Рет қаралды 583
احتفلت الفنانة بدرية طلبة، بـ حفل زفاف ابنتها سليمى، في أحد فنادق القاهرة الكبرى، بحضور العائلة وعدد كبير من نجوم الوسط الفني.
حفل زفاف ابنة بدرية طلبة
وأعربت بدرية طلبة عن سعادتها الكبيرة، بزواج ابنتها سلمى، حيث قالت في لقائها مع رؤيا مصر خلال حفل الزفاف: بقول لبنتي خلي بالك من جوزك ومفيش حاجة اسمها آخد شنطة هدومي وأروح عند أمي، الكلام ده بقى قديم، وأي مشكلة في الآخر بتنتهي، إحنا ناس مبتحبش مشاكل وبنتأنّى في مين اللي جاي لـ بنتنا.
وواصلت: أنا أم محمد وأم أزواج بناتي مش حما، وبقول لجوزها دايمًا خلي بالك من بنتي وحطها في عينك، وحسيت إن كان ورايا مهمة وخلصتها النهاردة.
وأضافت: هما كانوا أصحاب وهو كان ضابط اتصال طيران وجه طلبها وإحنا سبناها تشوف وتوافق، وموافقتش بسهولة غير لما باباها يشوفه، العريس لسة جاي من الإمارات قريب لأنه مولود وعايش هناك، وشاف سلمى واتقدم لها.
واستكملت بدرية طلبة: اللي فرحان ليا ربنا يفرح قلبه، أنا عارفة أنكم بتحبوني، ويا رب اللي أنا فيه وفرحتي والموقف اللي أنا فيه ده تشوفه كل حبيبة بـ بنتها.
كما تحدثت الفنانة بدرية طلبة، عن إمكانية دخول بناتها الوسط الفني، قائلة: أنا معنديش بنات تشتغل خالص، ولا تشتغل في التمثيل، لو إعلام ماشي.. لكن تمثيل لأ؛ لأن شغلانتنا تعب، وأنا عندي خلصي دراستك وعلى بيت جوزك.
وسبق واحتفلت بدرية طلبة بحنة ابنتها، وسط أجواء عائلية مليئة بالبهجة بحضور أصدقاء العروس، وفرحة عارمة للفنانة، واعتمدت العروس أزياء مبهرة خلال حفل حنتها، حيث ارتدت الساري الهندي ورقصت الفنانة بدرية طلبة رفقة ابنتها.
#مصر #رؤيا_مصر #رؤيا_مصر_صندوق_الدنيا #اكسبلور
تابعوا حسابات رؤيا مصر على منصات التواصل الاجتماعي المختلفة
RoyaEgy
RoyaEgy/
www.x.com/RoyaEgy/
www.tiktok.com/RoyaEgy/