Рет қаралды 32,924
Ah...
/ superahmada
/ ahmada137
ولو ليك فى الكورة تعالى هنا
/ @user-hk2ms4ki9b
كل أجزاء السلسلة بالترتيب
ستارك بعد الموت: • ستارك بعد الموت
بنبدأ مع اماندا ارمسترونج الام الحقيقية ل تونى ستارك، وهى بتتكلم مع اندى، وبتقول انها زعلانه بخصوص تونى ابنها، من وقت ما عرفت انها امه الحقيقية حاولت تدخل حياته، وقبل ما تقدر تقرب منه حتى، هو مات، وبعدها دلوقتى هو رجع، لكن من وقت ما رجع هو عمال يرمى نفسه فى مغامرة ورا مغامرة، اخرهم ال اي سكايب دي
بعد كده بننتقل لتونى ستارك وده بيكون اول يوم لاطلاق لعبة ال اي سكايب بشكل رسمى اللعبة اللى هى عبارة عن عالم رقمى بتلبس قناع وتدخله وتتحرك فيه براحتك تروح اي مكان وتبقى اي حاجة، والناس فى الاي سكايب بتلعب لكن فى لاعبين بيستخدموا العنف، اللعبة بتحذرهم اكتر من مرة، وبعدين بترسل وحش عملاق لاخراج اللاعبين دول من اللعبة،
تونى ستارك بيرجع للشركة، وبيثانى بتقول ان كل اللى بيحصل ده يعتبر كابوس بالنسبة للامن ال اي سكايب نفسها ممكن تتعرض لاختراقات كتير، وتونى ستارك بيكون مضغوط جداً يوم الاطلاق وفى عدد كبير من الناس حوالين العالم بيدخل، وعدد كبير من الناس السيئين اللعبة بتخرجهم بالقوة، اماندا ام تونى ستارك بتحاول تتكلم معاه، لكنه بيقول انه مضغوط ومشغول هنبقى نتكلم بعدين، وبعدين يضع القناع اللى بيدخل بيه للعبة ويسيب امه،
بيثانى بتقف علشان تراقب اللى بيحصل لما فجأة بيكلمها ال كونترولر اللى عرفنا انه بيقدر يتحكم بيها غصب عنها، وبيقولها اعطينى كل المعلومات، وكل صلاحيات الدخول لل اي سكايب ناو، وبعد كده بيثانى بتقوم وبتصحى وهى مش فاهمه انا كنت واقفه وبانظر على لوحة المعلومات ايه اللى حصل بعد كده،
وعند اماندا بتتكلم مع اندى عن ان تونى ستارك حتى مسمحش لنفسه يستمع لامه، اندى بيقولها تونى مشغول جداً اول مرة حاولت اتكلم معاه هو ارتدى الدرع بتاعه وراح يحارب تنين وسط الكلام، انت بتتعاملى معاه افضل بكتير، لكن انا مدير الروبوتيك فى الشركة، واقدر اساعدك وهو بيعطيلها قناع للعبة ويعدله بحيث يدخلها على المكان اللى فيه تونى ستارك على طول،
اماندا بتدخل وتقوله ده الوقت اللى هنتكلم فيه، تونى بيقولها ازاي عرفتى انى تونى مش اي مستخدم عادى بيلبس الدرع، اماندا بتقوله انا امك يا تونى وعارفاك، تونى بيقولها انها هيتكلم فى وقت تانى فى حاجات كتير بياخد باله منها دلوقتى، واماندا بتقوله مستحيل انا امك، مش انت اللى تقولى نتكلم امتى ومنتكلمش امتى، لما فجأة بيسمعوا صوت انذار، تونى مش فاهم ايه اللى بيحصل وبيكلم المازر مولد الذكاء الاصطناعى اللى مسيطر على ال اي سكايب، لكن الماذر مولد مش بيرد عليه اصلاً، وبيظهر وحش الدفاع اللى مسئول عن اخراج اللاعبين اللى مش ملتزمين بره اللعبة، تونى بيطلق عليه لكن داخل اللعبة الوحش ده لا يمكن التأثير فيه، وبيرمى تونى ستارك بكل سهولة، وبعدين يمسك اماندا، وهو بيقول "جايم اوفر" واماندا بتتضرب لدرجة انها بيغمى عليها خارج اللعبة، اندى بيصرخ حد يساعد، وبيثانى بتشوف على لوحة التحكم نظام الامان اللى بيخلى الناس يتفصلوا من اللعبة قبل ما يتأذوا داخل اللعبة وبالتالى يتأثروا فى الحقيقة تم ايقافه، وكل اللاعبين اللى فى اللعبة معرضين للخطر،
وكمان بنشوف احد الاطفال اللى اللعبة طردتهم فى الاول، بيحاول يخترق اللعبة علشان يدخل تانى، لما بيظهر قدامه الكنترولر وبيسمحله بالدخول، وهو كل اللى زيه علشان يكون جيش داخل اللعبة
اهلا بكم فى سوبر ايه الفيديوهات اللى بنحكى فيها قصص مسمعتهاش قبل كده من الصفحات والإصدارات المختلفة فى الكوميكس متنساش تعمل لايك اشترك فى القناة شير الفيديو فى كل مكان، ومتنساش الفيس والانستجرام والتويتر، ولو عايز تتابع السلسلة دي من الاول بالترتيب هتلاقى البلاى ليست من الاي اللى فوق، ولو مش فارقه معاك
انا احمد ايه ويلا بينا