هيونداي ازيرا 2018 بعد الاستخدام

[@xzriw4]

اجمل موديل للأزيرا ذا وفعلا اهني كل شخص اشترى ذا الموديل لانها فعلا جميلة ماشاء الله تبارك الله والله يبارك للجميع

[@Lsvvi]

لقيت زيها بتشليح البلدية مفجورة مشلحه لون ذهبي 😢

[@user-rr3ep5tp7v]

ايه ماشاءالله انا تعجبني الداخليه راقيه وجميله

[@badr2242]

تسلم ي عيني

[@NADER_121]

والموديل الي بعدها برضو جدا جميل

[@xzriw4]

@@NADER_121 جميل ولكن بالنسبة لي ذا الموديل اجمل من جميع النواحي

[@iTReeK1]

تبارك الله .. أفضل جيل على الازيرا بلا منازع كخارجيًا وداخليًا

[@QSNTQ]

اتفق 👍🏼

[@yaaa9yaaa9]

اتفق . اذكر اول ما نزل كنا نضحك كيف مقلدين التشارجر من الخلف ولكن الان كل ما اشوفها اعجب فيها ككل

[@3FRUT]

@@yaaa9yaaa9بالضببظ اتفق معك،كنت محقرها واقول تقليد تشارجر لكن الحين ماااليه عيني

[@هيثمالمرعي-ع6ش]

ما شاء الله راعي الازيرا فاهم وش يتكلم فيه وكلامه واضح وعسى الله يعطيه خير سيارته ويكفيه شرها

[@haggagify]

ما شاء الله تبارك الله الأخ أسامة مثقف ومتحدث لبق ويمتلك معلومات تقنية وميكانيكية عن السيارات اتمنى له الخير و اعتقد انه له مستقبل في أي مجال من مجالات السوشيال ميديا

[@xwqqq7586]

ما شاء الله يا الازيرا موتر ثقه ومعروف الله يبارك له

[@alyamiV8]

ماشاءالله تبارك الله من اجمل الاشكال على الازيرا ❤️

[@Abdulaziz5005-r5]

ماشاء الله الله يبارك له والازيرا موتر جميل والله 💙.

[@تركيالفارس-ض1د]

افضل موديل من وجهة نظري الله يبارك له

[@lot7448]

اتفق بصراحة

[@Waleed_gg]

اجمل تصميم قد نزل للازيرا للان من وجهة نظري

[@9mve]

كم سعرها الحين 🦧؟

[@ابوسلطان-ص8ب9ه]

@@9mveمن 64 إلى 75 على حسب الفئة والنظافه موديل2019

[@carzone6742]

اسلوب صاحب السيارة كأنه مهندس ماشاءالله تبارك الله

[@badr2242]

انا معي ازيرا 18 نص فل نفس المواصفات بضبط رساوه ف الخطوط ماشاءالله عزلها حلو مريحه ب الخط والبوري من بداية 2018 اخذت الموتر ولا عمرها دخلت الصناعيه وزيتها اغيره من الوكاله داخليه مريحه وعن تجربه الموتر يعطيك ماشاءالله والله يبارك له

[@drrb4ever]

معي 2020 عندي تسريب هوا فالبانوراما على ١٩٠ يمكن ويخش فيها وصخ ومع الخطوط الخشنه تطلع صوت طقطقه فالبانوراما من الوصخ ازعجنيييي

[@badr2242]

@@drrb4ever عاد على حسب الاستعمال انا اقدم منك واموري الحمدلله ماشيه زي الحلاوه ما اشتكيت منها

[@absyyf9976]

طيب ويش نوع الزيت اللي تغيره لاني شريت 19 وماني عارف اركب لها زيت ثقيل ولا خفيف

[@drrb4ever]

@@absyyf9976 خلك على توصية وكالتها 5w30 زيت shell

[@drrb4ever]

@@abdullahalloush اي بس حالياً استخدم بترونايز 5w30 وصراحه فرق معي اشوفه افضل من شل

[@rlr3v527]

في واحد في الرياض معه النترا ان هوائيات برمجه ودي تسوون معه مقابله بس مدري بيوافق او ولا

[@f_wg9811]

معليك انا اكلمه

[@joj6402]

خف ع عمرك ي ابو هههههه

[@rlr3v527]

@@joj6402 ايش الي يضحك؟

[@Fahad8]

وش الفائدة من تعديل الالنترا؟ مهي سيارة رياضية خساير على الفاضي

[@kkf.e2891]

@@Fahad8 خله يستانس وش حارق رزك

[@7yz]

الله يبيض وجيهكم على المراجعة الجميلة و ما شاء الله على راعي الازيرا والله فاهم ، وذي أفضل شكلية ازيرا بنسبه لي أفضل من الجديدة

[@كوكبالسيارات-ر8ث]

الازيرا ٥فئات ١-الاستاندر تجي محرك 3.0 ٦سرعات ٢-محرك ٣.٥ ٨سرعات مع تشغيل بصمه وفتح باب بصمه ونور امامية ledمع الإشارات هذي المواصفات نفس السيارة الي فالمقطع ٣-اضافة تسخين وتبريد ونقط عمياء و١٢سماعة إنفنيتي وجنط مقاس ١٩والبريك إلكتروني وليس ارضي مثل الفئات السابقة ٤-جلد نابا وسقف شامواه وستارة خلفيه والمقعد حق السائق فيه وضعيات اكثر ٥-رادار وتنبيه الخروج عن المسار والتخشيب حق ٤أبواب يختلف يختلف وكاميرا ٣٦٠درجة و٤حساسات أماميه

[@MAHER.6220]

الله يبارك لك .. أجمل شكل بالنسبه لي نزل فالاازيرا ماشاء الله 🫡

[@7szn]

20:25 ي شباب اللي عنده نفس ذي المشكله يكلم وزارة التجارة يستدعون السياره ويخلون الوكيل يصلحها على حسابه وهو ما يشوف الدرب

[@مهندالعتيبي-ح5خ]

يا ليت لو تضيف فقرة عن اسعار الشراء حتى نقدر نقارن السيارات معا بعض و الله يوفقكم 🌹🌹.

