هزاع المهلكي /جفن العين كلمات .ماجد منصور العتيبي

مالوم جفن العين لو حارب. النوم
والحزن ماخلاني الليل .انامه
مايهتني بالنوم من عنده. اهموم
وهمي مبنن. فالضماير خيامه
ياكسر ماجد كل ماجاء يبا ايقوم
فواجع. الدنيا تبيد عظامه
أبكي من الفرقى ولانيب مليوم
ومن لامني عساه. ماتم. عامه
راحو وخلوني وانا بصدري علوم
ياناس وين الضحك و الابتسامه
ودعتها توديع من. يدرج. الحوم
فكوا اسبوقه و. انطلق. للغمامه
خيم علي الحزن سواله ارسوم
في وسط وجهن بأن فيه انهزامه
ضاقت علي الارض ضلعان وحزوم
والقلب وسط الصدر تسمع حطامه
قلبي من الفرقى تفطر. ومثلوم
وش حيلت اللي زايدتن سقامه
هاذي سنه وشهور ضايق ومحروم
من بعد موت أبوي. وين. السلامه
واليوم فارع راح واغبني اليوم
والموت صوب اخوي أطلق.سهامه
مرحوم يافارع. ويابوي مرحوم
في جنه الفردوس. تهنا الاقامه
مع الرسول وصحبهم صفوه القوم
خيره عباد الله وايضاء. كرامه
صحيح ماقدر علي العبد مقسوم
هاذي ترى الدنيا و. هاذا نظامه
ماعاد فيني صبر يارب. وعزوم
عجل. لنا يارب يوم القيامه
ماجد منصور العتيبي