Мемлекеттен 10 сотық тегін жер алу үшін кезекке қалай тұрамыз?

Қазақстанда он сотық жер алу үшін кезекке тұру жеңілдеді. Енді жеке тұрғын үй салу үшін тегін жер алуға онлайн түрде кезекке тұруға болады. Ол үшін бұрынғыдай жергілікті әкімдікке барудың қажеті жоқ.
Жер алуға кезекке тұру үшін ЕГОВ.кз порталына кіріп, жылжымайтын мүлік бөлімінен жеке тұрғын үй құрылысына жер учаскесін алуға кезекті қарау немесе кезекке тұру қызметін таңдау қажет. Онда өзіңіз жер алуды қалайтын аймақ, не елдімекенді таңдайсыз. Осылайша үйден шықпай-ақ небәрі 5 минуттың ішінде тегін он сотық жерге кезекке тұруға болады. Тіпті, электрондық үкімет порталы арқылы кезегіңіз күнделікті қаншаға жылжығанын бақылап отыруға болады. Қазір елімізде 1,5 миллион адам он сотық жер алуға кезекте тұр екен.
СЕРГЕЙ НОВИКОВ, «Азаматтарға арналған үкімет» мемлекеттік корпорациясының департамент директоры
- Бұрын жер телімін алуға кезекке тұру үшін әкімдікке барып, өтініш жазу керек еді. Ол өтініш 12 күн бойы қарастырылатын. Ал қазір үйде отырып, кезекке тұруға болады. Кезек ашық түрде көрсетіледі.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро [phone]
#10сотық #тегін_жер #кезек