[@mu5afag2g29]

يوفقك الله

[@aal-a863]

شف قناة ( بلاك رويال ) ينزل تفاصيل التفاصيل ومع الاسعار بعد، سعر امتلاك السياره، والصيانه، وقطع الغيار. واخر فيديو قارن في اسعار الصيانه بين اغلب سيارات السيدان المنافسه للاكورد، اختصر علينا. شفه

[@IIAhmaDx]

ما شاء الله, الله يبارك له في حلاله.. سلبيات ومشاكل واجهتني كمستخدم لهالموديل ايضا: 1) الديكورات اذا م اهتميت فيها من ناحية تعرضها للشمس بتخليك تكره الموتر من الاصوات.. 2) واجهتني مشكلة في الدركسون وهو صوت "ززززززززززززززز" مع اللفه ووديتها الوكاله و عجزوا يصلحونها ولكن سوو حل مؤقت وكانت قيمته 7 الاف عالضمان (غيروا عمود الدركسون الظاهر) 3) الكروم الي حول المثلث الخلفي من الخارج انفك عندي وعشان تغيره لازم تغير القزازه كامله وقيمتها 500 ريال تقريبا 4) القزاز الايسر الخلفي بدا يعلق بعد استخدام سنتين واتوقع بسبب الجلد الي حول القزاز 5) صيانات الوكاله الدوريه غاليه جدا.. اسعارها كالتالي ابتداءً من 5 الاف : 373, 970, 373, 1380, 420, 900 وتكمل على هالمنوال وصيانة ال60 ب2600 تقريبا بالنسبه للصرفيه اشوفها زايده عند صاحب الموتر الي بالمقطع.. انا تمشيني بالمدينه 500+ وبالخط 850 تقريبا

[@salmutairi6233]

شوف هي على كل استخدام تختلف بحكم انه مشاكل تطلع لك ولا لا والصرفية اكيد تختلف من سواقة شخص لشخص 😂.

[@user-lu7li1qj6d]

أنا في بالي ازيرا 2023 هل تنصح بشكل عام ولا لا 😓، كلامك خوفني شوي عن السلبيات

[@salmutairi6233]

@@user-lu7li1qj6d حياك الله عبدالعزيز ،، والله شف الموتر له معي حدود ال٣ سنوات تقريبا والموتر عملي الصراحه لكن يبي له اهتمام من صاحب الموتر وبيعيش معك طبق كل شي قلته بالمقطع واهم شي الزيت وباذن الله مابتشتكي من شي والله يبارك لك مقدماً

[@RPD91]

أسعار الصيانة جداً معقولة مقارنة بالكامري. بين ال٧٥٠ للصيانة العادية الى ال١٥٠٠ ريال للصيانة الكبيرة ٤٠ و٨٠ ألف

[@sami_535]

انا واجهتني نفس مشكلتك وموديل سيارتي ٢٠٢٠ وقبل يومين مطلعها من الوكالة ،، اعتقد غيرو "الموتور" حق الدودة لانها تجي كهربائية.. لكن السؤال الله يسعدك هل رجعت لك نفس المشكلة لاحقاً ؟ ولا الامور مشت سليمة

[@utrid4334]

ماشاء الله تبارك الرحمن الازيرا معروفه بكل الموديلات من بداية تصنيعها سيارة مركب شيوخ موتر مريح وواسع وحق سفر وممتع بالمواصفات بالنسبة لي افضل شكل خارجي نزل للازيرا ٢٠٠٩ و ٢٠١٨

[@idjw3270]

اخوي محركات السيارات الكوريه تصنيع كوريه ولا اليابان؟؟؟

[@عليالكدم-ع6ب]

كوري

[@idjw3270]

يقولون محركات ميتسوبيشي

[@7z11]

انا بشتري 2011 الشكل النادر ومبيعاته قليل بالسعوديه ذا الموديل واقولك ترا الازيرا اطلق سياره كبيرة الحجم وشكل خارجي وداخلي وجودة محركات خصوصا والازيرا في الشارع غير لها ميزه خاصه فيها الله يرزقني بس، وتراك ضلمت الازيرا ٢٠٢١ الى ٢٠٢٣ اطلق شكل خارجي وداخل وبعده ٢٠١٨ الى ٢٠٢٠ وبعدها ٢٠١١ والعموم كلها فخمه، ومع اخوي ازيرا ٢٠٠٨ ما شاء الله قسم بالله ابداع

[@7z11]

