Рет қаралды 33,585
Солүстік Қазақстан облысында Ираннан қоныс аударған қандастардың көшке көңілдері толмайды. Олар әкімдік берген жаңа үйлердің сапасына шағымданып отыр. Айтуларынша, баспаналардың есік-терезелерінен суық үрлеп, қабырғаларына сызат түскен. Оның үстіне, қандастар бір айдан асса да жұмыс таба алмаған. Ал жергілікті билік өкілдері әрқайсысына берілуі тиіс көтермеақының да төленбейтінін айтқан.
Бұл Ираннан Шал ақын ауданына көшіп келген Хамит Шадкамның үйі. Бір ай бұрын берілген баспанасының сөгілген қабырғасынан үйім бір күні опырылып ортасына түсе ме деп қорқады. Айтуынша, терезелері дұрыс жабылмайтыдықтан суық жел келеді. Сондықтан, сапасыз салынған үйге Маңғыстау облысында қалған отбасын көшіруге қорқып отыр.
РУСЛАН ЖАСҰЛАНҰЛЫ, тілші:
- Міне, үйдің бөлмеаралық қабырғалары гипсокартоннан салынған. Есігінің жақтаулары жұлынып түсіп жатыр. Одан бөлек, еденнен де, төбеден де суық соғып тұратынын айтады.
Олар құрылыс жұмыстары соңына дейін бітпеген үйге неге көшіргенін білмейміз дейді. Сөздерінше, жауаптылар үйіп берген уәделерін орындамаған. Бір айдың ішінде бірде-біреуі тұрақты жұмысқа орналаса алмаған. Сондықтан ішерге тамақ таппай қиналып жүрміз дейді. Оның үстіне бәріне бірдей көтерме ақы берілмейді депті.
Аудан әкімінің орынбасары оларға ешкім ешқандай уәде бермегенін айтады. Керісінше, қандастарға қара жұмыс ұсындық, өздері бас тартты дейді. Ал көтерме ақы енді тек жоғары, не орта арнаулы дипломы бар азаматтарға ғана төленетінін кесіп айтты.
АРМАН ДҮЙСЕНБИНОВ, Шал ақын ауданы әкімінің орынбасары:
- 204 мың теңге адам басына отағасына беріледі. Ең басты талап білімі болу керек. Егер диплом болмаса квота берілмейді оларға.
Аудандық ТҮКШ бөлімінің басшысы салынған үйдің сапасы, бағасына сай деп есептейді. Ал қандастар көрсеткен олқылықтар жөнсіз дейді.
Ал Ираннан келген қандастар жауаптылар үйіп төгіп берген уәделерін орындамаса, бәріміз кейін қайтамыз дейді.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық