🌫幻愛【輕鬆談🤹🏻‍♀】幻象似的愛情｜劇透影評｜美絕的愛情小品｜開放式結局？丨廣東話影評

所謂真與假只不過是一種主觀思想，
真實世界中，
也有帶着面具、以虛偽嘴臉過活的人，
我們會受騙，會受傷害，
或在幻得幻失之間迷失了，
但也要牢牢記着 :
就算被虛情假意傷害得遍體鱗傷，
對愛失了僅有的期盼和想像，
在絕望中還在苦等能拯救自己的人，
我們也依然值得擁有最真誠的愛情。
-------(我是分隔線)-------⁣
⁣
《🌫幻愛 Beyond the Dream》⁣
導演: 周冠威
編劇: 曾俊榮, 周冠威
演員: 劉俊謙, 蔡思韵⁣
📽節錄片段：
小塵埃 Lil' Ashes -《幻愛》電影同名主題曲
• 小塵埃 Lil' Ashes -《幻愛》電影...
《#幻愛》BEYOND THE DREAM 預告片Trailer
• 《#幻愛》BEYOND THE DREAM ...
Copyright Disclaimer: Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use.
⁣
#幻愛 #影評 #港產片 #劉俊謙 #蔡思韵 #周冠威 #電影 #戲痴heychill

[@s0410041]

啱啱睇完, 好睇唔在講 劇情上有好多唔同諗法, 講出來同大家討論下 1.大家都睇得出欣欣&葉嵐最明顯外觀上嘅分別係頭髮,去區分現實&幻覺 2.色調亦有分冷色同暖色嘅場景, 冷色大部分都代表現實暖色大部分都代表幻覺 3.我留意到由有錄影輔導嗰幕開始, 葉嵐同阿樂發展嘅場景都係暖色調 4.(錄影輔導嗰幕後)葉嵐手上隻錶係可見嘅時候都係4點,同場景不合(可能係天都黑晒) 會唔會劇情推進亦唔係線性發展? 大家都記得鮑姐話過葉嵐係有童年創傷 會唔會葉嵐都係有幻覺? 有部分劇情嘅幻覺唔係阿樂嘅,而係葉嵐嘅? 阿樂都好似欣欣&葉嵐咁有兩個形象,去區分現實&幻覺?(呢點未留意到,本身以為都係髮形有分別但睇返好似無) 個人猜想: -葉嵐因為童年創傷而渴望愛,變得會幻覺(唔肯定係咪精神病) -錄影輔導嗰幕後,開始將阿樂嘅形象投射成為一個佢心目中可以接受佢一切,解救佢嘅人 -佢地發展嘅劇情完全係葉嵐嘅幻想(場景都係暖色調),包括二人發展,葉嵐爆發,sex scene後阿樂為佢穿衣 有d場景係有好明顯嘅冷暖色為割(sex scene前二人係葉嵐門外嘅對話,葉嵐全冷阿樂全暖,同二人相擁先回到暖色調) -拒絕Dr Simon嗰幕係現實/幻覺出現都ok Uncle Wong(?)嗰幕應該係幻想,純粹為鋪排葉嵐爆發 -真實有發生嘅可能兩人係錄影輔導無再交集 -阿樂係亦決心捨棄幻覺,只係葉嵐因幻覺愛上阿樂 所以有閉路電視影到嘅葉嵐強吻(?)阿樂嗰一幕,而阿樂亦因為咁情緒不穩,埋下病發劇情 阿樂亦先會係病發時咁懷疑葉嵐嘅感情,因為現實上佢地根本無發展過 阿樂當下只係同自己心魔/病情交戰,唔關葉嵐事 -閉路電視事發時阿樂維護葉嵐只係未擺脫欣欣&葉嵐角色嘅重疊(分唔出真假,維護左先算) -圖書館嗰幕會咁決絕地拒絕葉嵐,因為佢地從來都無發展過,佢當下係想拒絕所有幻覺&現實(欣欣&葉嵐)去保護自己 -臨尾幾幕入面有一幕係葉嵐打開自己家門,出面係無人(冷色調,暗示葉嵐有幻覺) -結尾個人認為係葉嵐嘅幻想 睇左幾個影評都係以愛情電視切入,想睇睇會唔會有懸疑片嘅諗法 一齣戲可以有咁唔同嘅觀賞感受係好值得稱讚 如果上面成立,呢齣戲係可以同西方傑出嘅懸疑片 eg Christopher Nolan嘅戲相提並論 多謝製作組嘅心機為我地拍出一套咁傑出嘅本地戲