@@idjw3270 كوريه بس افضل من اليابان قسم بالله وعلى م اقول شهيد ان المكاين الكوري افضل من الياباني سيارات سيدان اتكلم عنها لانه اليابانيه تايوتا ونيسان تجي عيوب مصنعيه كثير خصوصا نقص الزبت والكوريه صلاتي على النبي بس خربوها في السوناتا ٢٠٢٠ فقط وصلحوها من وقتها بس اقولك شي الازيرا خصوصا محركاتها قير ومكينه معروفه وروح شوف الاجانب اذا تكلمو عنها وعن جودتها وماعليك من ربعنا بالخليج مطبلين الياباني

[@abdulrhamnhakami5767]

طيب انا عندي نفسها بالضبط .. اذا وقفت بروده المكيف تقل وش السبب والحل علما ان الموتر مامشى ٨٠ الف

[@s-uo]

معروفه المشكله هاذي في الكوري والسبب الكمبروسر

[@Hishamaltaha81]

مقطع رائع جدا جدا لأن معظم المتخصصين يقومون بتجربة السيارة في حالة الزيرو وهذا لا يبين العيوب و لا الإيجابيات موفق بتجارب أخرى

[@king..5052]

ممكن اذا ما عليك امر تجيب راعي kia k8 مشى بموتره حدود ٥٠ الف كم وتعطينا زبدة التجربة لان ما فيه في اليوتيوب مقطع لها بعد الاستخدام وانا ناوي اشتري الموتر … اذا ما عليك امر ❤️❤️

[@عمرالعنزي-ن1ط]

مايحتاج تسمع رأي أحد هي نفسها ازيرا لكن بعلامه كيا

[@mohammedalshareef-cz9fw]

خل عنك الرسميات بزيادة عشان مايتوتر الظيف خلها عفوية وراح تنجح القناة اكثر

[@tiu.9]

م شاءالله تبارك الله يعطيك خيرها ويكفيك شرها موتر جبار واثبت نفسه بين المنافسين ومشكورين من طاقم العمل ومن الضيوف استمروا❤❤

[@fahad9637bhj]

من وجهة نظري ان هذا الشكل من الازيرا ب2018 الى 2020 افضل شكل مر على الازيرا من الخلفيه والواجهه الصراحه اجمل شكل

[@azzozazzouz5740]

ما شاء الله فزت موتره ربي يعطيه خيره ويكفيه شرها

[@rashed1120]

تحس الازيرا السياره الوحيده الكوريه الي صنعوها بذمه وضمير كل شي جميل فيها

[@Moodeシ]

فعلًا وجودتها حلوه ماشاءالله

[@V-b6r]

والكادينزا بعد لا تنساها

[@Moodeシ]

@@V-b6r الكادينزا المعروف لايعرف الكادينزا المركز الاول في قلبي ومن عشاقها وبإذن هو موتري الجاي وفيها حقها فعلًا ولكن قلت الازيرا يعني مقارنه ب الكادي وكذا جودتهم حلوه ومايقصرون ماشاءالله وماقد طلع عنهم شيءٍ غير الي لاعنين والدينها ولا هم مواتر صملة ماشاءالله

[@f5m389]

حرام عليك في حتى الجينسس من أفضل السيارات الكوريه الفخمه

[@V-b6r]

@@Moodeシ اي والله معي كادينزا ٢٠١٩ وماشاء الله والله من افضل وافخم المواتر اللي جربتها في فئتها سواء عزل ورساوة ووسع وراحة

[@msoli7]

لو سمحت أخي العزيز فين مكان sd cart في السياره عشان أعمل أبديت السيستم فيها

[@Teax5]

وش وضع اللي مايشيل القراطيس ويستمتع بسيارته؟؟

[@محمدالبارقي-ص4ي]

ابدعتم ماشاءالله 🤩👏🏻

[@OB3iz]

انا معي جينيسس واتفق مع راعي الازيرا من ناحية القطع الخارجية غاليه مثلا الشبك الامامي للجينيسس ب1300 ريال والصدام الامامي 2000ريال (تسعيرات الوكاله) بس ماشاء الله الكوري ملاحظ جودتة (من الأزيرا الى الجينيسس ) متحسن بشكل كبير خصوصا الموديلات 2017 وفوق

[@absyyf9976]

والله ان الجينسس حلوه واقوى من الازيرا وفخمه. بس مشكلتها ضيقه الازيرا أوسع منها هاذ اللي ميز الازيرا. وكذلك الازيرا الفل كامل والله فخمه ومواصفاتها جباره

[@diaidinemamine8661]

اخي ارجوك بدي اشري سيارة مو احسن فيهم جينيسيس جي80 او ازيرا ارجوك رد عليا في،وجه الله

[@Soooouls]

@@diaidinemamine8661 اتوقع انك اشتريت وخلصت لكن الجينيسس افضل

[@نصور-ف4ه]

يالربع استفسار ولا تهون وش زيت القير ل الازيرا 2018 قير 8 نمر لاهنتم 😅

[@hassanatwani6929]

من ناحيه البوري ترا مو خربان ينفصل فيش البوري الثاني ف يصير شغال واحد ارجع شيك عليه وبتلقاه مفصول بسبب المطبات والحفر

[@S_B52]

كيف يشيك عليه وين يلقاه

[@Al_mutlaq]

اجمل جيل نزل للازيرا

[@MKSA-wv4nn]

آخوي معه ١٦ أتوقع نفس الشي في التعليق قساوه ومن جوا كنك بحفره مدري فيه اختلاف عن الموديل اللي معك

[@قناةصبيالعاطفالرسمية]

