Игілік Омаров. Арқа әнінің бәйтерегіне 90 жыл.

Есімі өміршең тума таланттың туғанына, міне, биыл 90 жыл толып отыр. «Ақерке», «Тау ішінде», «Сен сұлу», «Әлі есімде», «Қанатталды», «Жамбас сипар», «Адасқақ», «Жайлаукөл кештері», «Арқа аруы», « Ауылым» сынды әндерімен тыңдарман жүрегін жаулаған талант иесінің есімі ел есінен бір сәтке шыққан емес.
«Жақсының аты өлмейді» демекші, өнегелі өмірін еліне арнап, халқына адал перзент бола білген И.Омаровтың есімі ел есінен өшпек емес. Көзі тірісінде шәкірттеріне үйреткен Ақан сері, Үкілі Ыбырай, Біржан сал сынды халық сазгерлерінің тамаша туындылары мен небір әсем әндер халық жадында жаңғырып, жалғасын табуда. Осы тұрғыда атамның музыкалық мұрасын күллі қазақ еліне кеңінен насихаттап, оның ізінен ерген талантты шәкірттеріне, барша дәстүрлі ән мектебі өкілдеріне айрықша алғыс айтқым келеді.
Әсем әуезді әншінің қаншама жүректерді тебірентіп, талайлардың таңдайын қақтырған қоңыр дауысы қазақтың кең даласын әлі де әлдилеп тұрғандай…

[@user-jj6zy8lx8b]

Тәрбиелі, мәдениетті, білімді адам - ол өзінің ана тілінде дұрыс сөйлеп, дұрыс жазатын адам! М.Әуез.

[@user-xs9iw6fn1q]

Жаныңыз жәннаттың төрінде болсын

[@user-jj6zy8lx8b]

Сөзді(пікірді) жазғанда қатесіз, әрі тыныс белгілерін орындарына дұрыс қоя отырып жазу керек.Сол сияқты жалғауларынан айырылып,шолақтанып қалған сөздерді де,қолдануға болмайды. Қазақтың ең бірінші байлығы - тілі. Тілі жойылса, қазақ деген ұлт та жойылады. Ұлт деп, өзінің ұлттық тілі бар халықтарды ғана айтады. Сондықтан тілдік сөздерді бұзып жазғанды тоқтату керек. Ұлттың жойылуы, Тілінің жойылуынан болады. Тілдің жойылуы, Оның бұзылуынан бастау алады. Тілдің бұзылуы, Халықтың адасуынан болады. Халықтың адасуы, (Тілін таптауы) Тәртібі жоқ елде болады.

[@user-vq8tv3st2f]

Әкетайым? жатқан жерің жайлы болсын.