[@heychillhk]

正！多謝你咁詳盡嘅分析👍🏻👍🏻我都有一刻懷疑過有邊啲情節係葉嵐嘅幻覺，因為葉嵐嘅演技上都有少少精神分裂，即對阿樂態度上若即若離（真係好難捉摸呀！）加上你提到葉嵐最後一幕打開門見無人，更加顯示出她精神上有某程度上的問題。 所以最後阿樂喺圖書館講：「我哋嘅夢係時候要醒」會唔會係表示二人正在沉溺愛情幻覺？因為其實我覺得呢句對白係有少少怪，用「夢」去比喻二人的感情⋯🤔唔知會唔會係我諗多咗

[@dllmtvb]

over咗，我覺得去到你咁複雜都只不過係曲高和寡 同埋失焦，咁推理會捨棄咗好多原本想表達既愛情既哲理

[@nbachung]

@@heychillhk 女主持「我哋嘅夢係時候要醒」妳真係諗多咗..佢地拍拖比職員踢爆左拍埋片通哂天..唔通鮑姐佢地集體見果d野咩..一定係真實啦🥰😆

[@user-mq9xk7cf8q]

有個好有趣嘅事就係 喺巴倫紐嘅謝票場入面 有個觀眾問導演 欣欣嘅衣著好多時都有個蝴蝶圖案 加上電影入面都有幾幕係喺蝴蝶站發生 係咪有暗示「莊周夢蝶」呀？ 但唔知係導演講笑定係認真咁答啦 佢就話係咁啱美術部嘅人建議話女主角件衫可以用蝴蝶圖案咁話 Btw個人認為固然可以推論到莊周夢蝶嘅境界 但係從喱個角度出發嘅話 探討嘅就唔係有關愛情嘅部分 而係探討「現實」嘅定義之類 但個人認為幻愛想探討嘅主題始終都係圍繞住「愛情」 能夠探討「現實」嘅情節反而唔多 所以幻愛定位唔應該為懸疑片 如果將幻愛當作係懸疑片觀賞的話 反而會令幻愛失色唔少

[@josettewong9039]

1一一一.一,一V一#1一.一

[@Liiiiiiiiio]

鮑姐果角色係一種安全界線既意思，輔導者同受助者如果太接近既話，一係一齊沉淪一齊提升，段關係太脆弱了，太容易碎就，已經幫助唔到對方

[@heychillhk]

Ho Yan ling 我都理解的，有觀眾都留言提點過我鮑姐呢個角色其實係有行駛專業的必要，我喺片中用了迂腐呢個字係重咗，其實鮑姐已經盡量喺情感同輔導員職業操守中拎個平衡了

[@Meowmi333]

我反而覺得鮑姐因為好鐘意呢個學生想保護佢，先會不斷同佢講唔好再見志樂，唔想葉嵐受到傷害，亦怕葉嵐傷害到志樂，鮑姐都有提到佢知葉嵐唔識處理男女關係。

[@heychillhk]

啱嘅，都係因為唔想佢冇咗個學位所以先咁苦口婆心，鮑姐呢個角色也有她的顧慮和準則，也從而看得出葉嵐的堅決！

[@owenzil108]

對於鮑姐既評價，恕難認同。事實就算葉嵐同志樂唔比人捉到，以佢地唔坦誠相對既性格，病發個一幕遲早都會出現。 葉嵐在知道自己係欣欣後，即時斬纜先係專業既決定，或者第二個社工都可以醫好志樂，同時都保護到葉嵐。

[@nicolecmwong]

認同，身為專業人士喺佢既崗位係唔可以同client 有私人利益關係，結局佢選擇左愛情而唔係佢本來既專業，係佢個人選擇，唔代表鮑姐個角色迂腐，係作為一個專業人士應該保持既專業操守。

[@heychillhk]

理解的！其實我用迂腐呢個字都重咗，佢呢個身份係應該持有呢種態度，都係好難取捨情感與職業原則

[@stephenyu5487]

唔係迂腐，係守則，守則係保護病人同輔導員

[@jokelamb7558]

阿樂撕個張紙見到葉嵐個shot簡直係Epic

[@lokwinglam2060]

結局是幻想出來的, 境頭濛濛時都是在幻想中, 另外, 亞樂幻想中的欣欣才有那條藍色頸巾, 最後一幕的女主角都有那條藍色頸巾!

