Ish beruvchining fuqarolik javobgarligini majburiy sug'urta qilish "IBFJMS"

Ushbu sug'urta turi O'zbekiston Respublikasining 2009 yil 16 apreldagi O'RQ-210-sonli "Ish beruvchining fuqarolik javobgarligini majburiy sug'urta qilish to'g'risida"gi Qonuni hamda O'zbekiston Respublikasi Vazirlar Mahkamasining 2009 yil 24 iyundagi 177-son Qarori bilan tasdilqangan "Ish beruvchining fuqarolik javobgarligini majburiy sug'urta qilish to'g'risida"gi Qoidalarga muvofiq amalga oshiriladi.
Sug'urta ob'ekti bo'lib, sug'urta hodisasi yuz bergan taqdirda Ish beruvchiga, Jabrlanuvchiga yohud Naf oluvchiga mehnatda olgan mayibligi, kasb kasalligi yoki xodimning shartnoma amal qilish davrida mehnat vazifalarini bajarish bilan bog'liq sog'lig'ining boshqacha tarzda shikastlanishi munosabati bilan xodimning hayoti yoki sog'lig'iga yetkazilgan zarar hisoblanadi.
Shartnoma tuzish uchun quyidagi hujjatlar taqdim etiladi:
majburiy sug'urta shartnomasini tuzish to'g'risidagi ariza;
ish beruvchining - jismoniy shaxsning pasporti yoki shaxsini tasdiqlovchi boshqa hujjat;
ish beruvchining davlat ro'yxatidan o'tkazilganligi to'g'risidagi guvohnomaning notarial tasdiqlangan nusxasi.
Majburiy sug'urta shartnomasi bo'yicha sug'urta summasi ish beruvchining barcha xodimlarining 12 oylik ish haqisidan belgilanadi.
Sug'urta tarifining bazaviy stavkasi sug'urta summasining 0,1% miqdoridan belgilanadi. Ushbu sug'urta tarifi barcha ish beruvchilar va sug'urtalovchilar uchun yagonadir.
Majburiy sug'urta shartnomasi bo'yicha sug'urta tovoni yetkazilgan zarar miqdorida lekin sug'urta summasidan oshmagan holda to'lab beriladi.

[@javlonjonesanov6064]

Qurilishda baxtsiz hodisa sabab 2-guruh nogironi bo'ldim. Sog'lig'imni 80 foizini yo'qotganligim xususida tibbiy ma'lumotnomani va qurilishda sodir bo'lgan baxtsiz hodisa xususidagi barcha ma'lumotnomalarni sug'urta kompaniyasiga topshirdim. Lekin shu vaqtgacha to'lab berilmadi. Nima qilishim kerak

[@JavohirEshonqulov-ke6tt]

Assalomu alekum Nodira opa sug`urta qoplamasi qanday hisoblash tartibini tushuntirib berolasizmi ?

[@uzbekinvest_]

Assalomu Alaykum, kelasi videolarda yoritib berishga harakat qilamiz🙌🏻