Хоккейден Қазақстан ұлттық құрамасы әлем чемпионатында Словакиядан жеңілді

Хоккейден 87-ші әлем чемпионатының топтық кезеңі аясында В тобында Словакия мен Қазақстан құрамалары кездесті.
"Остравар Арена" стадионында өткен кездесу 6:2 есебімен словакиялықтардың сенімді жеңісімен аяқталды.
Словакиялықтар сапынан Мартин Поспишил (дубль), Мартин Фашко-Рудаш, Матуш Сукель, Либор Гудачек және Лукаш Цингел гол соқты. Қазақстан құрамасының голын Әлихан Әсетов пен Әлихан Өмірбеков соқты.
Бұл матчта Словакия құрамасынан Мартин Поспишил, Қазақстан құрамасынан Әлихан Әсетов үздік ойыншы деп танылды.
Ғалым Мәмбеталиев шәкірттері келесі кездесуін 14 мамырда Латвия құрамасына қарсы өткізеді.