[@heychillhk]

對！有觀眾留言討論過頸巾，冇錯條頸巾就係最大嘅暗示，因為現實中阿樂應該是未還頸巾俾葉嵐，所以最後果場正是幻覺！

[@dllmtvb]

戲痴HeyChill 現實啊樂有還到，cut走咗，遲啲yt有得睇or你睇小說

[@gordonhe4919]

最後個幕應該係葉嵐幻想自己轉化成欣欣去毫不保留咁愛男主 冇記錯欣欣出場每次都有扎馬尾 但係最後個幕女主冇 個個應該係葉嵐 都係葉嵐幻想出黎嘅畫面 而明顯葉嵐自己應該都有思覺失調 佢最後出現左幻聽 而之後就切換到男主醒女主訓 我自己理解係男主開始抽離段感情 而病都慢慢好返 但係女主就開始陷入夢境or幻覺 應該意思係開始發病我諗

[@angelhate88]

我諗得比較簡單, 最後的場景是下著雨,但他們兩個沒有明顯的濕身,所以這是夢境,這個不是導演的疏忽,是有心的安排,而這夢境也是他們互相擁有的,不單單只是葉嵐。我不覺得在圖書館被阿樂拒絕後,之後他們再在一起很奇怪 ,因為葉嵐也曾經拒絕過阿樂,但阿樂在後樓梯睡了一晚之後他們又再一起,所以往後極有可能也在一起,始終他們是深愛對方的。

[@waitsui8979]

我覺得結局一幕係用疑似夢境去表達出兩個人心底入面仍然係好愛對方，渴望喺返埋一齊。當然Open ending可以有好多唔同解讀......現實或理性d嘅人會覺得兩個人距離好大又睇唔到將來，男/女主角會放棄；感性嘅人會覺得既然兩個人係相愛，女主角一定會堅持追返男主角。我會係後者，因為呢段感情相信係葉嵐嘅第一段認真嘅愛情(亦教到佢要愛自己)，既然佢會放棄學業，佢就一定會捉緊返呢段愛情，以往只會用外貌同手段嘅佢，相信呢次會用心去追求愛情🤔 P.S. 劇情上鮑姐已經算幫到盡，輔導員係一定要有專業操守，就算要一齊返點都要[過吓冷河]，否則.......(如果換轉係男輔導員女病人嘅組合肯定更大鑊😓)

[@heychillhk]

冇錯呀，結局如幻似真的畫面，加上葉嵐條頸巾（有觀眾留言提到阿樂應該未俾返條頸巾葉嵐，所以確認最後嗰幕係幻象）我係感性類型，相信以葉嵐個性，加上終於搵到一個可以接納自己過去的人，呢個結局俾咗個好大嘅希望我，令我覺得佢哋兩個最後始終係會喺埋一齊～至於鮑姐，我都明嘅，我依家諗返會覺得我用迂腐呢個字形容係有啲重咗，其實佢都盡量喺情感同職業操守上搵個平衡

[@waitsui8979]

戲痴HeyChill 我更希望現實中呢對情侶可以天長地久🙏🏻🥰😆

[@heychillhk]

Wai Tsui 我都好希望🙏🏻😆近年最sweet的香港電影螢幕情侶❤️❤️

[@nbachung]

@@heychillhk 佢地真係太sweet🥰😆..擔心佢地之後影圈發展..佢地合拍片大製作拍唔到..只可拍本土電影..而加市道死哂...就算有得拍產量一定唔多..2位敢高質演員值得上到去巨星級數..

[@holee448]

呢套係高先三寶入面我最鐘意嗰套 男女主角都做得好好 仲要拍到屯門鬼死咁靚 要二刷

[@heychillhk]

我都係最鍾意呢套 兩位演員的演技由頭帶到落尾， 三人對戲場口乃全片大亮點！ 想入場重温/之後買碟再睇！👍🏻👍🏻

[@anthonywwh]

香港拍片、香港演員、香港景色拍攝，久違了的味道，但感覺似獨立製作，跟商業電影不同。

[@heychillhk]

近年多了許多獨立電影&小品製作，相信是香港電影新轉機的開始！💪🏻👍🏻👍🏻

[@anthonywwh]

至少不用再看到套套都是古天樂、 劉青雲、 張家輝，新面孔是好的。

[@heychillhk]

WAI HING WONG 冇錯，自從上年開始多咗好多新演員新面孔，對睇戲多咗份期待

[@WITDCC]