ماشاء الله الله يبارك له لاكن من ناحية المكيف اشوفه مهب زين يعني في اليل وثلاث دقات ماشوفه كويس

[@Ems-w4l]

هذا الكتروني وفيه ثمان طجات... يعني مقارنه بالعادي ابو اربع طجات يعتبر كانك مشغل حبه وحده بس

[@mohanad_98c]

@@Ems-w4l طجات😂😂

[@user-ij3he1wr7y]

@@Ems-w4l صحيح وراعي الموتر غلط فالمعلومة يوم يقول 7 طقات

[@sb7ani778]

الفيس لفت المكيف افضل بالليل تكه وبالصبح ٢ الى ٣ بالكثير وهو فيه ٧ اتوقع

[@asap7184]

انا موتري ستاندر ٢٠١٨ مكينه ٣.٥. اللي فهمته ان المكينه ذي مايوفرها ستاندر الا الناغي. المجدوعي يوفر الصغيره منها بس

[@ghostofuchiha1630]

ما شاء الله الازيرا سيارة مميزة وفاخرة من هيونداي بجميع اجيالها بس الله يستر من الجيل الجديد شكلهم بيخربوها

[@klaus2384]

ماشاء الله عزمها جبار على ممشاها❤

[@fxv29]

اي واحد يبغى ينظف المحرك بالماده انصحه بعد اضافة الماده تفك الكارتير وتنظف الشخال عشان لا سمح الله اذا تجمعت الاوساخ بتروح عليك المكينه فالافضل فك الشخال وتنظيفه

[@band962]

بصراحه ماكان الشرح يستاهل 30 دقيقة وكله بشارع واحد رايح جاي ومع الاشارات والزحمه اكيد بيتشتت لو قعدتو بالسياره واسالة سريعه ب 5 دقايق كان افضل

[@qjjl.]

اتعجب من شركة هونداي ليه وقفوا محرك الجينسيس على الازيرا عام ٢٠١١ محرك حينسيس ٣.٨ على ازيرا وزن اخف ادائها كان جبار في عصرها

[@عمرقمرة]

بم يكن محرك الحنسس على الازيرا كانت الأزيرا تاتي بثلاث محركات 2.7 3.3 3.8 والجنسس 3.8 gdi حقن مباشر لكن الازيرا mpi والمحركين الأعلى سعه كانت بهما الكثير من الاعطال ولهذا تمت إضافة محرك جديد للإزيرا بجيلها الجديد عام 2012 وهو محرك 30 أو 33 والإثنين حقن مباشر gdi ولكن عيب محركات gdi غلاء سعرها بسبب فرق العزم بينها وبين المحركات الاخرى ولهذا توقفت هيونداي عن اطلاقه في الخليج من سنه 2017 أي من بداية هذا الجيل واطلقت محرك 3.5 بنظام حقن متعدد mpi لرخص ثمنه مقارنه بالحقن المباشر وهو المستخدم في جميع سيارات أزيرا الى وقتنا الحالي في الخليج فقط لكن باقي دول العالم تاتي بمحرك الحقن المباشر بالنسبة لجنسس كانت تأتي بمرك 3.8\ 8 سلندر \ 375 حصان حقن مباشر إلى أن تم ايقاف استعماله واستبداله بمحرك 6 سلندر 3.5 gdi للفئات القياسيه ومحرك 3.3 gdi تيربو 6 سلندر 415 حصان تقريبا للفئات العليا. وطبعاً تم إضافة المحرك هذه السنه اتمنا ان اكون قد افدتك

[@qjjl.]

@@عمرقمرة كانت عندنا ازيرا 2008 فاكينها على ايدنا وكاله محرك 3.3 اذكر الوكاله يقولون فيه محرك اكبر هو محرك الجينسيس 3.8 شنو مسمياته ما اعرف بصراحه محرك 3.3 كان ناجح بجميع المقاييس وعزمه جداً ممتاز والصرفيه ممتازه في الخطوط فقط جربت مع مكسيما وتاهو وباترول وبي ام الفئة الخامسة 4 سلندر طفتهم جميعهم ماشاءالله

[@hmoood9218]

انا أمتلكت الموتر ذا وراح تالف الله يعوضني المميزات اتفق معه فيها وازيد عليها الابواب حقت السياره ثقيله ماشاءالله تحس الموتر مليان لما تقفل وتفتح عكس الافالون مثلا او المكسيما تقل كرتون الميزه الثانيه ان الانوار الاماميه متكيفه في النزول والطلوع والميزه الثالثه تصميم الموتر من الداخل جدا جميل واخر شيء اعتمادية السياره جدًا رائعه ماشاءالله السلبيات فرامل السياره يقول انها ممتازة انا معه لما تضغط لاخر شيء لكن لما في الاستعمال العادي مااشوفها متجاوبه وتغثك لازم تضغط بقوه الامر الثاني راحة السياره انا ماناسبتني وليست اريح المنافسين سواء نظام تعليق او مراتب والامر الاخير العزل خاصه الارضي اعطيه جيد إذا مره على فئة السياره غيره الموتر بطل بمعنى الكلمة وموتر يستاهل والله

[@عبدالرحمن-خ8ط9خ]

الازيرا مو مريحة؟

[@hmoood9218]

@@عبدالرحمن-خ8ط9خ ممكن كثير يستغرب ولكن تختلف من شخص لآخر وحسب وزنه وطوله انا مااشوفها الاريح بالنسبه لي

[@fahad0978]

