Рет қаралды 172
Интернеттің қазіргі дамуы 90-жылдар басында компьютерлер арасында мәлімет алмасудың жаңа хаттамасы пайда болғаннан кейін басталды. Бұл хаттама НТТР (Hyper Text Transfer Protocol - гипермәтінді тасымалдау хаттамасы) деп аталған болатын. Осы хаттамамен қатар НТТР серверлерінің кеңейтілген желілері - интернет арқылы файлдар тасымалдай алатын World Wide Web қызметі пайда болды. WWW (World Wide Web)-ні «Дүниежүзілік өрмек», кейде қысқа түрде Web (веб) деп атайды.
Web-бет - бұл мәтіннен, графикалық иллюстрациялардан, мультимедиалық нысандардан тұратын құжаттар жиынтығы.
HTML гипермәтіндік тілін 1989 жылы Тим Бернерс-Ли ұсынғаны белгілі. Тегтер программалау тілдеріндегі «BEGIN END» жақша ұғымдарына жақын және жергілікті айнымалылардың HTML атауларының арасындағы амалдардың аймағын білдіреді.
НТМL тілінің атқаратын қызметі. Web-беттері экранда ықшам түрде безендіріліп көрсетілгенімен, HTML тілі мәтіндерді пішімдеп көрсететін тілге жатпайды, өйткені әрбір тұтынушы әртүрлі компьютерді пайдаланады.
HTML - гипермәтінді белгілеу тілі. Ол кәдімгі мәтіндерді web-беттер түрінде бейнелеуге арналған ережелер жиынын анықтайды.
Тегдегеніміз не?
HTML тiлiнде колданылатын командалар «тег» деп аталады. HTML тiліндегi тегтер екi топқа бөлiнедi: жұпты, жұпсыз.
Web-бет туралы түсінік. Web-сайт - бір тақырып бойынша біріктірілген және гиперсілтемелер бойынша байланыстырылған құжаттар жиынтығы. Web-беттер жиынтығы, әдетте, web-бет, сайт атауы мен мекенжайы жазылған бума түрінде серверде орналастырылады.
Web-құжат - тегтермен толықтырылған мәтіндік файл, оның мәтіндерін бір-бірімен байланыстыра отырып, белгілеуге мүмкіндік беретін HTML тілі.
Web-сайт - екі негізгі компонентті қамтитын ақпараттық жүйе.
Олар:
1) Көрсету компоненті (front-end). Оған мазмұнының көрінісі кіреді (беттер өлшемі, графика, аудио, мәтін).
2) Жүзеге асыру компоненті (back-end). Көрсету компонентіне негіз болатын сценарий, серверлік компоненттері бар кодтар жатады.
Сайтты жоспарлау кезеңдері:
- Сайтты қандай мақсатта жасауды анықтау;
- Сайтта қандай ақпарат орналастыру керектігін анықтау;
- Қажетті ақпаратты жинақтау;
- Сайттың дизайнын белгілеу;
- Сайттың логикалық құрылымын дайындау;
- Сайттың физикалық құрылымын ойластыру, сайтты құрайтын бөлек файлдарды бумаларға бөліп алуды жоспарлау.
Web-сайт жұмысын ұйымдастыру кезеңдері:
- Жоспарлау;
- Элементтерді жасақтау;
- Программалау;
- Тестілеу;
- Жариялау;
- Жарнамалау;
- Бақылау.
Тестілеу - сайт жасаудың негізгі кезеңдерінің бірі. Тестілеу кезеңінде
сайттың дұрыс жұмыс істеуі, оның ішінде:
• сілтеменің жұмысы;
• мәтіндегі қателер;
• навигацияның тиімділігі;
• пошта және басқа формалардың дұрыс істеуі;
• графикалық файлдардың ашылуы тексеріледі.