Рет қаралды 10,784
Join me on Instagram ⬇️
/ ines_travels_
------***------
Aiesec Website : Aiesec.org
-----***-------
فيديو آخر فيه شرح عن كيفية التسجيل ⬇️
• كيفية التسجيل في موقع ...
اليوم كيما وعدتكم راح نحكو على خطوات التسجيل في إحدى برامج Aiesec☺️
1/ أول حاجة ديرها إذا حبيت تشارك لازم تفتح account في الموقع نتاعهم ( نخليلكم الرابط في الكومت ⬇️) لازم كامل معلوماتك تكون صحيحة ( إسم، لقب، عمرك ...).
2/ وثاني حاجة لازم تكون تابع ل Aiesec office معين مثلا في الجزائر كاين عدة مقرات في ولايات مختلفة مثلا في بليدة، العاصمة، قسنطينة، وهران، ورقلة ( هاذو لي نعرفهم 😅) من الأفضل تخير المقر الأقرب ليك ( مش لازم تروح ثم يعني كل الإجراءات تكون online )
3/ أيا كي تخير LC ( local community ) لي تكون تابع ليه راح يولي عندك manager هو لي يساعدك في الإجراءات ويوجهك و يعاونك في إختيار البرنامج لي تحب 😊
4/ كي تفتح ال account تاعك تقدر تخير البلاد لي حاب تروح ليها والبرنامج على حسب ميولك و مهاراتك ( مثلا كاين برامج تعليمية تع Teaching يعني تروح تقري مثلا إنجليزية في مدرسة ولا في أي مكان آخر، كاين برامج وين تروح تعاون ناس ذوي إحتياجات خاصة يعني تخدم في المراكز، كاين ثان تع environement وغيرها الكثييييير من البرامج يعني كل واحد وال domaine تاعو 😁)
5/ دوكا نجو كي تخير ال program لازم تقرا مليح واش مكتوب في description box لأنو راح يذكرو ويكتا يبدا ال program و مكان و ساعات العمل و واش لازم دير بالضبط وفي الأسفل تع الصفحة تصيب واش يقدرو يوفرولك مثلا : مبيت، وجبة أو وجبتين في اليوم، laptop ... ( يعني كل برنامج وكيفاه كاين لي فيه المبيت باطل وكاين لي لازم تخلص، كيما كاين البرامج لي فيها وجبات وكاين لي ما فيها والو 🙄)
6/ كي تقرا واش مكتوب بالضبط دير Apply بمعني تسجيل، راح تصيب بعض الأسئلة لازم تجاوب عليهم زين وتعمر كامل المعلومات الضرورية وتأكد منها .
7/ بعد عدة أيام راح يتصلو بيك من أجل إجراء مقابلة على ال Whatsapp وهنا راح يسقسوك بعض الأسئلة البسيطة فقط باش يتأكدو بلي راك صح تسلكها anglais شويا 😅 و كاين لي يبعثولهم الأسئلة و يطلبو منهم يجاوبو عليهم في video قصير و يبعثوه يعني نتا وزهرك😄
المهم دوك نعطيكم مثال على الأسئلة لي غالبا ما تتعاود ⬇️
* عرف بروحك ( مذابيك تذكر النشاطات لي موالف ديرهم 'هواياتك ... )
* علاه خيرت هاذ البرنامج ؟
* علاه خيرت هاذ البلد بالضبط ؟ مثلا تركيا 🇹🇷
* واش من إضافة راه تزيدها للبرنامج إذا قبلناك ؟
* كي ترجع لبلادك كيفاه راح تستثمر الصوالح لي تعلمتهم من هاذ التجربة ؟
المهم الأسئلة ممكن تختلف من برنامج لآخر ولك على العموم تكون ساهلة ماهلة 🤣 ودير في بالك بلي الشخص لي يديرلك ال interview هوا طالب كيما نتا يعني ما كلاه تخاف 😅
أيااااااااا ودوك نحكو على المراحل بعد ما يقبلوك 😁
في خلال أسبوع راح يطلبو منك تخلص حقوق الإشتراك في البرنامج لي تكون حوالي مليون ( ال manager تاعك تع الدزاير لي حكينا عليه من قبل هو لي يبعثلك ccp ويفهمك في كلش 😄) وكي تخلص يبعثولك invitation letter لي راح تسهلك فالحصول على ال visa ومن هنا نتا تبدا توجد كامل documents لي تحتاجهم في dossier تع ال visa وتدفعو✌️
المهم بعد ما تجيك ال visa تشري flight ticket وبسم الله نبداو 🤣
دوك نحكو شوي على المصاريف :
* مادام قلنا ال accommodation is provided يعني متحتاجش تخمم تكري هوستل.
* بصح لازم توفر حق : Visa + assurance international + flight ticket + ur budget
دوكا هاذو المصاريف يختلفو من بلد لآخر ( مثلا كاين بلدان مثل ماليزيا ما نحتاجوش visa ) ومن شخص لآخر ( يعني كاين لي يصرف ياسر فالرحلة تاعو وكاين لي يقتصد 😅)
المهم أنا ال program تاعي كان في تركيا في مدينة إيزميت 🇹🇷 وراح نحطلكم المصاريف التحت :
Visa : 13500 da
Assurance : 1700 da
Flight ticket : 47500 da ( في أكتوبر وشريت ال billet سمانا برك قبل ال vol )
Participation fees : 10000 da
Pocket money : 500 euro ( تكفي على حسب النشاطات لي ديرهم والمدن لي تزورها
--***--
#Aiesec
#Aiesecinalgeria
#Sharingiscaring🌻