Рет қаралды 8,645
#再見寧靜海 #ian #陳卓賢
陳卓賢@MIRROR(Ian)2023年首支派台作品〈再見寧靜海〉,找來黃偉文(Wyman)首度合作,為樂迷送上一個有關月球的故事,讓大家學懂珍惜,不要帶著思念與遺憾終老,而MV則有顏卓靈(Cherry)參與演出,與Ian齊齊合演一個虐心愛情故事。
這次是Ian與Wyman首度合作, Ian說:「有幸邀請到Wyman寫詞,佢嘅故事、歌詞,喺我第一日收到嘅時候一路聽住自己嘅Demo,再反覆睇咗幾次歌詞已經即刻鼻酸酸。」那麼,這是一個怎樣的故事呢?且聽Ian娓娓道來:「當初同Wyman講過想係1969年岩士唐登陸月球嘅故事。喺登陸月球返回地球後,岩士唐有可能想再上去,但就好似世事,有陣時你想做到,你理想係咁,但你未必做到。岩士唐之後都未必可以上得返月球,會有好多遺憾。」在〈再見寧靜海〉頭兩句的歌詞其實已道出了Ian想帶出的這份遺憾:「最快樂時候未知最快樂 / 到跌落凡塵就知再沒有」Ian對這兩句感受很深,他說:「大家好幸福時唔意識自己好幸福,所有嘢都係喺失去咗之後,帶住呢個遺憾終老。」
為配合歌詞,導演特別將五月天與陳綺貞合唱的〈私奔到月球〉作為MV男女主角的定情之作,畫面上亦有很多與月球有關的情節,把故事串連起來。Ian解說:「〈私奔到月球〉係我向女朋友表白嘅一首歌,同〈再見寧靜海〉之間嘅聯繫係好有關係,另外音樂盒都係關於月球。去到MV最後好虐心一幕,女主角留低俾我嘅筆記,裡面都有好多提到月球嘅嘢,詳情記住睇MV。」
講明虐心,在今次〈再見寧靜海〉MV中,Ian與Cherry輪流爆喊,其中Ian更是罕有地變成喊包,他坦言這次可是真情流露,他說:「由細到大都甚少喊。細個我好硬頸、好曳,屬ADHD(注意力不足過動症),但以前屋企人冇正視呢樣嘢,只覺得小朋友曳,就要打,但我被打時依舊好硬頸,喊都唔喊,郁都唔郁;一句話都唔講,由佢哋繼續打,打到佢哋攰為止都唔會道歉。大個咗之後都唔會俾自己情緒外露,情緒一湧上嚟就會自然㩒返落去,有陣時演戲都會遇到呢樣嘢,Feel到好感觸,有情緒想要發出嚟,我冇刻意控制但身體都會自然㩒低佢。今個MV第一日拍攝嘅時候同Cherry第一幕戲已經好有感覺,好多謝佢演繹得好好,望住佢雙眼,感受件事嘅時候,大家已經進入咗個世界,所有情緒、感情演繹嘅部份,係完全投入咗,傷痛爆喊嘅情緒亦自然流露。」
雖然〈再見寧靜海〉是一個虐心的MV,但大家仍可以見到Ian開懷的一面,穿上中學校服的他,會拿起結他在禮堂夾Band。Ian表示,他很愛夾Band,他說:「大學學音樂後有夾過Band,係一個幾好嘅歲月,大家純粹只為好玩,幾Enjoy件事,所以幾懷念嗰種感覺。」
時而大喊,時而大笑,既考演技,也考Ian的體力,這次拍攝〈再見寧靜海〉MV碰上拍劇的日子,結果Ian要連踩40小時,通宵拍劇後迅即趕到MV現場開工,攰得轉Location時也不自禁在車上睡著,落車時人未醒有點企不穩更差點跌低,Ian回想道:「好彩隔離有人挨落去,如果唔係就跌落地。係有幾個Moment會不自控想休息,但過程中唔覺得好攰,好投入、享受件事就冇咗嗰種攰嘅感覺。導演知道我開完大通宵後仲要過嚟拍MV有啲擔心,因為今次演繹上嘅考驗比較高,會擔心唔夠休息得唔得㗎? 但最後都好順利,全部都係一Take就完成導演要求,所以好開心好好玩。」
新年將到,Ian將要在工作中度過,他透露:「都冇得Plan有乜嘢活動,因為每日都拍劇,之前平安夜、聖誕節、除夕,全部都係拍劇,喺劇組中度過。」雖然要工作,但Ian都預先跟大家拜個早年,道:「祝大家新年快樂,身心健康,事事順景,希望大家會鍾意〈再見寧靜海〉呢首歌。」
►訂閱我們: bit.ly/2qoVYEN
►Website : www.am730.com.hk/
►FB: / am730hk
►IG: / am730hk
►這部影片中的音樂
bmgproductionmusic