هوسات🎙لأستشهاد الامام العباس (عليه السلام) مشكول الذمه من يعيد النشر

الهوسات،،
من رد للخيام حسين مهضومه تلگيته
خويه اكله جا وين البطل عباس خليته
عدل لو مات تره عالنهر خليته
(ابروح امك /شو حاچيني)
ـــــــــــــــــــــــــــــــــــــــــــــ
بروح امك يابو السجاد جاوبني
حاجيني الصراحه ولاتضم عني
يرد اردود لو راح البطل مني
(لو فلت /عباس اعهوده)
ـــــــــــــــــــــــــــــــــــــــــــــ
خويه يرد عباس لو ذاك العهد فلاه
گاللهه يزينب بعد گولي احاه
اخوج بناضره سهم العدو صاباه
(مارد من شفته/الصيوانه)
ـــــــــــــــــــــــــــــــــــــــــــــ
مايقبل يرد خويه الصواوينه
يكول اشلون اروح وشكل لسكينه
لو ناشدت عن الجود جا وينه
(عطشانه /الماي امتانيته)
ـــــــــــــــــــــــــــــــــــــــــــــ
عطشانه الاطفال وتنضر الجودي
اشلون ارجع يخويه امگطعه زنودي
خاف اتشوفني وشتكول بت عودي
(شيضل بزينب/حاجيني)
ـــــــــــــــــــــــــــــــــــــــــــــ
اضن لو شافت امتوني امگطعيهه
تموت اختي الحنينه وخايف اعليهه
مو انه الجبتها ومن يوديهه
(خل تعتب حگها/المهضومه)
ــــــــــــــــــــــــــــــــــــــــ تمت

[@user-eo7rs6vt3j]

بارك الله بيج يروحي يوفقج الحسين الشهيد المظلوم الغريب.. امي حبيبتي ماجوره

[@ommntthr9720]

السلام على صاحب الكفين المقطوعه😢

[@ommntthr9720]

مأجورة بعد كلبي