@@hmoood9218 كم طولك؟

[@drrb4ever]

@@hmoood9218 مسكتبها خط من الحساء لجده ١٢ ساعه روحه ورجعه اكثر من مره وحرام عليك والله يمكن بعد ٩ ساعات يبدا عصعصي يوجعني😂😂 وطريق الشيخ خليفه على فصلتها وما شاء الله ثابته ولا غلطه

[@absyyf9976]

على حسب مقاس الجنط ودعسة الكفر الجنط ال17 تراه مريح ودعسة الكفر لينه وناعمه واذا جات بدون بنوراما تراه ممتازه جدا من ناحية العزل والراحه وعلى فكره قزازها مدبل

[@msa6711]

معي ازيرا الفل كامل موديل 2019 مقاس الجنط 19 إيش أفضل كفرات من حيث العزل والراحة بارك الله فيكم ؟

[@االجهني]

ميشلان

[@mohaamd-ksa]

السلام عليكم اخوي كيف الموتر معاك ودي اخذ لي وحده 19 بس متخوف ومحتار بينها وبين الكامري

[@msa6711]

@@mohaamd-ksa خذها ولاتشاور خذ نظيف الازيرا افخم بمراحل

[@thelord3193]

هانكوك كويس ومو غالي

[@msa6711]

@@thelord3193 كفرات الوكالة هانكوك سعر الكفر الواحد هانكوك ٧٠٠ ريال غالي صراحة

[@ie5551]

ودي ننشر ثقافة فك التجاليد ، انا كنت ما افك التجاليد لين اقتنعت انها تخرب الشكل ولا استمتع بكل تفاصيل السيارة ،

[@hiow7]

كل واحد وكيفه انت ماعجبك براحتك فيه غيرك عاجبته ننشر ثقافه ومدري وش تراك مكبرها اغلب الناس تطقطق فيها وبعدين يفكها او تطيح من نفسها روق قال لك ثقافه 😂

[@MOOSA7704]

@@hiow7 اخوي مع الاسف الشديد ان قراطيس الوكالة مع الوقت وبالحر والشمس تخرب بويه السيارة وتصير صعب ازالتها وخاصة مع الصيف الموجود عندنا واحب اذكرك ان الافضل انك تشيلها حتى ما تخرب عليك بويه سيارة

[@hiow7]

@@MOOSA7704 شوف استمتع بشكل السياره الجديده وبعدين فكها هاذا الافضل+ فيه بعض السيارات كملت عليها سنتين وماطبعت ولا اي شي نهائيا سياره الوالد كذا ممكن لانها كانت واقفه بمكان مغلق مايجيه شمس ولا حراره بس عموما هم حاطينه عشان مع الشحن والباخرات والميناء ما تتضرر السياره مب عشان تخليه كل العمر

[@Confused.-]

ياليت تجيبون GS موديلات ٢٠١٤ - ٢٠١٥ سته سلندر ودي اعرف قطعها تكلف وصيانتها غاليه ولالا وكيف عزلها

[@lorance7114]

عزلها وسط وقطعها ماهي غالية وتلقاها بتشاليح كثير لاكن صرفيتها عالية

[@sl6andx795]

يليت تحطون بالمقاطع فقرة تسارع السيارة وتجربة فرامل السيارة

[@V9-itti]

اخر المقطع التسارع

[@muntderadel2258]

وش تريد منها 4 سنوات السيارة يوميا بالشمس شي اكيد يفك الديكور

[@ALISOLID]

فيه ملاحظة مكينتي 3.5 نص فل المواصفات وذكر انه يعبي 150 ريال الى 160 ريال بنزين 95 وانا كل حياتي أعبي 95 والتانكي ما يبقى فيه الى 50 كيلو مسافه ويكلفني البنزين 130 ريال الى الفل فحبيت أستفسر كيف صار يعبي بالمبلغ ذا ؟

[@salmutairi6233]

تانكي الازيرا ٧٠ لتر واللتر هنا سعره ٢.٣٣ اضربهم وشف كم يطلع ودامك تقول انه باقي ٥٠ كيلو احتمال انه بالتانكي عندك فيه ١٠ لتر . ف اتوقع انه يخليها لين تفضى ثم يعبيها 😅.

[@metaXspark]

@@salmutairi6233 ما ادري عن الكوري بس في الياباني تقدر تعبي بنزين زياده عن الفل ٧ او ١٠ لتر زياده المصنعين يسوون هالحركه متعمدين ما ادري وش الهدف منها بصراحه

[@عبداللهفيصل-م8ع]

بغيت اسألك كم يمشيك التانكي انت؟؟

[@Alhassan93]

دخلت اشوف وين حاط قاعدة الجوال لاني ابتلشت فيها في الازيرا

[@عَقد-ج2ق]

ههههههههههههههههههههههههههههههههههههههههههههه طيب شوضع صرفيتها بالله؟ انا بشتري ازيرا وانا اكد فيها اوبر وبولت ممتازة او تصرف؟

[@-99K]

السلام عليكم يالربع انا محتار في شيفروليه امبالا 2014 و لكزس Ls 450 2008 ، ايهم فيهم الأفضل للراحه والعزل والرساوه والقليل خرابات .

