Рет қаралды 73,812
#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Një adoleshente është zhdukur prej 6 muajve në kryeqytet. Denoncimin e ka bërë nënë e saj me banim në Gjermani në programin investigativ ‘Pa Gjurmë’.
17-vjeçarja me emrin Veronika Qershori është larguar nga banesa që prej fillimit të muajit qershor dhe nuk dihet asgjë për fatin e saj.
Adoleshentja, pas divorcit të prindërve jetonte me të atin në Tiranë dhe mbante kontakte të rregullta me nënën Zhuljetën.
Sipas informacioneve paraprake, Veronika ditën që është larguar i ka marrë një shumë parash babait të saj dhe dyshohet se strehohet nga dy djem të rritur në zonën e Gjirit të Lalzit në Durres.
Dy personat që strehojnë 17-vjeçaren kanë kthyer paratë në familje disa ditë pas largimit të saj, por jo Veronikën.
E reja ka refuzuar të kthehet në familje, ndaj nëna e saj ka frikë se mos shfrytëzohet për qellim trafikimi brënda ose jashtë Shqiperisë.
Veronika Qershori në rrjete sociale publikon shpesh foto dhe video që tregohet qartë jeta e çrregullt që bën mes Tiranës dhe Durrësit, por edhe rreziku që mund t’i vijë për jetën kësaj vajze që ende s’ka mbushur të 18-tat.
Babai i saj, Adriatik Qershori nuk ka bërë ende një denoncim për humbjen e vajzës dhe e vetmja që e kërkon është nëna e saj. Për shkak të konflikteve, prindërit e vajzës nuk kanë komunikim me njëri-tjetrin dhe babai nuk i tregon asnjë detaj nënës së vajzës se si është larguar dhe se ku mund të ndodhet.