專業守則係為左保護counselor同client，係必須存在，唔係咩落後 太過執著。的確，人係有情感，所以當counselor察覺有唔妥個陣，就應該即刻搵人諮詢 甚至中止輔導。如果唔係，同client發展嘅話，只會傷害到大家，特別係client。同埋咁樣亦都好唔道德

[@heychillhk]

我明白呀，之前有觀眾都有留言討論過鮑姐呢個角色的專業守則，我都覺我用迂腐呢個字係重咗，理解專業同情感平衡係必需的

[@castorwmh]

鮑姐係幫葉嵐做過輔導，所以知道佢地兩個除左要尊守守則之外都係怕兩個脆弱Ge人一齊之後受到傷害最終會變成好似ending咁Ge結局

[@karelian3432]

其實結尾已告訴觀眾他兩在臨睡前都很想念對方，然後模糊中入睡了。之後鏡頭去到他兩再次在行人隧道中再相見...意思是他兩只能在夢重聚。係一個SAD ENDING....

[@Kemmt]

點樣先係「病」依到我有同感 精神病我唔知學者點去定義出嚟，但我覺得不外乎係「與眾不同」「影響生活/社交」嘅元素，先會令到人嗰個人係要「治療」 不過從依套戲中，呀樂同葉嵐喺現實中得唔到完美嘅愛，唔想傷害對方，覺得自己唔配對方為自己犧牲，而葉嵐亦唔能夠去令到一個精神病患者去信任佢 雙方喺現實中一齊會好痛苦，而喺幻想中就唔洗面對咁多問題，人係感情嘅動物，如果人去選擇一個可以安慰到情感嘅方法（幻想中戀愛），而唔去選擇一個長期痛苦嘅方法（現實中戀愛），依個想法又算唔算「病」？如果現實痛苦生活係情感上自殘，噉又係咪「病」？

[@heychillhk]

冇錯，「病」呢個字真係係精神上層面其實可以好主觀，因為人腦實在太複雜，而且也是個體，思想上互相衝擊是難免會覺得對方是有病/有問題的一方，我覺得幻想本身冇錯，因為美好的幻想真的是人生的重要調劑品，凡事最重要還是適可而止，在幻想中得到慰藉絕對可以理解，如果過度沉迷最怕還是不能融入現實生活，咁好似幫自己關了道門，影響自己接收更多新世界的機會🤔我諗應否需要「治療」就因人而異，凡事不過度沉溺就沒有治療的需要了

[@ilivehk1]

套戲拍得好好, 演員都做得好好. 唯一覺得男女主角感情鋪排有D怪. 李志樂好明顯因為欣欣而愛上葉嵐, 只係因為無選擇下先同葉嵐一齊. 而葉嵐後面表現到咁愛李志樂我覺得之前鋪排不足以令我覺得合理 (為左佢放棄學位, 就佢角色性格本身好難做到. 你可以話佢個人改變左但係都係欠缺左一D令觀眾合理化既劇情). 除左呢樣成套戲係好睇既!

[@samanman8335]

有人提過其實對葉嵐的轉變的了解也可能需要有點如professor鮑起靜提及的移情的舉動，我諗即是腦補吧。若果投入到葉嵐的心態，放棄一切去追求一個接納自己的人係有可能的。畢竟好多女仔都係脆弱和需要愛

[@himak3157]

@@samanman8335 人物心理上可以理解為葉嵐為阿樂放棄學位係屬於自我救贖，但從劇情結構嚟講的確係鋪墊不足，如果喺兩人日常相處上再多少少細節可以展示葉嵐自我嫌棄同對愛渴求就更完美

[@heychillhk]

認同葉嵐的轉變有部份是屬於救贖，不過到最後佢為咗李志樂放棄學位都係有啲倉猝，唯一可以理解嘅係可能葉嵐終於能向別人哭訴出內心一直的缺失，而呢個人就係李志樂（我覺得佢話自己cheap個場可以再激烈啲+再釋放啲）所以可能由個刻開始佢已經倚賴李志樂，不過我反而覺得李志樂係因為葉嵐的外型+氣質吸引而幻想出欣欣這個角色，所以我諗佢又唔算係冇得揀之下先鍾意葉嵐，不過講真成個故仔佢哋嘅認識都太淺，感情係㴝得太快，二人關係的發展係有啲突兀

[@ilivehk1]

