هل حان وقت التغيير في الأهلي؟ 🚨 الراحلون عن الاهلي منهم نجم الفريق 🥅

#المستديرة #الاهلي #الزمالك #ريال_مدريد #برشلونة
في كل موسم، الأندية بتشهد تغييرات كبيرة في تشكيلاتها، والأهلي مش استثناء. السنة دي،أخبار الانتقالات شغالة على نار، والأضواء مسلطة على مجموعة من اللاعبين اللي خلاص قرروا يسيبوا القلعة الحمراء في نهاية الموسم .
في المستديرة هنغوص في عمق التفاصيل ونعرف مين هيكونوا نجوم المستقبل خارج أسوار القلعة الحمراء بس الأول اعملو لايك واشتراك وفعلو زر الجرس علشان يوصلكم جديد .
اللاعب الاول:-
الاسم الأول في القائمة كان من نصيب محمود متولي. الأهلي اتفق معاه على فسخ التعاقد بشكل ودي بعد نهاية الدوري. الإدارة قررت تدي اللاعب حرية تقرير مصيره واختيار وجهته الجديدة تقديرا ليه مع مجهوده الكبير. والسبب الأساسي في فسخ العقد هو إن كولر مش مقتنع بمتولي بسبب الإصابات الكتيرة اللي بيتعرض لها، آخرها كانت شد في العضلة الضامة. لعب متولي خمس مباريات مع الاهلي الموسم ده 3 في الدوري ومواجهتين بدوري ابطال افريقيا سجل فيهم هدف وحيد بقميص الاهلي وكان في شباك الجونه في الدوري المصري.
ومستنين الموسم يخلص علشان نعرف وجهة متولي الجديدة .
اللاعب التاني:-
التاني هو كريستو الضاوي. كولر مش مقتنع بيه خالص لأنه مش بيؤدي الواجبات الدفاعية المطلوبة منه كجناح. كولر استبعده من حساباته نهائيًا، وبالرغم من كده إدارة النادي شايفة إنه عنده قدرات فنية عالية، فكرت تعيره لنادي تاني في الدوري لموسم واحد يستعيد بيه تألقه زي عملوا مع القندوسي خاصة إنه اللاعب مش بيعمل حاجه غير إنه بيدرب ومشاركتة مع الأهلي في المباريات الرسمية تكاد لا تذكر ، لكن كريستو رفض الفكرة وطلب إنه يمشي نهائي وياخد قيمة عقده كاملة. وبعد كلام مع كولرالإدارة وافقت على رحيله لأنه الموسم الجاي هيكون في سن يسمحله بالقيد في قائمة الأجانب. لاعيب شاطر كان بس محتاجه فرصة وخاصة إنه كان جاي من النجم الساحلي زي ما بيقوله نجمه لامع وكان كله متأمل يشوفه بيلعب وواخد الثقه زي معلول وخاصة إنه الاعب عنده ٢١ في بداية مسيرته يلا الأهلي ملوش خير فيه .
اللاعب الثالث:-
التالت هو كريم نيدفيد. كريم اللي ماشي على خطى كريستو، رافض فكرة الإعارة أو إنه يكون ضمن صفقة تبادلية. كولر مش مقتنع بيه ورافض يكمل مع النادي والصراحة عنده حق في اخر كام مباراة لعبها كان لعبه متذبذب خالص وكور بتتقطع وتمريرات غلط ، كريم طلب الحصول على الاستغناء النهائي لو الادارة قررت رحيله، ورفض يكون ضمن صفقة تبادلية مع أي نادي تاني، حتى لما اسمه اترشح ضمن صفقة عمر الساعي مع الإسماعيلي. كريم عاوز يحدد مصيره بنفسه ويشوف نادي يقَدره ويثبت إنه ميستحقش الدكة والملعب اولى بيه بس ده لو اللجنة قررت الاستغناء عنه.
كريم شارك في 10 مباريات مع الأهلي مسجلش ولا هدف
اللاعب الرابع:-
الرابع هو طاهر محمد طاهر. نادي زد مهتم بضمه علشان يدعم صفوفه الموسم الجاي، الإدارة لسه محسمتش قرار الرحيل، لكن فيه ترحيب بفكرة إعارة طاهر عشان يستعيد تألقه ويرجع للنادي بس إصابتة الأخيرة قبل ماتش بيرميدز اللي كانت التواء في الكاحل كنسلت خطط الإدارة لحد ما اللاعب يرجع الملاعب تاني. بس على النقيض كولر لاعب بيه في الماتشات الاخيره بعد ما كان مش مقتنع وكان فيه ماتشات كان طاهر اساسي فيها . فهل ده معناه إنه كولر ممكن يتراجع عن الاستغناء عن طاهر ونشوفه اساسي تاني بعد ما يرجع الملاعب!
طاهر لعب مع الأهلي الموسم ده 20 ماتش سجل 3 أهداف
اللاعب الخامس:-
الخامس هو خالد عبدالفتاح. كان فيه كلام كتير عن إنه بره حسابات كولر وهيمشي آخر الموسم كان في نفس الملف مع طاهر وكانت اللجنة بتطالب كولر ديما إنه يحسم موقفه من الثنائي ده ، لكن في المباريات الأخيرة فاجأنا كولر ولقينا خالد بيشارك بعد ما كان قاعد على الدكة كتير. هل ده معناه إنه خالد هيفضل ؟ لسه لجنة التخطيط دلوقتي بتطلب من كولر رأي نهائي في موضوع عبدالفتاح .
عبد الفتاح شارك مع الاهلي الموسم الحالي 7 مبارايات ومسجلش ولا هدف .
اللاعب السادس:-
طبعا الدبابة ديانج خلاص اسدل الستار مع نادي الأهلي قبل مباراة المصري علشان يخلص إجراءات السفر وينضم للخلود السعودي على سبيل الاعارة لمدة موسم بقيمة 500 ألف دولار. ديانج لعب 212 مباراة بقميص الأهلي في كل البطولات وسجل سبعة أهداف وصنع 11 هدف ، نص الملعب هيفتقدك جامد يا ديانج
......................................................................................
📢 للإعلان على قناة " المُستديرة " التواصل على الإيميل 📢
[e-mail]
......................................................................................
حساباتنا على السوشيال ميديا ❤️
/ elmustadira
/ almustadira3
/ elmustadira.1
......................................................................................
📝توضيح هام 📝
هذا الفيديو محمي بحقوق الطبع والنشر (copyrights) لصاحب الحقوق " المُستديرة " ولا يسمح بإعادة تنزيله على أي قناة ثانية على اليوتيوب وأي مخالفة لهذا الحق سوف نتخذ الإجراءات القانونية فوراً