[@زيادالشمرااني]

الكزسسسس

[@thegrave4063]

الامبالا كويسه واعتماديه وقوية ومريحه وراسيه وفيها وسع وخراباتها قليله جدًا لكن تحتاج تصينها اول باول واللكزس بالذات الموديل هذا فيه مشاكل كثير وقطعها نار واكثر شي يخرب فيها الabs وسعره غالي جدًا حدود ال ٣٠٠٠ ريال لكن بالنهاية موتر خرافي واطلق موتر ممكن تسوقه مافيه زيه لكن تحتاج ترخي الريال

[@-99K]

@@thegrave4063 الله يجزاك الجنه ، بس ماهي مشاكل الكثيره ؟ في Ls 460 وهل 2007 نفسه أيضا بالاعطال وهل abs مهم ولا لا لأن انا واحد عمري ٢٢ وراح يكون أول سياره لي بإذن الله وابي موتر لي وايضا عشان الاهل ينفع عائلي ومايتعبني لين الله يرزقني بالوظيفة الزينه وللامانه وخايف من الأعطال والمبالا سمعت انها المقاعد غير مريحة وضيقه من داخل وانا محتار واعذرني على الاطاله .♡

[@thegrave4063]

@@-99K اذا ناوي على اللكزس لاتاخذ الا شي كرت عشان مايتعبك وبالنسبة للABS هذا حساس الفرامل وكل الثنتين والله مواتر كفو ولا عليها كلام والامبالا واسعه مافيها ضيق وعزمها جبار لكن الامبالا دفع امامي واللكزس خلفي ومافيه مقارنه بينها الثنتين ومن رايي انا افضل اللكزس طبعًا لكن خذ شي نظييييف وابعد عن المغشوش وباذن الله ماعليك خلاف

[@bepolite7635]

نصيحه ٢٠٠٨ قديمه عمرها الافتراضي على وشك الانتهاء وفعلا الموديل هذا بذات فيه مشكله بعد ماتعدي السياره ١٠ سنوات تقريبا او ٣٠٠ الف حساس مانع الانزلاق وغالي تكلفته شفلك سياره يابانية ولا كورية حاول تكون من ٢٠١٣ وطالع علشان تخدم معك

[@sitbook898]

ماشاالله افضل شكل 🤞وافضل موديل✔✋

[@samialmashaik7370]

ياليت لو تفيدوني عن صرفية بنزينها لاني ناوي اشتري ازيرا

[@mohaamd-ksa]

وانا بعد ودي ب 19 بس متخوف

[@badrm709]

داخل المدينه صرفيتها سيئة لكن في الخط صرفيتها ممتازة

[@alix10x90]

بعيدا عن الموضوع..افضل زيت للكامري يا اخوان وشو؟!

[@ramehane7451]

تيتان / شل هيليكس /بروفي كار

[@faresaboargob8830]

يا اخي ماتعرف تروح طريق تانيه ؟؟

[@ot-mv]

سلام عليكم با اسالكم اسم البخاخ حق تنظيف المكينة فلاش يعني اروس لا ساكو اقول ابي فلاش وهل ينفع عل سوناتا ٢٠٢٠

[@Frhan_758]

تحصله بكل مكان محلات الزيوت اسمه ليكوي مولي للمكينه وللبخاخات وللشكمانات ولتانكي وقود فإذا مااستخدمته من بدري ماانصح به يمكن يطلع عندك اصوات او شي خلك ع وضعك

[@RPD91]

اسمه Engine Flush من Liquy moly تحصله في ساكو وماهو بخاخ سائل شفاف تضيفه مكان الزيت وتشغل السيارة عند البنشري ١٠ دقائق الى ربع ساعة ثم تطفي ويفرغ الزيت.

[@fahdomer-ys3ob]

جزاكم الله خير حبيت الازيرا من كلامك

[@abduljabbaralshaer2401]

قناة خطيرة ومميزة وفكر جديد...

[@اححمدا]

ماشاءالله تبارك الرحمن الله يعطيك خيره ويكفيك شرها يارب العالمين

[@alghamdi6415]

تبي تغطية عن الكامري v6لاهنت❤️

[@RPD91]

أي سؤال عنها حاضر طال عمرك

[@Saudiwarrior911]

خلوه ينزل السبحه وجع كل م قرب السبحه من الكام اغمض عيوني مدري ليه

[@user-mu3is1zi5i]

كم سعرها الي مثلها اصفار او قد مشت

[@ibrahimshrahily2317]

اصفار بس فل كامل يعني انت اول واحد يسوقها ب132الف اما مستعملة بس يجيك نظيفة نص فل تحصله ب 60الف ريال

[@mohamedsoliman-q8y]

عربية جميلة ربنا يباركلك فيها بس مؤسر الهاند بريك قايد فى الطابلوه

[@كوكبالسيارات-ر8ث]

ماشاء الله تبارك الله مواصفات الموتر الي في المقطع الي يجي بعد الاستاندر مباشره وبعدها تجي ٣فئات

[@Moodeシ]

اي صح لان هو يقول نص فل والنص فل خابرها يجي فيها تبريد وتسخين مقاعد ونقط عمياء لكن الفئة الي معه شكلها تحت النص علطوول

[@كوكبالسيارات-ر8ث]