戲痴HeyChill 當然佢都有佢合理嘅地方， 但係可以再深入D。 感情需要經過生活而建築，觀眾先會有認同感。秋天的童話就係一個好例子。

[@samanman8335]

戲痴HeyChill 非常同意志樂係基於葉嵐的印象建構欣欣👍 葉嵐為志樂放棄學位係急啲，不過也腦補到不覺夾硬，結局更加非常淒美⋯⋯及淒涼，呢個結局令我低迴不已。 其實兩位主角的崩潰戲都好好睇，睇番一些訪問知道電影背後的難度，一機拍攝，緊迫的拍攝日程，尤其係三人對峙果場，一部機，拍完女主角，拍男主角，再轉番女主角，但又要維持到情緒。我記得之前訪問淪落人導演，提過公屋景細，要拆牆放機器拍攝，但我相信呢套片應該無拆到，咁就連環境都更受限制。所以真係難度滿分。

[@raymondwoo2648]

很喜欢您们两位的影評！您们的分析，用詞 都十分尊業，又有深度，又有礼貌，又有修养。非常欣赏您们的合作和影評！請继续努力！👍🏻👍🏻👏🏼👏🏼💪🏼💪🏼

[@heychillhk]

Raymond Woo 多謝你的讚賞！❤️🙏🏻我們一定會繼續努力和大家分享更多好電影！💪🏻💪🏻👍🏻

[@GhostLukus]

叔叔同幻愛都有參考王家衛的框架式構圖，尤其是阿樂精神崩潰之後，門係重要元素， 會唔會係阿樂覺得愛情不能夠被世俗眼光接受，先再係圖書館表明同葉嵐係發展唔到，繼而最後只能夢中相見？ 因為故事中期既學校輔導，阿樂有解釋過夢既訊息，表示過「虛幻既自己係最美好最舒服」

[@hkmanwa]

我睇咗7次，其實你哋可以去睇吓小說，係豐滿左故事

[@heychillhk]

七次，佩服！ 好，已bookmark！

[@hkmanwa]

戲痴HeyChill 其實電影小說有寫屯門碼頭既片段，有屯碼既結局個幕係會有唔同....

[@bryce902]

七次🙏🏻好癲🤣

[@dllmtvb]

張文華 我五次，輸咗

[@nbachung]

@@hkmanwa 幻愛 ig有得睇屯門碼頭既片段..節奏好慢..cut左好正常

[@jokerli1014]

其實我好想相信最後的時葉嵐，始終欣欣出現的眾多場口都是綁馬尾，我覺得最後阿樂都係想愛葉嵐，只係怕又再傷害到佢先左圖書館時拒愛，所以在潛意識中才會出現葉嵐

[@Leo08230]

睇左兩次😢😢😢😢係咁哭

[@joeashitano6680]

咦～～ 而無諗佢 ending 無喺佢地服裝度諗 反而係男主角同欣欣見面畫面後面會 blur 晒 ending 見到既第一眼仲係 blur 擁抱嗰一下就成個畫面實晒 所以以為 happy ending, 不過疑幻似真先係電影真正既魅力

[@user-mq9xk7cf8q]

個人認為幻愛最突兀嘅反而係配角嘅處理手法 鮑姐同教授嘅部分無乜問題 但係有3個配角嘅情節都幾突兀下 分別係葉嵐嗰個前男友 向阿樂表白嗰個女仔 同埋uncle Wong 3個人都係彷彿空降入套戲度 觀眾完全唔知有喱3個人 然後無啦啦就一個畀返條鎖匙人 一個問人做乜唔覆msg 特別係Uncle Wong 佢係影響男女主角戀情嘅關鍵人物 就係佢嘅出現引發葉嵐崩潰 之後男女主角嘅戀情先得以昇華 然而重點就係 無啦啦點解會有個uncle走咗出嚟 仲要好似係特登等葉嵐講嘢咁 講完幾句之後葉嵐就崩潰 成件事係突然之間發生 話崩潰就崩潰咁 在下明白導演想借佢哋去表達葉嵐同阿樂嘅一啲特質 例如葉嵐一直都拍唔到長拖 阿樂對其他女仔都有吸引力 阿樂有情愛妄想唔係因為無女仔鍾意 而葉嵐唔潔身自愛都係因為童年經歷 只係覺得而家咁好似係導演刻意借喱幾個情節 去話畀觀眾知喱啲資訊 成個感覺就好唔自然 或許喱3個角色可以有更多嘅發揮空間 令成個故事更加完滿 只需要喺初段安排喱3個人同男女主角有啲互動 唔需要多 一個情節就夠 既可以從中側寫男女主角嘅性格等 令佢哋嘅形象更鮮明 亦可以令嗰3個配角嘅出現更加自然 不過考量到時間嘅問題 導演選擇唔對嗰3位有更多嘅著墨都可以理解 畢竟唔影響主線劇情太多 或許咁樣已經係吹毛求疵 但在下相信只要能夠活用配角 絕對可以令幻愛更上一層樓 儘管如此 幻愛依然係近年香港電影中非常出色嘅一套作品 不論係阿樂同葉嵐之間觸動人心嘅純愛 定係電影想觀眾深思嘅問題等 當然仲有拍到屯門咁靚 以上種種都足以令人一睇再睇 抱歉留言太長

