Рет қаралды 12,635
Եկեղեցում ձեր հագուստն ու տեսքը պիտի լինի այնպիսին, որ չգրավի ոչ մի մարդու ուշադրությունը: Եկեղեցում Քրիստոսն է մեր ուշադրության միակ կենտրոնը: Եթե դուք ուզում էք այնտեղ երևալ, տեսնվել կամ ձեր հագ ու կապով գրավել մարդկանց ուշադրությունը, ուրեմն դուք ուզում էք գրավել Քրիստոսի տեղը: Ինքներդ մտածեք, այդպիսի հանդգնությունն ինպիսի հետևանքներ կունենա:
Ողջույն սիրելի բարեկամներ: Օրերը սկսում են տաքանալ ու մարդիկ սկսում են ավելի թեթև հագնվել՝ ավելի կարճ ու ավելի բաց: Ինչպես որ մենք հատուկ առիթների համար հագնվում ենք հատուկ հոգատարությամբ նույնպես էլ մենք պետք է հատուկ հոգատարություն ցուցաբերենք երբ հագնվում ենք եկեղեցի գնալիս:
Եկեղեցու համար հագնելիս պետք է հիշել 2 շատ կարևոր բաներ: Առաջինն այն է, որ եկեղեցում բոլորի ուշադրության միակ կենտրոնը Քրիստոսն է: Երկրորդ, դու պիտի չանես մի բան, որ մարդկանց ուշադրությունը շեղես քո վրա: Դա մեղք է, որովհետև գայթակղեցնում է մարդուն ու չի թողնում որ նա աղոթքի:
Եկեղեցում չի կարելի կարճ հանգնել: Եկեղեցում չի կարելի դոշերը բաց մտնել: Սա շատ է պատահում, հատկապես ամառվա օրերին: Մարմնի մերկությունը պետք է ծածկել, որպեսզի ձեր տեսքը չգայթակղի եկեղեցում աղոթողներին: Սա վերաբերում է և կանանց և տղամարդկանց:
Եկեղեցի գնալիս պետք է հագնվել շատ համեստ: Ուշադրություն դարձրեք նաև ձեր քսվելուն և մազերին: Եթե դուք ուզում էք վուլգար տեսքով մտնեք եկեղեցի, ուրեմն դուք մարդկանցից տեսնվելու և ուշադրության համար էք գնում այնտեղ: Խոսքը կոկիկության ու հիգենայի մասին չէ, այլ համեստության: Համեստ հագնվածքը նույնպես կարող է լինել շատ կոկիկ ու խնամքով:
Եկեղեցում պատշաճ չէ հագնել ճղած ջինսեր կամ հագուստներ, որոնց վրա ինչ որ բաներ են գրված: Դա նույնպես շեղում է մարդկանց ուշադրությունը:
Եկեղեցին միայն աղոթքի տուն է ու աղոթքի ամենակարևոր պայմանը ուշադրությամբ աղոթելն է: Եկեղեցում պետք է կրել երկար հագուստներ և ունենալ համեստ տեսք:
Ինչպես տղամարդիկ եկեղեցի մտնելիս հանում են իրենց գլխարկները, այնպես էլ կանայք գլխաշորով ծածկում են իրենց գլուխը: Սա չպիտի նկատվի կանանց նկատմամբ վիրավորանք, այլ գովեստի արժանիք: Աստուծո Խոսքը կնոջ երկար մազերին վերաբերվում է, որպես փառք: Երբ կինը ծածկում է իր մազերը, դա խորհրդանշում է իր համեստությունն ու խոնարհությունը: Բացի սրանից, Պողոս Առաքյալը հատուկ պատվիրում է կանանց, որ եկեղեցում գլուխները ծածկեն:
Սիրելի բարեկամներ, եկեղեցին նորաձևություն ցույց տալու տեղ չի: Այնտեղ մտնում ենք միայն աղոթելու համար: Եթե դուք անեք մի բան, որ շեղի մարդկանց ուշադրությունը, ուրեմն դուք ուզում էք Քրիստոսի փոխարեն դառնալ նրանց ուշադրության կենտրոնը: Սա մեծ գայթակղություն է: Իսկ Քրիստոսն ասաց, որ ավելի լավ է մեկը մի ջաղացի քար կապի վզովն ու ծովը նետվի, քան որևէ մեկին գայթակղի: Սրանք շատ խիստ խոսքեր են: Դուք զգուշացեք: Կտկտան կոշիկներով, կարճ ու բաց հագած, վուլգար մազերով ու գույնզգույն հագուստով եկեղեցի մի մտեք: Այլ համեստ կոկիկ և ուշադրություն չգրավելով: Այն ժամանակ Աստված ձեզ կօրհնի ու ավելի կբարձրացնի:
(Բաժանորդագրվեք առաջիկա զրույցների համար: Եկեք միասին տարածենք Ավետարանը: Եթե ցանկանաք օգնել, կարող էք նվիրաբերել այստեղ www.tinyurl.com... որպեսզի Աստուծո Խոսքը կարողանանք ավելի շատ մարդկանց հասցնել):