@@Moodeシ صحيح كلامك الازيرا ٥فئات ١-الاستاندر تجي محرك 3.0 ٦سرعات ٢-محرك ٣.٥ ٨سرعات مع تشغيل بصمه وفتح باب بصمه ونور امامية ledمع الإشارات هذي المواصفات نفس السيارة الي فالمقطع ٣-اضافة تسخين وتبريد ونقط عمياء و١٢سماعة إنفنيتي وجنط مقاس ١٩والبريك إلكتروني وليس ارضي مثل الفئات السابقة ٤-جلد نابا وسقف شامواه وستارة خلفيه والمقعد حق السائق فيه وضعيات اكثر ٥-رادار وتنبيه الخروج عن المسار والتخشيب حق ٤أبواب يختلف يختلف وكاميرا ٣٦٠درجة و٤حساسات أماميه

[@Vlrl]

على حسب الدفعة فيه دفعات تجي مواصفات الدنيا وفيه دفعات مشلحه

[@سبحاناللهالحمدلله-ش5ك]

اللهم صل وسلم على نبينا محمد

[@tiu.6]

م شاءالله الازيرا ذي الشكل ابدااعع فعلاً

[@kaakaa0444]

متحيز لموتره العزل الارضيء فيها سيّء سيّء ازعاج التكيف تعبان جوده الديكورات ضعيفه جدا خاصه الطبلون صوت السمعات سيّء

[@رحابًالشهراني-ق7ج]

باقي فيه منها وكم سعرها حاليا 😥

[@Plakjs-829]

من 69 الى 79 إذا نظيفه

[@oqhr]

الفلاش حق المكينة لا انصح باستخدامه وذلك بعد تجربتي الشخصية اللي يبغا مكينته نظيفية زي الوردة يغير لها زيت تخليقي بالكامل من شركة معروفة ويغيره على ٧ او ٨ آلاف. وبتلقا المكينة من داخل كأنها جديدة حتى بعد ٣٠٠ الف

[@Bassam7b]

ياشباب تنصحوني بسياره لأنها براسي والله ولاكن خوفي من قطع غيارها هل هو غالي او مقدور عليه

[@Moodeシ]

بالعكس كويسه والله صح ماملكها والله يرزقني ويززقك ولكن قطع غيارها من النوع الي مقدور عليها .

[@i_ryyan2301]

معي 2022 موتر ماشاء الله يستاهل قطع الغيار ممتاز سعرها الا قطع البدي غاليه شوي , و موتر ماشاء الله اعتمادي و يشهد لكلامي الاجيال السابقه , و عزل و رساوه جدا ممتاز خصوصا الشكل الجديد

[@RE-ul1eo]

شوف حبيبي القطع الاستهلاكيه مثل بواجي و فحمات سعرها حلو و معقول اما القطع الخارجيه غاليه لكن بتحصل بالتشاليح قطع وكاله رخييص

[@RE-ul1eo]

+ انصحك انك تاخذها رهيببه بس الله يعينك ع البانزين 💔

[@Bassam7b]

@@RE-ul1eo تمام الله يعطيك العافيه وان شاء الله تتيسر

[@BruceWynne]

يخوان المكينه الصغيره حقتها زينه 2.4 ؟

[@NA9R77]

انحش

[@ابوأمير-ي3ط2خ]

السلام عليكم ليش ماتجيبون هوندا اكورد

[@mazzzona1]

انا املك ولله الحمد أزيرا ٢٠١٨ وتعتبر ممتازة وعملية ولكن اعاني من ثقل بسيط في عجلة القيادة

[@sami_535]

اذا كانت على الضمان ارجع الوكالة يصلحونها لك على الضمان لانه خلل منتشر

[@sami_535]

اذا كانت على الضمان ارجع الوكالة يصلحونها لك على الضمان لانه خلل منتشر

[@mohaamd-ksa]

تنصحني هي ولا الكامري

[@osaamh8304]

كيف صيانتها تكلف وكم تقريبًا بالوكالة وبرا الوكالة

[@هركيالهركي-ش7ش]

​@@mohaamd-ksaاكيييد الازيرا افضل و افخم بدون مناقشه صح صرفيتها اكثر ولكن محرك اكبر و متعه اكثر انصحك ب الازيرا

[@evo.m]

بخصوص فك الشمعات من الشمس لو سيارة بمليون رح تخرب ويسطح

[@loco626]

ودي بالجديد لكن مسئلة القير يكون ازرار متخوف منه وثاني شي تبا للضريبه 😂

[@rayanabsolutely679]

جينسس ٢٠١٨ رويال تكفى

[@WKZ511]

نبي سوناتا ١٨

[@mohamedalobidi427]

السلام عليكم ايش معناه البوري ؟؟؟

[@ibrahimk4682]

بيب طاط هاذا هو البوري هرن. 😂😂😂😂😂😂😂😂😂

[@عليالبارقي-ظ4ح]

طيب انا معي ازيرا ١٨ و ماشيه ٢٠٠ الف و من طلعته وانا على زيت الوكاله و ابي اغير لزيت تيتان بس ياثر على المكينه ولا عادي ؟؟؟

[@عليعبدالوهاب-ذ9ر]

وش زيت الوكالة

[@user-ij3he1wr7y]

لا مايأثر تغيير انواع الزيوت من شركة لشركة الي ممكن يأثر تغيير اللزوجة فقط

[@ASIRI11]

مايأثر اهم شيء اللزوجة تكون نفسها اللي موجود في كتاب السيارة اصلا الوكالة زيوتهم ماهي بذاك الزود يتفقون مع شركة وتعطيهم بسعر رخيص مقابل انهم يغيرونها لسياراتهم

[@Lsvvi]

