Рет қаралды 26,331
Міне осылай қол астындағы қызметкерді қуып жүріп ұрған полицей орнынан бір күннің ішінде қуылды. Тәртіп сақшыларының белелін түсірген Алматыдағы Наурызбай ауданы полиция бастығының орынбасары Қанат Жақыпбаевқа қатысты қазір соталды тергеу басталды.
Қол астындағы қызметкерін аяусыз ұрып жүрген басшылық жұмысқа қызметтік формасын кимей, карантинде масканы да тақпай бөлімшенің ауласында камераның алдында осылай еркін жүрген. Өз қызметкерін сөйлеп жүріп, артынан қалмай ұрған оның бұл әрекетін Алматының бас полицейі сақшылардың беделін түсірді деп дәл бүгін жұмыстан қуды.
ДӘУЛЕТ ЕСМЫРЗАЕВ, Алматы қаласы полиция департаменті баспасөз қызметінің инспекторы:
- Қол астындағы қызметкерге қол көтерген полицей ішкі істер органдарынан шығарылды. Сонымен қатар бұл бөлімнің бірқатар басшылары қызметтерінен босатылды.
Бастығынан қашып ұстатпауға барынша тырысқан қызметкер мен оны ұрған полиция майоры Қанат Еркінұлын осы бөлімшенің тағы бір орынбасары өте жақсы білеміз дейді. Бірақ араларында не болғаны беймәлім, бөлімшеде қызметкерлерді сабау фактісі бірінші рет тіркеліп отырғанын айтады. Ал видеоның қалай тарап кеткенін өздері де біле алмай отыр екен.
Ал жергілікті тұрғындар бұл жайттан кейін тыныштығымызды күзететіндерге мүлдем сенуден қалдық деп отыр.
Өзінің бастығына жұдықтықпен жауап бере алмаған полиция қызметкері де қазір өзіндік басқару қызметінің тергеуінде екен. Ал күш көрсеткен Қанат Жақыпбаевтың жұмыстан қуыла тұра қандай жауапкершілікке тартылатыны әзірге белгісіз.
Әйгерім Ердәулет, Думан Сүлейменов
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#ПД #полиция #әлімжеттік #майор #Алматы