Рет қаралды 79,172
Еліміздің бірнеше өңірінде шілденің шіліңгір ыстығы басталды. Әсіресе оңтүстік және батыс аймақтарда ауа райының температурасы 50 градустан асады. Аптап ыстықтан тұрғындардың денсаулығы сыр беріп, жедел жәрдемге шақыртулар көбейген. Ал "Қазгидромет" мамандары мұндай ыстықтың беті бүгін-ертең қайтпайды дейді. Ал аптап ыстықта аймақтардағы тұрғындар қалай күн көріп жатыр?
МАХАББАТ НҰРЖАНҚЫЗЫ, тілші:
- Ақтаулықтар жаз басталысымен аптап ыстықтың зардабын тартады. Өйткені өңірде шілде айында сынап бағанасы 40 градустан басталып, кей күндері 50-ге дейін көтеріледі. Тіпті мұндай ыстықтықтан сақтану үшін тұрғын үйлердегі салқындатқыштардың да күші жетпей қалады. Сондықтан, халық аптаптан қорғануға теңізге ағылады.
Жағажайдағы күндізгі көріністің өзі осындай. Кешкі уақытта бұл жерде тіпті орын табу қиын. Тұрғындар Каспий жағасында қас қарайғанша шомылады.
ЖҰЛДЫЗ ТІЛЕУХАН, тілші:
- Ал Атырауда 55 градусқа дейін жеткен ыстықтан қаланың жедел жәрдем қызметкерлері шақыртуларға үлгермей жатыр. Өйткені соңғы екі аптада дәрігерлердің көмегіне жүгінетіндер саны екі есеге өсіпті. Мәселен, әдетте тәулігіне 800 шақырту түссе, қазір 1500-ге жетті дейді дәрігерлер. Мамандардың айтуынша, жедел жәрдем көмегіне жасы 70-тен астан зейнеткерлер көп жүгініп жатыр екен. Бұған қоса, балалардың дене қызулары көтеріліп, өздерін жайсыз сезіне бастаған.
АЗАМАТ ЕРБОЛОВ, Атырау облыстық медициналық жедел жәрдем станциясының директоры:
- Өздеріңізге белгілі аптап ыстыққа байланысты бізде вызов көп+көбінесе балалардың дене қызуы көтеріліп түсіп жатқандар артып отыр, соңғы кездері қан қысымы көтеріліп түсіп жатқан науқастар көп. Соларға вызов көп түседі. Барынша барып үлгеріп жатырмыз. аздап кешігіп жатамыз бірақ түсініспеушіліктер болып жатады.
Қазір де сынап бағанасы +50 градусты көрсетіп тұр. Синоптиктердің мәліметше, қапырық ыстықтың беті әзірге қайтпайды. Сондықтан дәрігерлер тұрғындарға қажет болмаса далаға шықпауға кеңес береді.
АБАЙ НҰРЖАНҰЛЫ, тілші:
- Қызылордада аңқаны кептіретін аптап үш күннен бері тұр. Дәл қазір ауа температурасы 40 градустан асқан. Сондықтан көшеде жүретін адамдардың қарасы да азайған. Алайда осындай ыстықта көше тазалайытндар, қаладағы саябақтарға күтім жасайтын жұмысшылардың жұмысы тоқтаған жоқ. Олар жұмыс арасында арагідік талдардың көлеңкесіне барып дамылдап алмасақ, мына ыстыққа төзу өте қиын дейді.
НҰРӘЛІ ЕСЕНБАЕВ, жұмысшы:
- Арасында көлеңкелеп жуынып, шайынып аламыз. Басымызға орамал тағып.
БАҚЫТЖАН НАЗАРОВ, жұмысшы:
- Күн енді айтарлықтай аптап ыстық болып жатыр. Көлеңкелерді паналаймыз. Арасында мұздай суға жуынып аламыз.
Ал "Қазгидромет" мамандары бұл солтүстік-батыстан келген циклонның әсерінен дейді. Сондай-ақ мұндай ыстық ауа райы өңірлерде апта соңына дейін жалғасуы мүмкін екенін айтады.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар