Ի՞նչ է կատարվում Ֆրանսիայում ընտրություններից հետո

Եթե բանակցությունների արդյունքում ֆրանսիացի խորհրդարանականներին չհաջողվի ձևավորել աշխատունակ կառավարություն, ապա մեկ տարի հետո կարող են տեղի ունենալ արտահերթ խորհրդարանական նոր ընտրություններ։
Հուլիսի 7-ին Ֆրանսիայում տեղի ունեցավ Ազգային ժողովի արտահերթ ընտրությունների երկրորդ փուլը։ Այն բանից հետո, երբ Եվրախորհրդարանի ընտրություններում երկրում ամենից շատ ձայն հավաքեց աջակողմյան «Ազգային հավաք» կուսակցությունը՝ ստանալով ձայների մոտ 32%-ը, իսկ նախագահ Էմանյուել Մակրոնի «Վերածնունդ» կուսակցությանը բաժին հասավ ընդամենը 14%-ը, Ֆրանսիայի նախագահը ցրեց երկրի ստորին պալատը՝ Ազգային ժողովը, և հայտարարեց արտահերթ ընտրությունների անցկացման մասին։
Հունիսի 30-ին կայացած առաջին փուլի արդյունքը հաստատեց Եվրախորհրդարանի ընտրությունների թվերը՝ «Ազգային հավաքը» առաջատար էր, ձախ դաշինքը երկրորդ տեղում էր, և երրորդում նախագահի կողմնակիցներն էին։
Սակայն երկրորդ փուլի քվեարկությունն արմատապես փոխեց իրավիճակը։ Արդյունքում՝ ձախ կուսակցությունների «Նոր ժողովրդական ճակատ» կոալիցիան ստացավ 182 մանդատ, կենտրոնամետ «Միասին» կոալիցիան, որը պաշտպանում է Մակրոնին, 168 մանդատ, իսկ Մարին Լը Պենի ու Ժորդան Բարդալայի գլխավորած «Ազգային հավաքը»՝ 143 մանդատ։
Երեք քաղաքական ուժերից ոչ մեկը մեծամասնություն չունի 577 անդամ ունեցող Ազգային ժողովում, որի համար անհրաժեշտ է առնվազն 289 աթոռ։
«Ամերիկայի ձայնը» դիմել է ֆրանսիացի փորձագետներին՝ գնահատելու երկրում ստեղծված քաղաքական իրավիճակը։
«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

«Ամերիկայի Ձայն»-ի Հայկական ծառայությունը Վաշինգտոնից եթերում է ավելի քան 70 տարի` տասնամյակներ շարունակ ծառայելով որպես լրատվության հուսալի և անկողմնակալ աղբյուր: Այն այսօր էլ շարունակում է լինել տեղեկատվության վստահելի աղբյուր` ներկայացնելով միջազգային լուրերի, Հայաստանի և տարածաշրջանի վրա ԱՄՆ-ի քաղաքականության ուղղակի ազդեցության, ամերիկահայերի, ամերիկյան մշակույթի, գիտական նորությունների և շատ այլ թեմաների շուրջ համապարփակ տեղեկատվություն:
www.amerikayidzayn.com/
/ amerikayidzayn
/ amerikayidzayn
t.me/Amerikayidzayn