Ибрагим Цаллагов провел мастер-класс в Аланской Гимназии

15-æм майы нæ республикæйы бæрæг кæнынц Ирон æвзаг æмæ литературæйы бон.
Кадджынæй йыл сæмбæлдысты, нæ командæйы уæнг Цæллагты Ибрагим сæ уазæг кæмæн уыд, уыцы Алайнаг гимназы дæр. Футболон командæ «Алани»-йы æрдæгхъахъхъæнæг æвзонг ахуырдзаутæн саккаг кодта зæрдылдарæн лæвæрттæ, сарæзта сын тернировкæ, семæ иронау дзургæйæ. Фембæлды кæронбæттæны та сын байуæрста автографтæ æмæ сывæллæттимæ систа йæ къам.
Ирон æвзаг Ирыстоны зæрдæ у. Æрвылбон ыл сæрыстырæй дзырдтой нæ рагфыдæлтæ. Адæмыхаттæн фидæн вæййы уæд, æмæ сæ мадæлон æвзаг куы фæзонынц. Уымæн æмæ мадæлон æвзаджы ис адæмы уд, æвдисы сын сæ истори, се `гъдæуттæ æмæ сæ культурæ. Уадз, ирон æвзаг цæра, рæза æмæ цæуа фæлтæрæй-фæлтæрмæ.