[@dllmtvb]

我覺得Dr Chan少膠😂明明一直將輔導中心嗌Center，啲professor應該用雞腸多啲 然後再嚟係最後圖書館 個女人都好似多餘 知道大家會用服裝去辨別yanyan同葉嵐，導演特登有時唔俾你認 例如 馬尾、風格、頸鏈、同埋最後一幕，其實條頸巾照計係未俾翻葉嵐既 套戲好多意像：蝴蝶、門、乒乓波 ps：睇四次

[@heychillhk]

勁，睇得好仔細，其實我都覺得圖書館個女人好多餘，如果純粹想表達阿樂拒絕愛情/唔係好識得表達自己又好乏力，你講起頸巾就更合理化最後果場夢景，我都記得條頸巾未還番俾葉嵐

[@KT2Bruce]

葉嵐望去呀樂個窗口肯定係綠慕黎😂

[@elimwallacetam5124]

現實世界是殘酷，有幾多會有完美結局，我不够好！到最後你會離開我！何必給我有完美結局的希望！

[@ilivehk1]

有時好多野都係自我實現

[@user-qg4pr9km2c]

套戲 要思考好多 有好多情節都睇唔明 你們講解讓我明白多一點

[@perryccp]

謝謝你們的影評, 個人都認為3個角色互相對戲一場最深刻. 阿樂(劉俊謙)爆發一下真係驚左一下, 同時加強左佢一路唔肯去愛既無奈. 除左導演同演員,美術真係應計一功. 除左靚外,整體上真的有"幻"既感覺 前半部的懸疑部份, 我真係一度睇緊一度唸 不過我有D唔明阿樂有幾次拿起電話錄音(定聽番個錄音)..是否想比自己知道眼前係現實同幻象

[@heychillhk]

多謝你支持❤️三角色對戲個場好有爆炸力，導演導戲，攝影師鏡頭運用，加上兩位演員演技，場面十分有張力！至於阿樂拿起電話錄音，我相信係佢用嚟錄低葉嵐/欣欣把聲，然後即場播返俾自己聽聽下有冇她的聲音，因為如果錄不到的話就能就知道「她」是阿樂自己的幻覺。所以在前段當阿樂第一次在拿起手機錄音時，正是欣欣在他身旁說：「無論你有沒有病，我也愛你。」,當時阿樂聽回錄音時並聽不到欣欣的聲音，當刻他終於知道原來欣欣是他一直的幻覺，所以崩潰地抱着欣欣這幻影痛哭了

[@stanky2870]

👍👍👍支持本地製作！(包括兩位主持) 原本冇諗住抱好大期望，睇完先知係好睇；男女主角演技都很出色，一個飾演游走於現實世界與抽離世界之間掙扎(徘徊在抑壓與釋放的路上)、另一個就一人分飾兩角，兩位演員都很入戲，結尾雖然酸溜溜...，但係我會繼續追周導演嘅戲！👏👏👏

[@heychillhk]

幻愛係近年出色的香港電影之一！兩位出色演員係明日之星👍🏻我都好鍾意呢部戲！❤️

[@nbachung]

@@heychillhk hello.已經3刷...每次睇圖書館葉嵐果埸都眼濕濕.ending好sad.近年最觸動人心電影😭😭

[@dllmtvb]

謝票場有人問導演 導演話啲蝴蝶衫美術組設計😂同埋條村叫蝴蝶村 btw導演話佢都唔知

[@pinkpeppercorn8463]

謝謝你們的評論！聽完令我好想睇這套戲👍🏻🙏🏻☺️

[@heychillhk]

