Рет қаралды 81
“ဖက်ဆစ်ဝင်ငွေ ဖြတ်တောက်၊ ပြည်သူ့ဘဏ္ဍာ တည်ဆောက် ”
အကြမ်းဖက်စစ်တပ်ထုတ်ကုန်တွေကို သပိတ်မှောက်ဖို့ လောင်းလုံသပိတ်ဆန္ဒထုတ်ဖော်
လောင်းလုံ - ၂၀၂၃ နိုဝင်ဘာ ၄ (မော်ကွန်း)
အာဏာသိမ်းစစ်တပ်ရဲ့ အကြမ်းဖက်လုပ်ငန်းတွေလုပ်ကိုင်ဖို့ ဝင်ငွေတွေ မတိုးပွားလာအောင် စစ်တပ်ထုတ်ကုန်တွေကို သပိတ်မှောက်ကြဖို့ ကမ်ပိန်းတွေကို နိုင်ငံတဝန်းပြုလုပ်နေကြတဲ့အထဲ ဒီကနေ့မှာတော့ လောင်းလုံသပိတ်လည်း ဆန္ဒထုတ်ဖော်ခဲ့ကြပါတယ်။
ထားဝယ်ခရိုင်ဒီမိုကရေစီအရေးလှုပ်ရှားမှု သပိတ်ကော်မတီ(DDMSC)ကဦးဆောင်ကာ အကြမ်းဖက်စစ်တပ်ပိုင် ထုတ်ကုန်တွေနဲ့ ဝန်ဆောင်မှုလုပ်ငန်းတွေကို ပြည်သူလူထုတစ်ရပ်လုံး ဆန့်ကျင်သပိတ်မှောက်ကြဖို့ တိုက်တွန်းလှုံ့ဆော်တဲ့အနေနဲ့ ‘ဖက်ဆစ်ဝင်ငွေ ဖြတ်တောက်၊ ပြည်သူ့ဘဏ္ဍာ တည်ဆောက်’ဆိုတဲ့ ဘန်နာနဲ့ လှုပ်ရှားခဲ့ကြပါတယ်။
‘ဘဏ္ဍာရေးစစ်မျက်’ လှုပ်ရှားမှုရဲ့ ဒုတိယခြေလှမ်းအနေနဲ့ ရွေးချယ်ထားတဲ့ စစ်တပ်ပိုင် ကုန်ပစ္စည်းတချို့နဲ့ ဝန်ဆောင်မှုလုပ်ငန်း(၈)မျိုးကတော့ အောင်ဘာလေ ထီ၊ နန်းမြိုင် တံဆိပ် ကော်ဖီမျိုးစုံ၊ ရွှေဖီဦး တံဆိပ် အသင့်ဖျော် လက်ဘက်ရည်၊ လီမွန်တီး၊ ရွှေမန်းသူ အမြန်ကားလိုင်း၊ ရွှေမြိုင်သူ အမြန်ကားလိုင်း၊ ပုသိမ်သူ အမြန်ကားလိုင်း၊ သန်မြန်သူ အမြန်ကားလိုင်းနဲ့ ရှမ်းမလေး အမြန်ကားလိုင်းတို့ပဲ ဖြစ်ပါတယ်။
ရုပ်သံ - DDMSC