Рет қаралды 5,339
БІЗДІҢ KZbin АРНАҒА ТІРКЕЛІҢІЗ: www.youtube.com/@informburo31...
---------------------------------------------
Байзақтағы жарылысқа кінәлі деп 9 жылға сотталған сарбаздардың жаза мерзімі тағы 4 жылға ұзарды. Бүгін Астана қаласында атышулы іске қатысты апелияциялық соттың шешімі шықты. Осылайша, қазан айында "Бөтеннің мүлкін қасақана жойды" деген айыппен кінәлі деп танылған Ерполат Тұранов пен Әсет Әшірбаевты абақтыда 13 жыл отыратын болды. Оған қоса, бостандыққа жіберілген екі офицерге де жаза ауырлады. Сотталушылар өзгерген үкімге наразылық білдіріп, сот залын басына көтерді. Толығырақ әріптесім Назерке Үкібасова айтып берсін.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Байзақтағы әскери бөлімде оқ-дәрі сақталған қойманы қасақана жарды деп 9 жылға сотталған Ерполат Тұранов пен Әсет Әшірбаев апелияциялық сотқа Шымкенттен қатысты. Астанадан шығатын шешімді тыңдауға жауынгерлердің ата-аналары да келген. Олар жазаның жеңілдеуін күткенімен үш судья берілген 9 жылды 13 жылға ұзартып, бостандыққа жіберілген екі офицерді 5 жылға соттады. Ал, қос жауынгерге 25 млрд теңге өндіру үкімі өзгермеген күйінде қалды.
Мұндай шешімді бұған дейін үйіне жіберген офицерлер де күтпеген сыңайлы. Сотқа Астанадан қатысқан олар сол жерде қамауға алынып, бірінің денсаулығы күрт нашарлаған. Қазан айынан бері жазасын өтеп жатқан жауынгерлер де үкіммен келіспейді.
Ал, сотқа Шымкенттен қатысып тұрған екі сарбаздың адвокаттары болса Астанадағы судьяларға сұрақ қойып та үлгерген жоқ. Үкім оқылған соң байланыс бірден үзілді. Адвокаттың айтуынша, сотталушылардың кінәсі сол күйі дәлелденбеген.
АБЗАЛ ӨМІРӘЛІ, адвокат:
- Бұл істе әділдік болмады. Алқадағы сотта үш сот отырды. Осылардан әділдік күттік біз. Ешқандай әділдік болмады. Бұл қылмыстық іс бойынша алдын ала тергеу кезінде де, бірінші инстанциядағы сот болған кезде де ешқандай дәлел болмады. Менің қорғауымдағы Тұранов пен Әшірбайды соттауға. Ешқандай негіз, ешқандай дәлел болмады. Сонда да соттап жіберді.
Еске салайық, 2021 жылы Жамбыл облысы Байзақ ауданындағы әскери бөлімдегі оқ-дәрі қоймасы жарылған еді. Апаттан 18 адам ажал құшып, 81 азамат жараланған. Дүйім жұртты дүр сілкіндірген оқиғаға кінәлі ретінде әскери борышын өтеп жүрген екі сарбаз Ерполат Тұранов мен Әсет Әшірбаев ұсталған болатын. Сотталған азаматтардың адвокаттары енді қайта шағым жазатынын жеткізді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық