هتجلد ذاتك ليه ؟ انا هقولك تعمل ايه ....

همسة لقلبك ❤
عارفين يعني ايه جلد الذات
يعني الواحد يفضل يلوم في نفسه ويعاتبها ويعاقبها علي الأخطاء اللي ممكن يكون عدي عليها وقت ويفضل جواه صراع رهيب انه انسان لا يستحق الحياة ولا يستحق اي شئ
طبيعي جدا ....ان الانسان يغلط عارفين ليه لاننا بشر عادى
قال رسول الله صلى الله عليه وسلم"والذي نفسي بيده لو لم تذنبوا لذهب الله بكم ،وجاء بقوم يذنبون،فيستغفرون الله تعالي ،فيغفر لهم "
يعني ممكن نغلط عادى بس هنا بقا لازم نفوق بسرعة ونستغفر ربنا ونتوب اليه
طيب ...لو غلط تاني وثالث و...وكل شويه اغلط ...اعمل ايه
تعالى اقولك حاجة جميلة اوى سمعتها
عن محبة الله ...بيقولك ان عفو ربنا يستغرق الذنوب
يعني ايه .....
يعني يجمع الذنوب ويمسحها فكيف حبه ...فحبه يضيئ القلوب فكيف وده...وده يدهش العقول فكيف قربه
ربنا سبحانه وتعالي غفور ودود
عارفين يعني ايه
غفور ...يعني يغفر مرة ومرة ومرة ودود في المغفرة
عمر الانسان ما بيكون مصر علي الذنب او المعصيه مادام بيستغفر ولو عاد مائة مرة
سبحان الله ..يقول الله "علم عبدي ان له رب يغفر الذنوب واشهدكم اني قد غفرت له "
كل مرة بيستغفر فيها من الذنب
ربنا بيقول كدا
ولما بيتكرر الذنب ويندم ويتوب ويندم ويتوب
ربنا يقول "علم عبدى ان له رب يغفر الذنب ويقبل التوب اشهدكم يا ملائكتي اني قد غفرت له فلن يعود إلي الذنب ابداا"
فبيتوب الله عليه بس بيفضل الشهود علي الذنب "الوقت والمكان والملائكة والناس و......" فربنا يخلي الشهود جميعا تنسي الذنب ده حتي لا يبقي الا الله الذى غفر الذنب...أحبك ربي
الحمد لله إننا لينا رب يغفر الذنب ويقبل التوب
يبقي بدل ما تجلد ذاتك وتفضل تلوم وتعاتب ...ارجع وتوب واستغفر
بسم الله الرحمن الرحيم
"قل ياعبادى الذين أسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم "
#همسةلقلبك
#قول_يارب