絕對值得一看👍🏻希望你都鍾意呢部電影❤️❤️

[@suikuenseto5393]

鐵路，碼頭，山景，海灘，剛巧屯門有齐，現在多左人入屯門打卡！

[@hedyip1158]

即使其他人覺得冇問題 但作為一個輔導員係唔應該同患者發生關係， 對輔導員黎講已經一個死罪。 心理學會係有列名 所以鮑姐唔係錯

[@pinkpeppercorn8463]

支持港產片💪🏻😊

[@leungsheila2674]

可唔可以講下一念無明？依套都好好睇

[@joejoeleelee123]

最近值得欣賞的戲👍

[@adolfchiu2362]

有一幕我睇唔明︰當葉嵐向男教授表示想結束「關係」，一名男學生好快咁由一邊跑去另一邊。有咩暗示？

[@holee448]

唔係純粹想表達兩個人關係唔見得光炸咩?

[@heychillhk]

應該真係冇乜特別暗示，認同只係帶出二人唔見得光嘅關係，加強一下尷尬感！

[@gloriachan309]

係我唔開心既時候，又見到你既分享🙈 我唔明點解呀樂怕傷害？葉嵐好似冇大太既傷害過佢🙈 因為佢個病？定佢唔想失去？怕佢保護自己？🙈

[@kinwaili6012]

我覺得女主角對男主角產生左「情感反轉移」，男女主角都唔係真正愛對方。 反而鮑起靜係成套戲最清醒既人，對男女主角既分析一語中的，作為第三者，而且仲係教授，我相信佢比起男女主角自己更要了解佢地。

[@tonytang5452]

唔錯

[@brucelee6928]

今日重溫返,原來你哋初初啲片把聲,係正經啲㗎喎😆😆

[@ruicosta2394]

个人认为结局还是偏悲观的吧，叶岚因为阿乐的拒绝，学业的挫败产生了幻觉，出现了幻听现象，暗示她也将成为一名思觉失调患者，但与阿乐的恋爱经历又使她得以有一个供自己幻爱的对象，阿乐与叶岚当然可以继续相爱，只不过是在虚幻的时空里，至于这是he还是be，见仁见智了。

[@cy1886]

good

[@MM-sm5pj]

最後係sad ending 呀 因為葉嵐最後個shot 戴住頸巾, 但其實葉嵐一直都冇拎返條頸巾？

[@heychillhk]

冇錯呀，葉嵐冇拎翻頸巾，所以最後係幻象/夢境🥺sad ending

[@himak3157]

覺得黑羊嗰段有啲刻意同多餘，其實觀眾無需要去理解專業解讀，透過人物關係/相處細節去展現人物心理有時更加好，好似教授同葉嵐閒聊兩分鐘嘅訊息量就比黑羊嗰段表達得仲要多

[@heychillhk]

Terry Mak 我諗黑羊嘅作用係用㴝帶出李志樂心理狀態的轉變？由精神寄托在黑羊上轉至到男孩身上，也可能是想帶出作為精神病人的阿樂思想上的抽象，阿樂沉醉在幻想空間，所以夢中的景象都充滿着物件喻體？

[@jacyjc6104]

黑羊係指黑羊效應 我認為係有用意 精神病患者喺呢個社會上就係嗰隻黑羊

[@kashwai5567]

你倆嘅評論嘅眾多比較持平,客觀同深入分析!而周導亦多次強調嗰 ENDINGS 喺 OPEN! 留比所有各個背景嘅大衆去"幻想"自己嘅ENDINGS!. 好多謝分享及指點!放空自己情緒,會再翻看 (有如幾十年前,日本片 -情書)一樣!

[@nbachung]

睇左幻愛...高質電影.估唔到冇乜冷場..ending劇情好爆.套片拍得蔡思韵好有氣質又靚女上鏡唔feel佢敢正.估唔到佢敢好演技.內心戲好正. 好可惜.金像獎冷待左套片.新人獎劉生輸比易烊千璽有商確餘地.劉生演出無懈可擊.女主角蔡思韵輸比神級演技周冬雨就冇得講..

