Ифтитохи бинои нави маъмурӣ ва таълимии ДДЗТ

Иншооти нави маъмурӣ ва таълимии Донишкада аз 3 бинои 5-ошёна ва таҳхона иборат мебошад.
Иншооти таълимӣ барои 1500 нафар донишҷӯй дар як баст лоиҳабандӣ шудааст. Бинои мазкур дорои 41 синфхона, 4 толори машғулияти назариявӣ барои 140 нафар, маҷлисгоҳ бо 120 ҷойи нишаст, китобхонаи электронӣ, китобхона бо адабиёти таълимӣ ва забономӯзӣ, 47 ҳуҷраи кории устодон ва таҳхона барои бойгонӣ мебошад. Толори варзишии Донишкада пурра аз таъмири асосӣ бароварда шудааст.
Дар Донишкада 2 синфхонаи лингофонӣ, 9 синфхонаи компютерӣ муҷаҳҳаз бо технологияи муосир, китобхонаи электронӣ бо 50 ҷойи нишаст, толори фарҳангӣ бо 235 ҷой мавҷуд буда, раванди таълим пурра бо истифода аз тахтаҳои электронӣ ва проекторҳо сурат мегирад. Ҳоло дар Донишкада 404 компютер ба шабакаи ҷаҳонии интернет пайваст буда, барои истифодаи ҳайати профессорону омӯзгорон ва донишҷӯён дастрас мебошад.
Бо мақсади татбиқи ҳадафҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, солҳои 2020-2040 дар Донишкада имконоти фарох муҳайё мебошанд.
Бинои нав бо тарҳи зебову замонавӣ ва мувофиқ ба стандарти байналмилалии таълим бунёд шуда, бо тамоми ашёи зарурии илмомӯзӣ муҷаҳҳаз аст.

[@user-vz5xi5tb9i]

Зинда боши чаноби Оли. Точикистони Азиз ба пеш!!!

[@Rais-to5mo]

Ассалом ман дар шахри панжакент зиндагй мекунам ман дар синфи 10 мехохам бохамин донишкада мехохам тахсил намоям аз руйи имтихон кабул мекунандми ман забони англисиро омухта дар оянда таржумон бошам шартномавй чанд сомон аст