها بنفسي تتوقع اني احب التعب لاوالله بس من الي قد شفناه، الشعالي انا بالنسبة لي دامه يوفر قطع الغيار فبيض الله وجهه.

[@shaibanphoto1997]

في تايلند يركبو مروحه كهربائيه علي زر مثل الجيوب عشان الحراره وهي مشكله من سنتين

[@al_areefi]

احسنت في دراجة كي تي ام 790 تجي بمروحتين في السي اف موتو مروحة وحدة بعد ماحطيت الشاشة وشفت رقم حرارة الماء صارت عندي 85 درجة هي 4 نقاط في امبير الحرارة هذا معدل الدراجة الطبيعي جداً الدراجة 2024 ترى الحرارة حسنت اكثر بكثير من قبل والسبب انه الان عندهم مركز للتجربة وبنزل باذن الله فديو للحل الحل بسيط جداً والحرارة بسبب خلط البعض في طريقة تغيير الزيت مع ماركات اخرى وكذلك مع موديلات اخرى من سي اف موتو

[@abbasabed5438]

شرح ممتاز بس اعتقد نسيت فقرة الرادار و الزاويه العمية

[@al_areefi]

للاسف الخليجي وبعض الدول يجي مفتاح عادي وليس بصمة وبدون رادر وبدون نقاط عمياء الرادر والنقاط العمياء حتى في البروشر مهيب موجوده اشوفها فقط في دليل المالك اتوقع انها مواصفات الصين فقط

[@abdaziz426]

يعطيك العافية شرحك وافي وما قصرت انا مريتهم بالرياض الاكسبلور فيه رادار

[@al_areefi]

@@abdaziz426 ممتاز زين الي شفته لونه اسود تشغيله مفتاح ومافيه رادر ويجي بدون شنط اختياري تاخذها المنيوم او قماش الان اشوفهم نزلوه بشنط وللاسف تشغيل مفتاح

[@abdaziz426]

@@al_areefi إذا ما فيه رادار فأنا اكيد لخبط لاني فرفرت وكالات كثيره يومها وانت شاري الدباب فأكيد إنك أدرى ولك العذر واستفدت كثير من مقطعك يعطيك الف عافيه

[@abdulazizsaleh9567]

الله يسعدك ويوفقك...الحقيقة عشان اكون صريح لعله يفيدك ويفيد اي يوتيوبر..عشان طول المقطع وقفت مشاهدة من رابع دقيقة... قريت التعليقات فهمت انك حليت المشكلة.. وقريت السعر الي كتبته باحد الردود... الصدق مستحيل افكر اشتري مثله لمجرد ان فيه حرارة انا غني عن ادفع مبلغ حول خمسين الف واروح ادور حل .. الصيني رغم ان كثير يمدح فيه ...لكن والله بدون تحيز ولا مبالغة ما شفت دراجة فيها مشاكل مثل ما سمعن عن سي اف موتو بأنواعها..واحد في قوقل ماب في التقييم شرى كروزر صار له مشكلة بالبريك الخلفي بغى يروح فيه وهو ماشي حول المية كيلو مصور فيديو والدراجة توها جديدة .... من وقتها وانا موب كشيت الا قلت والله ما يصلح هذي عيوب قاتله ... ياماها تنيري ٧٠٠ سالت بالوكالة بحدود السعر ذا يمكن اقل عيبه انه جدا جدا مرتفع وأنا طولي ١٧٠..والله هذا السبب الوحيد الي يخليني ما اخذه ...لكن ان شاء الله اخذ الافريكان توين من هوندا اغلى شويتين لكن هوندا اسطورة ماعليه اي كلام... الله يحفظك تمنيت المقطع معقول .. ودائما الوقت المثالي 18 - 26 دقيقة اكثر او اقل يجذب مشاهدات ضعيفة نسبيا بالتوفيق كل الاحترام لشخصك الكريم وطبعل كل راي يمثل وجهة نظر صاحبه ..والاحترام للجيمع سواء نتفق على منتج او نختلف عليه ... 💐🇸🇦

[@al_areefi]

هلا وغلا طالعمرك بداية على طول المقطع الى اني اختصر انا والله يهمني الرسالة اكثر من اي شي اخر المقاطع الثانية بتككلم عن التركيبات الي اسويها او الاصلاحات والصيانة كذلك الي اسويها فبتصير مختصرة تجربة سنة تقريبا تحتاج وقت للسرد، السي اف موتو مثل اي درجة اخرى فيها مميزات وفيها عيوب الحرارة الحمد الله حلها بسيط جداً، وترى على فكرة الياماها التينيري عند الاشارات تطفي من حرارته وهذا طبيعي لمنتجات موجهه للبر، المتجات الصينيه في تطور رهيب المنتج هذا انا ماصنفه صيني لانها شراكه بينهم وبين الكي تي ام، الله يوفقك باذن الله والياماها تنيري بطل جداً وهو منتج تماما غير 800 من سي اف موتو اقرب شي له هو 450 اام تي وتوكل على الله وخذه تغير في موديل 2025 جاء فيه حزمة تغييرات افضلها قصرو مواصير الثلاجة والفلتر وصار بطف في الار بي ام النازل مع واحد من ربعي باذن الله تعالى بجربه

[@نوافالفويز]

طيب اسعارهم كم

[@al_areefi]

هلا طالعمرك انا ماخذه كان عرض يوم التأسيس ب 47 ألف الان غلي للاسف عرض اليوم الوطني كان 52,210 ريال الدراجة ممتازة وعلى مواصفاتها والاهم الاكسسوارات الي عليها مناسبة جداً في السعر.

[@3bood913]

الاسعار جدا مناسبة ونافسه مقابل المواصفات الي بتاخذها

[@adelalrshedi1746]

للامانه تعنيت من الكويت الي الرياض عشان اجرب الدراجه ممتازه واتمني يفتح وكيل عندها بالكويت عشان اقدر اشتريها

[@al_areefi]

الوكيل الحصري لها في الخليج هو الشعالي موتورز من الامارات اذا بتاخذ وبتصدر للكويت خذها من الامارات افضل لك وارخص سعر من السعودية عندهم الفل الي هو الاكسبلورر سعره 49 الف درهم واتواصل معهم شف ممكن عندهم خطة يفتحون في الكويت او كلمهم عشان يعطونك مميزات مثل استرداد 5% حقت ضريبة القيمة المضافة اذا بيعطونك شحن وتخليص شف وش يقدرون يسون لك حتى لو يعطونك اكسسوارات.

[@سلطانالسديري-ت9ع]

كان موجوده عندكم بالكويت انا اخذت cfmoto اربع كفرات من الشويخ كان معرضهم وصلوه لي للرياض كان موديل ٢٠١٣