وش زيت الوكاله لاتقلب شل الاصفر ؟ هذا زيت تعبان ابو كلب ترا الوكاله حمير وربي ركب شل الفضي 5 دبيلو 30. تخليقي كامل يجي وينظف المكينة من نفسه لو شفته مسود لاتخاف بس لما تحول ل زيت تخليقي غيره اول مره بدري مثلا على الفين كيلو بعدين اكثر لان صحابي وضب مكينة سوناتا لما فكها المكينة تلمع من داخل والزيت كان شل الفضي خذه من الجملة يمكن 23 ريال اول اكثر شوية ومشية 6 الف 7 الف كويس لكن الاصفر قديم ومعدني وخفيف دامك حاطط خفيف حط نوع تخليقي قوي يتحمل كرف

[@i_ryyan2301]

غير عادي لكن نفس اللزوجه اهم شي يعني مثلا كنت تستخدم 5w30 خلاص استمر على اللزوجه هاذي و اذا غيرت الشركه استخدم نفس اللزوجه 5w30

[@imoha909]

13:22 صاحب التسلا نبي معه مقابله 😅

[@aboasa8218]

الفرون ما يتغير ابدا 16:00

[@عبداللهطوهري-ذ2ز]

هل مشكلة التي ذكرها راعي السيارة والتي تؤدي إلى احتراق السيارة موجودة في الأزيرا ٢٣ ولا تم تلافيها ؟ 😢

[@fahadalali7606]

لا توسوس انا معاي ٢٠٢٠ مافيها غير العافيه وهو قالها هالمشكلة حصلت مع سيارات تنعد عالاصابع

[@Salem..a]

اذا بتحافظ على داخلية الموتر شماسه ب 15 ريال بمحل الزينه عن تجربه يحفظ لك حتى عروق الجلد

[@f.13]

سلسلة ممتازة

[@fahadalali7606]

بخصوص فرامل الازيرا مااتفق معك معاي ٢٠٢٠ جنني الفرامل كل شوي رجه خرطت وغيرت الفحمات تضبط شوي وترجع عندي الرجة نصحوني بالفحمات السيراميك بس ماجربت

[@FADi57]

15:10 للتصحيح الموديل هذا جيل جديد وليس فيس لفت

[@Mohammad_Sultan]

نبي سوناتا 18

[@sultaneed7525]

انصحك البترول الذهبي معتمد أسعار أرخص

[@مشاريالحربي-ت9ف9ه]

المشكله اللي فالكتاف عيب مصنعي وتغير فالوكاله على طول

[@mr1wael]

انا طلعت لي بعد خلصت ٥ سنين 😂😂 وش السواة مالها الا غراء فراش او تنجيد جديد نفس اللون مااحس يحتاج الوكالة وحوسه

[@nml-7776]

الله يعطيك العافية بالله شف لنا كامريGLE2021وفوق

[@mdporan5063]

نبي سوناتا سمارت 2019🤚

[@عبداللهفيصل-م8ع]

شباب صدق انها تمشي بس ٤٠٠-٤٥٠؟؟؟ ولا تتوقعون عنده مشكلة؟؟

[@mr1wael]

والله عنده مشكلة برجله 😂 انا معي ٢٠١٨ لها ٥ سنين كنت اعبي اخضر اول سنتين وحولت احمر اعبي فل ١٤٠ ماقد وصلت ١٥٠ والا ١٦٠ زي مايقول وتوصلني داخل او خارج المدينة من ٦٥٠ -٧٥٠ كيلو تزيد وتنقص حسب الظروف اما ٤٥٠ او ٤٠٠ يسوقها لو عبيت ب ٨٠ ريال وصلتني ٤٥٠ كيلو كيف عاد لو فل

[@abdullahHu64]

صاحب القناة مداخلاته مع صاحب السيارة تسليكية تعزيزية ويحسسك انه فاهم وصايد الوضع

[@hiow7]

هو طول الله يجزاه خير صاحب السياره بس كلامه تحس كانك جالس ب استراحة شباب وعادي بدون رسميات ، اما صاحب القناه زي ماقلت ودك مايتداخل بتسليك عشان تستمتع اكثر 👍🏼

[@عبدالرحمن-خ8ط9خ]

@@hiow7 صاحب القناة لأبد يوضح ممكن يسترسل صاحب السيارة وما توصل المعلومة للمشاهد، لكن نعم نوعا ما فيه تدخل من صاحب القناة لكن من إحدى أسبابها اللي ذكرتها.

[@hiow7]

@@عبدالرحمن-خ8ط9خ صح بس يعني خل الي يتكلم يسولف براحته اذا عندك اشياء اضافيه حطها بالوصف واكتب بنهاية المقطع عشان الواحد يشوف الملاحظات او غيرها يعني النقاط الي ما ركز عليها ، عشان يكون المقطع نظيف بدون مداخلات

[@ايمنالراوي-ب9ش]

حلمي 😢

[@سعدون-ض5ذ]

ماشاءالله يالفزه نهاية المقطع

[@Aboali-nz1oo]

الاوله م قصور بك لكن تركب بسياره ماتعرف مواصفاتها ولا تعرف انواعها وبالهمسبحه خلها بجيبك الله يحفظك

[@alshammrii6576]

نبي النترا ٢٠٢١-٢٠٢٢

[@يزيد-ث7ل]

ماشاء الله👍

[@justq6532]

رايكم ب النترا فليت 2022

[@yasser-369]

ياخي ما شاء الله بس الله يحفظه كثير كلام حاول تختصر