[@heychillhk]

冇錯，兩位演技都好正，其實論演技劉俊謙同易烊千璽真係好不相仲，雖然劉俊謙最後都攞左香港電影評論學會大獎的最佳新演員🤔但周冬雨vs蔡思韵就真係冇得講💔周冬雨演陳念這角色的爆炸力太強，競爭太強了！

[@yucheung1129]

鮑姐段評價 可能因為本身唔太了解個守則

[@heychillhk]

有觀眾都提過呢一點，我都理解的，其實我用迂腐呢個字都重咗，鮑姐呢個身份係應該持有呢種態度，都係好難取捨情感與職業原則

[@yucheung1129]

戲痴HeyChill 不過多謝你地做呢條片 本土電影好需要大家支持 由其是呢種小品

[@heychillhk]

Cheung Pui Yu 都多謝你支持香港電影呀，近年多了許多本土小品製作，值得我哋入場去撐👍🏻

[@joewong5056]

Hi

[@tianyoukuang2261]

我觉得结尾应该是叶岚自杀了，然后滴血的声音，她慢慢闭上眼睛，弥留一霎，进入了幻境，梦幻中，她和阿乐在一起了，这是一个颇为悲伤的故事

[@graphitation]

男女主角喺屯門咀緊嘅時候會撞到佢 "uncle" 算幾突兀

[@heychillhk]

認同，依家諗翻起覺得個uncle反應都幾怪，唔係好知想點

[@graphitation]

@@heychillhk 純粹為咗「合理」地製造一個動機，俾女主角揭穿自己嘅過去。

[@cheeselin]

守則同原則唔同，唔好將兩樣野混為一談

[@heychillhk]

理解呀！有觀眾都提左我呢樣嘢，我也認同我在片中用迂腐呢個係重咗，其實鮑姐呢個角色已經做好佢應份嘅嘢

[@baaaau123]

你哋把聲好好聽😆

[@cosmos11131101]

Support👍🏻

[@jarvis0917]

今日尾班車睇完，我覺得取景同配樂都出色，只可惜劇情我就覺得麻麻。下面有少少著眼點 1. 欣欣同葉嵐演出非常鮮明 例子 ： 頭髮，衣著，聲線，畫面色調。正常就唔會混淆幾時係欣欣或葉嵐 2. 前半段都係圍繞男主個病，小量加插女主學業問題。後半就主力講女主對於愛情觀變化，小量加插男主病情。 3. 片中提到情愛妄想症係好難搵到案例，1000個當中都沒有一個，男係難得有的一位。咁最後女主劇情編幅又係啲咩呢？ 4. 戲中講左好多社會問題；康復者對重返社會問題，現代人對康復者睇法，學生感情生活，不過以上呢幾點都係好少編幅（一齊兩個月男生，樓梯位睇住男主工作，康復者分享部份） 都真係得幾秒 個人睇呢套戲感覺就係好似推女主角去死一樣，成套戲都係營造男主有病，女主為左男主放棄哂所有都得，願意同男主行落去。結果換黎成套戲唯一突然變得好正經嘅男主拒絕（講野非之正常）。 結果女主角咩都無哂，最尾重要寫到佢好似有幻覺咁，重要安排夢中相遇？ 結局後續要係小說版先睇到。。。。。。 咁樣真係好咩，套戲真係有必要開放式結局？我只能講導演想講嘅嘢太多安排唔哂，令套戲結尾完得非常突兀。

[@heychillhk]

如果講社會問題嘅話，呢套真係冇咩點闡述，好似叔叔咁，會有dior 同志角色點綴，反而幻愛就真係集中講男女主角的感情變化。 反而個結局其實我都冇過男主角會突然之間轉變得咁快，感覺上係三角色對戲嗰場中男主角已經心死，心入邊再唔敢有欣欣和葉嵐，我認同呢個位真係有d突兀，男主角嘅心係變得快左（除非喺最後圖書館個場之前加插返交代男主角的心態轉變做過場，起碼可以深化他心死的動機）

[@mcc5352]

I haven't seen the movie yet, just by watching this, will it copy the concept in famous Kdrama in 2015 kill me heal me by famous actor Ji sung?

[@heychillhk]

I think the two stories are quite different. 幻愛 is about "Delusional disorder", the actor fell in love with his "imaginary dream girl", he is not suffering from Dissociative Identity Disorder as the story background of Kill me heal me 🤔

[@FFFF-td2hl]

男主住18 樓 女主住25樓

[@ccc8128]

男影評人，好鍾講「譬如」「譬如」「譬如」......😂

[@heychillhk]

CC C 女影評人：認同！我都覺得佢呢個口頭蟬好煩呀！！🤮

[@fongfongwong4513]

蝴蝶好似都可解作精神病的

[@siubeelee4614]

psmedical.hk : 3 minutes