Рет қаралды 4,582
Монгол эмэгтэйчүүд өнөөдрийг хүртэл жирэмслэхээсээ өмнө эмчид хандаж заншаагүй хэвээр байна. Тэд жирэмслэснийхээ дараа л “төрөх” шийдвэрээ гаргадаг, жирэмсний хяналтад орсон өдрөөсөө л эмчийн заасан төрөл бүрийн шинжилгээнд хамрагддаг, жирэмсэн эхийн биед оношлогдсон эндэглэл, өвчин эмгэгүүд нь, түүнчлэн тэдний архи тамхины хэрэглээ, амьдралын буруу хэв маяг нь ураг нярай төдийгүй жирэмсэн эхийн эрүүл мэндэд хэрхэн нөлөөлдөг талаар жирэмсний туршид санаа зовж байнгын сэтгэл зүйн дарамтад явдаг нь жирэмсний болон төрөх явцыг хүндрүүлж байна.
Хэрвээ та жирэмслэхээсээ өмнө мэргэжлийн эмчид хандаж жирэмслэлтэд бэлэн байгаа эсэхээ нягтлуулж чадвал ураг нярай болон эхийн эндэгдэл гэх мэт маш олон хүнд, хэцүү, аймшигт эрсдэлт байдлаас урьдчилан сэргийлж, танай гэр бүл эрүүл хүүхэдтэй болж гэр бүлийн аз жаргалыг хүртэж чадна.