Рет қаралды 12,306
黃宗澤被追問吳卓羲菊梓喬分手傳聞 周勵淇建議陶大宇唱《倒轉地球》謝票
黃宗澤、張繼聰、陶大宇及周勵淇(Niki)等呢日現身有份主演嘅電影《紮職3》首映禮,首次加盟呢個電影系列嘅大宇,卻謙稱自己似「新人」拍攝過程有啲壓力,一度擔心接唔到棒,不過佢感謝導演畀咗好大自由度,令大宇覺得拍攝幾開心。
Niki今次喺凌晨拍打戲,盡量希望一take 過,身旁嘅大宇讚Niki本身掂,而Niki坦言捱夜拍戲,有時感覺力有不逮,拍完要休息一星期先得,佢承認體力冇以前咁好,而同樣係8月之星嘅大宇同Niki今年生日願望係票房大賣。
Niki建議大宇唱《倒轉地球》謝票,大宇笑指呢個唔係演唱會,黃宗澤、阿聰同陳家樂再演三兄弟,黃宗澤笑指陳家樂喺大馬拍戲賺奶粉錢,阿聰就好體會家樂掛住阿女嘅心情;新片呢次有大宇同鄭浩南兩位好戲之人加入,阿聰好欣賞鄭浩南嘅熱褲look。
黃宗澤被追問吳卓羲(Ron)同菊梓喬分手傳聞,有傳菊梓喬已有新戀情,黃宗澤即反問佢哋有一齊過咩,更笑言跟Ron唔熟,黃宗澤透露之前同Ron食飯都好開心。
#黃宗澤 #張繼聰 #陶大宇 #周勵淇 #紮職3 #首映禮 #電影 #倒轉地球 #謝票 #鄭浩南 #菊梓喬 #新戀情 #吳卓羲
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0