III Respublika Sardorlar forumi | Bo'stonliq-2023

Bolalarni milliy g‘oya asosida Vatanning sodiq farzandlari etib tarbiyalash, ularning huquq-manfaatlarini himoya qilish, iste’dod va qobiliyatlarini namoyon qilishlari hamda rivojlantirishlarini maqsad qilgan Respublika “Kamalak” bolalar tashkiloti bugungi kunda o‘z atrofiga 332 697 nafar sardorlarni ya’ni bolalarni birlashtiradi. Ulardan, 14 nafari Respublika sardorlari, 196 nafari hududiy sardorlar, 2 912 nafari mahalliy sardorlar, 141 834 nafari maktab sardorlari hamda 187 741 nafari sinf sardorlaridir.
Respublikamiz bo‘ylab 2023-2024-o‘quv yili uchun saylangan sardorlar faoliyat samaradorligini kengaytirish va sardorlarning media savodxonligini oshirish maqsadida O‘zbekiston yoshlar ittifoqi tashabbusi bilan Toshkent viloyatining Bo‘stonliq tumanida joylashgan “Yoshlar” oromgohiga 200 dan ortiq hududiy hamda mahalliy sardorlar ishtirokida Matbuot va media yo‘nalishiga bag‘ishlangan III Respublika Sardorlar forumi tashkil etildi.
Forumning birinchi kuni ya’ni ishtirokchilarini kutib olinishi har galgidan o‘zgacha bo‘ldi. Jumladan, kunining birinchi qismida III Respublika Sardorlar Forumi ishtirokchilari Yoshlar ijod saroyida kutib olindi va “Yoshlar” oromgohiga kuzatildi. Kunning ikkinchi qismida ishtirokchilar oromgohga harbiy orkestr sadolari ostida tantanali qarshi olindi, shu bilan birgalikda tashkiliy qo‘mita a’zolari tomonidan tayyorlangan ajoyib chiqishlar sardorlarning yanada kayfiyati ko‘tarishlariga sabab bo‘ldi. Kunning uchinchi qismida “Biz keldik” madaniy tanishuv tadbiri o‘tkazildi. Tadbir davomida hududlardan tashrif buyurgan forum ishtirokchilari o‘z hududlarining milliy va an’anaviy qadriyatlarini hamda asrlar davomida sayqallanib kelayotgan kuy-qo‘shiqlarini aks ettiruvchi chiqishlarni namoyish etildi.
Shundan so‘ng to‘rtinchi qism ya’ni O‘zbekiston yoshlar ittifoqi III Respublika Sardorlar Forumining tantanali ochilish marosimi amalga oshirildi. Ochilish marosimida O‘zbekiston yoshlar ittifoqi Markaziy Kengashi raisi Poyonov Temur Olimovich, Respublika “Kamalak” bolalar tashkiloti raisi Baratova Madina Xasanovna va bir qator mehmonlar ishtirok etib, sardorlarga o‘zlarining samimiy tilaklarini bildirishdi hamda forum ochiq deb e’lon qilindi.
Forum davomida Respublika “Kamalak” bolalar tashkilotining IX Rayosat yig‘ilishi, Respublika Sardorlar saylovi, media sohasining tajribali vakillari bilan uchrashuvlar va mahorat darslari, “Respublika Sardorlar saylovi”, “Kamalakda mehmonda”,“Quvnoqlar va zukkolar”, sport musobaqalari, “Munozara” va “Zakovat” intellektual o‘yinlar shu qatorda Mobilografiya, video montaj hamda ijtimoiy tarmoqlarni yuritish tartibi bo‘yicha seminar treninglar sardorlar uchun maxsus tashkillashtirildi.
Forumning so‘ngi kunida Tantanali yopilish marosimida faol ishtirok etgan hamda loyihalarda g‘oliblikni qo‘lga kiritgan ishtirokchilar maxsus esdalik sovg‘alar va sertifikatlar shu bilan birgalikda 2023-2024-o‘quv yilida faoliyat olib boradigan 14 nafar Respublika Sardorlar Kengashi a’zolariga zamonaviy planshetlar hamda sardorlar kengashi faoliyatini yanada rivojlantirish maqsadida Qoraqolpog‘iston Respublikasiga 100 mln so‘m, Surxondaryo viloyatiga 80 mln. So‘m, Toshkent viloyatiga 50 mln so‘m ajraildi va shu joyning o’zida sardorlarga vaucherlar topshirildi. Shundan so‘ng tantanali yopilish marosimi do‘stlik bog‘ichlarini bog‘lash marosimiga ulanib ketdi. Hududlardan tashrif buyurgan 200 dan ortiq sardorlar do‘stlik aylanasini hosil qilishdi. Tadbir yakunida Yoshlar oromgoi osmoni uzra mushakbozlik tashkil etilib, shuning bilan unutilmas xotiralarga boy bo‘lgan III Respublika sardorlar forumi yakunlandi.

[@ShavkatRuziyev-s3u]

Juda zur bugandi bunaqa forumlar kup bulsa biz yoshlarni ijodkorlikka ishtiyoqimiz yanada oshadi man ham qatnashganmn navoiy viloyati media sardori bulib ☺

[@FarruxSharopov-pb4eh]

Gap yoʻq zoʻr👍👍👍👍👍

[@Весна-у2и]

Мен хам Бухородан боргандим зур утганганди 🎉